吹水：你認為神作的變型/合體機械人玩具

純白騎士姬Saber

我會揀1/55VF-1
易變耐變㩒玩
唯獨人型唔算靚

純白騎士姬Saber

laiken 發表於 11-8-2021 09:36 AM
X2，歷嚟咁多款老變產品，只有MP01/04係令我真正心動，隻MP44完全唔係我杯茶

Btw，呢隻兩邊膊頭條氣管短 ...

可惜身體有高低門問題

我隻MP01入水銀電既極片蝕爛了⋯⋯

fallout8

百載真純 發表於 10-8-2021 12:06 AM
變型方面可能係呢隻,

諗出依個變型既人真係CLS

Edmond22

我覺得係超合金魂Gunbuster

xueyue2

laiken 發表於 11-8-2021 09:36 AM
X2，歷嚟咁多款老變產品，只有MP01/04係令我真正心動，隻MP44完全唔係我杯茶

Btw，呢隻兩邊膊頭條氣管短 ...

No, this is U.S. release Battle Damaged version, not DIY.
You can check here for details: https://suparrobo.com/2013/11/06/masterpiece-mp-1-optimus-prime/

haha19880311

其實單講變形或合體的設計, 我覺得已經好多廠都設計得好好了, 所以我會考慮以下幾點來評分:
1. 變形或合體的設計好唔好? 有冇驚喜? 其他相同的作品比較下表現如何?
2. 變形或合體簡唔簡單? 會唔會變完一次就唔想再變?
3. 變形後的外形及可動好唔好?

最後我選了: POSE+的天威勇士

1. 變形或合體的設計好唔好? 有冇驚喜? 其他相同的作品比較下表現如何?
=> 有啲人以為天威的套娃娃合體好易設計, 其實唔係! 天威最難的地方反而是套娃娃後的連動、互相干涉等機構問題, 並唔係由幾架機械人分別組成頭、手、腳就完成合體咁易解決的! 仲要係完全變形添!!
=> 加上之前B記同千記都出過, 對比之下確係有好大既驚喜!!

2. 變形或合體簡唔簡單? 會唔會變完一次就唔想再變?
=> 有啲設計得好好, 變前變後都可以完美展示的玩具確係不少, 但變一次都要成個鍾又要睇住說明書先可以變第二次, 變番轉頭仲頭痛過猜燈迷, 呢吓POSE+的天威又解決了!
=> POSE+天威既合體簡單, 且直覺式操作, 睇完一次說明書之後大致都可以唔駛再睇!!

3. 變形後的外形及可動好唔好?
=> 唔駛講啦呢樣, POSE+ 天威, 合體前三隻機體都可以獨立玩, 可動又高, 擺POSE又型 ; 又即使單單阿龍同劍狼兩隻合體, 都可以完全唔影響可動及擺POSE咁玩 ;  即使三隻合體後一樣保持到佢既高可動, 加埋合適近年的審美觀和最接近原著的外形, 就已經冇得輸!!

所以我選POSE+的天威勇士!!

payton20

超獸機神，設定打破之前六神,宇宙,百獸王等單純合體，能夠單體兩變、三變 (後期勇者系列合體合體再合體就當佢另一類)

當年超合金魂的超獸更是驚喜，我認為是對比返懷舊產品外觀的「最大改進」

Garycharm

睇完大家所講，老土d講句，每一位師兄都有道理。
當然啦，有師兄諗得仔細d，會考慮多幾方面評分；有師兄就熱血d，熱愛角色先行。



就算大家寫出o黎係差唔多評分標準，結果都可以唔同。
加上角色亦重要，例如我係七十代合金控，鍾情日系巨大機械人，
仲要係老派果隻。所以有d第三方老變不知名角色，識飛都冇用，

另一方面，我都想「合體變形有驚喜」，不過我又真心怕變形太麻煩，
有d合體變形，係靚、係神奇，不過每次變形都搞成個鐘，玩多兩次，我可能情願去砌隻MG，滿足感會更加大。
又當然有關能力，一句講晒，小弟我真係唔識得玩 half-eye---------真係同財力有關，我買係買過，玩亦玩過，不過我唔能夠完全冇壓力咁放心去玩呢間公司產品。

我評孩記天火文「稱神」，唔單係佢可以同時兼顧外形、變形、價錢、玩味（搞到咁死複雜，但係都可以放心亂扭），
佢仲真係承先啟後，開創之後幾年變形玩具新境界。


撇開老變（有師兄講得o岩，日系美系唔同標準，有時好難比較），合金魂巔峰期有幾隻產品會係我心水。包括六神、大王者、Gunbuster、吉姆王（可惜我最愛的金毛獅王唔係）。
菜系係另一個巔峰，Y記B記都有代表作，有幾隻變形真係勁到不可思異！
近年老千果隻超獸本來好好，可惜一個缺點搞衰晒；剩低o既，pose+天威啦，呢隻冇乜投訴。

依家我最期待係Pose+隻GGG，出貨在即，設計/製作大局已定，希望隻o野生生性性，唔好無端端衰一d唔應該衰o既o野。

laiken

payton20 發表於 13-8-2021 11:40 PM
超獸機神，設定打破之前六神,宇宙,百獸王等單純合體，能夠單體兩變、三變 (後期勇者系列合體合體再合體就當 ...

但其實獅同豹嘅獸形同車形個變身係好簡單，而所謂合體，都只係象嘅人形踩上獅同豹嘅車形
反而個變形最複雜嘅係最細隻嘅鷹戰機。

Garycharm

laiken 發表於 16-8-2021 05:37 PM
但其實獅同豹嘅獸形同車形個變身係好簡單，而所謂合體，都只係象嘅人形踩上獅同豹嘅車形
反而個變形最複 ...

鷹戰機真係最複雜最新奇！

講開鷹戰機，因為我冇睇超獸，加上當年又冇咁多網上短片，我之前係完全唔知超獸個變形結構。
當年第一次玩合金魂，跟說明書去變，搞兩下，忽然翻o左佢個靚仔人面出o黎，
大佬，架鷹戰機咁細隻，可以收埋一個咁靚仔咁完整人面，好似變魔術咁，超驚喜！！！
兩隻腳就例行公事，摺埋手手腳腳就算。至於象戰機，心口就有o論盡有少少麻煩。最麻煩係髖關節，到依家我都唔知佢想點。

論合金魂變形好玩，超獸有好有唔好，整體表現算中中間間。
又，個人喜好，我覺得最好玩係吉姆王、大王者、大武士。都係比較早期產品。
其他大帝、六神、百獸、金毛，
都係情意結多D。勝在變形流暢。
講起o黎，高迪安都係呢個範疇......嗯，真心，如果單想放空玩變形合體，玩高迪安會好過pose+隻天威。

至於gunbuster，我稍嫌太複雜。
大贊卡龍卷？有時想開出o黎玩，結果我情願砌模型。

Garycharm

出下相，
當年諗得出呢個變形合體條友真係天材！

tower

大河原就系<E条友>啦，睇住尼隻点都联想唔到佢设计男人之机渣古。。。系天材啦。

tower

电镀R结果只出到大胆3停左，大王者如果电镀即比$，目前版本边一忽系<合金>呀晕

Garycharm

tower 發表於 23-8-2021 01:32 PM
电镀R结果只出到大胆3停左，大王者如果电镀即比$，目前版本边一忽系呀晕

唔好俾佢外表o厄o左，其實大王者都有唔少合金，我係合金控，對呢方面好敏感。例如一號機心口、二號機身軀（合體後成為下腹及背部）、三號機身軀（合體後小腿及後踭）。不過記得當年變形玩具好似話有好多括甩漆投訴，所以笨大就是q但但一鑊改晒原膠色上菜，結果成隻o野膠晒、成為本作致命傷。當然，變形後幾塊「外型先決」外加部件都係扣分原因。

不過作為合金迷，呢一隻我真係好鍾意。你諗下，三隻機械人合體o咼、又唔係六神/大帝果種簡簡單單手手腳腳o咼、合體後又唔係變形金剛果種前後上下都分唔到o既怪咖o咼~~大王者係一隻正正經經、靚靚仔仔o既王道機械人呀！

唔係要你高追，係想下次如果再版，咁就俾錢啦師兄！

chlycab

個人覺得超獸、六神、百獸同十五機都神
無他既，佢地能夠將兒時係電視見到既實體做到出黎，就已經夠神