隱藏同人形不需拆件合體角度, 宇宙大帝係唔係最好?

benbenben4213

90年代 DX 版無敵將軍視頻




2019年食玩版無敵將軍視頻

higundam

珍寶3都應該係！

Garycharm

benbenben4213 發表於 4-4-2022 01:58 PM
90年代 DX 版無敵將軍視頻

多謝賓哥分享。剩係睇佢清清脆脆合體變形已經係一種享受。
撇開我自己唔太鍾情戰隊系，我覺得玩具要咁先至好玩。
老變果D，甚麼mp、第三方真係玩到頭痛。
影相果陣，變一次已經唔想還原，所以越玩越冇癮，最後完全脫坑。
比較之下，合金魂或POSE+等合金玩具好少少，但係難講得上有爽快感。


回應樓主個TOPIC，
其實我唔係好明點解話六神太簡單、而大帝最好。
無論新舊合金，一定係六神複雜過大帝。
至於話「睇唔睇得出係幾隻合體」，要睇，兩隻都一定睇到。


不過我好同意其他師兄所講，大王者真係最神奇。變形之後只係要小腿兩塊遮醜件。
如果計「飛機合體變機械人」，泰坦三珍寶三都好玩，只係外加配件比較多。
至於超力V型，當然係好，不過多機合體、飛機/車變形機關比較少，反而冇咁特別。

GUNBUSTER已經好到唔駛講，
我覺得合金魂另一真正神作係吉姆王。
真係盡力還原動畫過程，
好多驚喜、好黐線。

hades9

六神比較傅傳統5合一宿丰宿腳合體系統, 比較易看穿合體系統

大帝就比較新合體系統, 要空雷王變大合體, 比較難看穿合體系統, 細個時唔明點解3個同比例合體後又唔覺, 好似變魔術咁精彩

mkmlo

以前動畫設計時都唔合比例, 有D已經算出得唔錯
我最近玩幾隻 Transformer, 變一次身要半個小時已上, 如果是三變或合體, 一個小時起碼
今天突然諗諗, 還完動畫好高, 但係唔係冇左玩TOYS的原意 ...

Garycharm

mkmlo 發表於 6-4-2022 01:50 AM
以前動畫設計時都唔合比例, 有D已經算出得唔錯
我最近玩幾隻 Transformer, 變一次身要半個小時已上, 如果是 ...

同感。

有幾隻第三方合體，真係變一次，夠素組砌一隻hg。
當然，第三方合體可以吸引到我買，本身一定有型有氣勢，都係佢哋特色。

除咗外型，合體玩具最緊要唔易爛、企得穩。
至於合體過程太複雜，就冇話好唔好，最緊要係自己鍾唔鍾意。
我就覺得唔適合自己。

Garycharm

hades9 發表於 5-4-2022 10:55 PM
六神比較傅傳統5合一宿丰宿腳合體系統, 比較易看穿合體系統

大帝就比較新合體系統, 要空雷王變大合體, 比 ...

六神/大帝雙腳合體方式幾乎一樣，唔駛比較。

大帝特色係空雷王多一個肩膀變形關節，然後出術外加一大件胸甲，平衡比例。
呢件胸甲，可能就係你話「難體穿」嘅原因。

六神設計係「宇宙大帝加高迪安」，雙腳唔駛講，同大帝一樣；雙臂基本上就同雙腳一樣，將兩個機械人變成人棍去扮手。然後將隻基因收入史分克斯體內。舊合金最抵死係，基因可以伸長條頸，喺合體六神個口「裝」出去。


都係果句，要睇得穿，就兩隻都睇得穿。分別係你鍾意邊隻。


至於話合金魂之中，用小機械人合體為大機械人，最神奇應該係大王者。
嗯，如果只係講個頭，超獸、珍寶3兩個嘅頭部都好精彩。

Garycharm

補充下圖片。

當年俾人鬧到黐肺，最後上咗神台嘅大冇事：




四十年諗得出呢種合體概念嘅人，真係接近神或惡魔。

nela

大王者真係表表者不過2/3號機都要 upside down.. 駕駛者慘D

鬥將就當時回響大...勁插設計...........其實只係行前左10年

redfish

nela 發表於 6-4-2022 12:00 PM
大王者真係表表者不過2/3號機都要 upside down.. 駕駛者慘D

鬥將就當時回響大...勁插設計...........其實 ...

大武士用現在的標準睇其實不合格，先唔計無得轉腰，雙腿一擺甫士就好似畀人打斷咁，要好睇只能企直，用得假狗式設計，就會期望兩個形態都靚仔，人形可動要正常

Garycharm

redfish 發表於 6-4-2022 12:51 PM
大武士用現在的標準睇其實不合格，先唔計無得轉腰，雙腿一批甫士就好似畀人打斷咁，要好睇只能企直，用得 ...

冇轉腰就算了，勉強可以忍。
但係對腳真係超經典！！！

mkmlo

Garycharm 發表於 6-4-2022 11:15 AM
同感。

有幾隻第三方合體，真係變一次，夠素組砌一隻hg。

係呀, 我真係一不小心拿出來變下形, 合下體, 發現天黑了, 假期突然唔見左

mkmlo

Garycharm 發表於 6-4-2022 11:42 AM
補充下圖片。

當年俾人鬧到黐肺，最後上咗神台嘅大冇事：

以前D人真的係神人, 所想出來的, 現在也是無人能及的

JohnWick

大冇事到今日自己都無法認同，變形唔跟原著，如此大改動下仍無法造到機械人及貨車美觀外型，大頭換細頭設計，完全有違變型意義，咁做不如直接換件，以變型及外觀重視代替，完全浪費左心口空間，對手監粗用條鐵帶落隻腳，再以黃金俠式手臂屈埋，這個方法完全沒有美感可言，亦失去變形巧妙對調部件作用，最後對腳為左收埋對手，攪到又粗又大。背囊就更加完全沒有動過任何腦筋。

Garycharm

JohnWick 發表於 6-4-2022 09:46 PM
大冇事到今日自己都無法認同，變形唔跟原著，如此大改動下仍無法造到機械人及貨車美觀外型，大頭換細頭設計 ...

都認同，當年我都有份鬧。
我唔識設計玩具，剩講對腳都有排鬧，
見佢變車之後，既然對髖、膝關節都冇影響，真心唔明點解關節會搞成咁。

不過依家睇番，我又ok鍾意佢。
合金魂之中，佢變形複雜程度恰到好處、又重手，變形之後都算合格靚仔，
腳底跑車又夠抵死。
屋企一堆合金之中，會變形合體果d好多都太麻煩、冇變形合體果d又唔夠多嘢玩，
反而呢隻我依家仲會拎出嚟搞下變下，算係最好玩果幾隻。


題外話：當年住元朗，好記得間玩具鋪水我，話叫我買一箱，預備炒起。
隻嘢後嚟真係炒起呀，不過要經歷漫長嘅50%off之後~~