2022年7月「METAL BUILD」Hi-ν GUNDAM & 魂限 OPTION SET

alien133

sniperxp 發表於 31-7-2022 09:54 AM
因為當時拉。格林姆上只有呀寶有能力(NT)可以做到超視距射擊
支砲就算再遠再大力, 裝在隻艦上或是比其他 ...

補充下設定理解，同埋順便回應翻上邊拗頸嗰位老友，勒·佳林級主炮係勁，但米氏粒子密佈的戰場環境中，超視距射擊，哪怕目標係牛乸咁大個阿古捷斯，都會變成大炮打烏蠅。
劇場版內，就算離遠用核彈飽和射擊，都被新自護軍MS點射解除曬威脅，唯一可行辦法就係用新類型人感應誘導射擊保證命中，或者突破防禦網近接登陸從內部爆破。

連以上背景設定或者劇情都未了解，就嚟講好笑，咁不如咪睇UC世代嘅高達啦，唔make sense呀，一樣好搞笑

仲要設想畀人殺到埋身cut 斷線纜，大佬，發炮位置就係戰艦火力網範圍，又有僚機護衛，咁都殺到埋身，碌炮都冇用啦

Lau

以上咁多位…，我一直都係講緊枝炮點解有線的問題…，請你們睇回舊 post，你地講由邊個射我根本唔 care，亦不在我想討論的範圍…，另外，之前有人提過係拿住指砲上前線打，請問前線是戰艦火力必及範圍內？？仲有僚機，我咪講左要保護支砲 & 線，仲可以打到幾多其他機囉…，唔該以上咁多位睇番對上咁多個 post，至好回應，回應人要到 point！！

alien133

Lau 發表於 1-8-2022 03:21 PM
以上咁多位…，我一直都係講緊枝炮點解有線的問題…，請你們睇回舊 post，你地講由邊個射我根本唔 care，亦 ...

1.理想炮擊位置必然唔係交火前線；
2.拖纜駁電池完全係2創設定，可能相信阿寶+Hi new+浮游炮足以護衛攜行大炮使用

要擔心到咁多問題，不如諗下有咩戰況要高達帶炮離開艦隊攜行出擊好過，所以你問有線嘅問題，同拖電池係2件事

bigbigfriend

今天支炮又係瞬間缺貨，慶幸訂到一……

tsang_20190721

我試搶果陣, 突然出現 LOGIN ERROR,. 搞到我搶唔到, 最後要係旋拍食炒價

s0014028

Lau 發表於 1-8-2022 03:21 PM
以上咁多位…，我一直都係講緊枝炮點解有線的問題…，請你們睇回舊 post，你地講由邊個射我根本唔 care，亦 ...

其實樓上咁多位一直都係解釋緊點解支炮有線連戰艦，可能閣下睇高達可能唔夠詳細。
第一點，故事由一年戰爭已經有MS用連外置發電機嘅武器如第一代吉姆狙擊手。
第二點，高達故事入面宇宙交戰係閒閒地以幾百米至幾十公里計算，而且一年戰爭菠蘿號/自護號嘅有線炮條線已經有數公里長（MG/RG設計圖有寫），所以戰艦級伸出條幾十公里電線冇乜出奇。
第三點，高達故事戰艦正常好少會上“最”前線作戰，多數都係在接近前線地方放MS出黎後留係到指揮，而且因為米粒關係就算戰艦主炮點射，命中都係低到爆，所以拆出黎比阿寶係最前線用，亦解釋左閣下問點解唔裝支炮係戰艦到，因為係故事係相反，為左射得中先拆出黎連線用。
最後一提，用漫畫表達，阿寶真係可以揸緊咁阻訂嘅大炮都可以打爆基尼同去好近阿古捷斯到射一炮，可惜比隻戰艦擋左。
最後最後一點，睇動畫由佢講，創作嘅野你點駁，著作權都係在佢地手上，我地睇完開心完就好，你有意見直接去佢地公司表達/叫佢地比你作。（100%閣下一定會反駁）
我又一次打勝黃牛搶到一支炮

馬仔

今日居然同時定到劍同炮，可能太早無咩人按。

tsang_20190721

馬仔 發表於 2-8-2022 09:28 AM
今日居然同時定到劍同炮，可能太早無咩人按。

我係 FB 見到好多人只係搶到其中一樣

bigbigfriend

兩枝都搶唔到，只能入兩隻Robot魂

馬仔

其實係運氣，load到就買到，load唔到就放棄，要不停按不停按試下。

tlym

幸運地尋日Hi Nu同今日Strike支炮都訂到

fallout8

隻Hi Nu成街都係貨，但係支魂限炮就九秒九俾人搶曬，點解會有咁既現象？有冇師兄解答？

s0014028

fallout8 發表於 2-8-2022 06:48 PM
隻Hi Nu成街都係貨，但係支魂限炮就九秒九俾人搶曬，點解會有咁既現象？有冇師兄解答？ ...

只要寫限定，MB嘅野有9成機會有名為“黃牛”嘅x街同你搶，最近嘅IWSP背包例外。

man05

二次受注，一月發送

fallout8

s0014028 發表於 2-8-2022 07:37 PM
只要寫限定，MB嘅野有9成機會有名為“黃牛”嘅x街同你搶，最近嘅IWSP背包例外。 ...

謝師兄解答，咁真係要多謝笨大加限定兩個字同控制貨量去養活班X街。