ML 同 SHF FIGMA 嘅美系超級英雄玩具比較

龍星丸

玩具上色就差唔多是一切
將一樣野縮小到手掌大小
冇上色要表現立體感係事倍功半
膠件甚至金屬件塑材冇上色亦難有靚效果

lkljason

同你情況差唔多，見到呢度其他師兄玩ML d公仔都唔差丫，點解落d鋪頭睇差咁遠既，原來係自家修改，自問無咁既時間心機同技術，所以都係玩翻日系好似figma, medicom或者SHF算啦！

stephen727

ching分析得好正確:)
我都係兩邊都買:78:

rrhk2013

根本問題係呢度d Ching(包括樓主), 買美玩抱住日系figure要求去買/去玩,
之後就話點唔得點唔掂, 完全無了解過美玩特質就說三道四,
就好似走去雲吞面檔, 要求人地整個九州拉面咁, 根本係兩樣野離,
唔鐘意咪各有各玩, 鐘意咪一齊玩, 硬係要攞離比賽咁比!

都係果句, 兩者根本從價錢, 對象, 細緻度, 上色, 比例都係兩回事,
硬要不對號入座只會另自己失望, 但根本唔係玩具本身問題,
唔通設計比嬰兒玩o既玩具我地大人玩覺得唔好玩唔靚就等如玩具本身有問題?
等如有人仲玩緊/搵緊幾廿年前設計o既超合金一樣, 你覺得合金魂點正點正係你o既事,
唔代表人地玩果d玩具有問題囉!

44超音魔球

Marvel legends係歐美地區好受歡迎，係flickr會搵到好多玩家影既相，好多都影得好正，而YouTube 會搵到好多高手改造角色影片，我都係睇得多而跳入ML坑

gumng

ML Avengers CA, Thor  & Hulk 頭雕一定比ＦＩＧＭＡ好，ＦＩＧＭＡ個款ＣＡ　＆　ＴＨＯＲ真係肉酸到。。。。。。
可動就ＭＬ完全無得同ＦＩＧＭＡ比！！

stockholder

唔差的SHF. 好好扭

jonathanchui

其實唔明師兄點比較，兩樣本質上已經係唔同既野。。。
我就中意玩ML，角色多，膠料又啱粗玩，適合得閒攞上手玩
SHF個啲。。。講真花咗少少你都心痛啦，又點會成日攞上手玩，玩兩玩你都只係display或封棺啦
同埋你會拎隻SHF去做custom咩lol
上網搵acba四字，可見大部分既玩家都係玩ML，因為易上手set啲dynamic既pose見到啲人由電影版groot改到變comic version groot,幾掂

由此可見，ML係sell玩家，一班愛marvel既fans，當然一定想sell到小朋友，但依舊係成人玩家為重

另外，對樓主呢type玩家唔吸引係因為無追漫畫，試問樓主有冇留意marvel now既captain同遲下隻marvel now ironman?
如冇，正常都唔買啦
樓主呢type玩家正正反映出近年ML困擾，點解頭幾wave ROML咁多死貨？因為啲character只有有睇漫畫既人至識

其實近年不論marvel, star wars都係向一個方向：6吋係大玩家既戰線（black series, ML), 3.75係小朋友戰線
我覺得hasbro一直都當玩具係打仗，如何以low cost整靚figure,點pack assortment滿足comic同movie fans 既需求,至可以sell多幾隻，等啲shop小啲死貨多啲入返hasbro


日系只係sell collector，只係睇movie既玩家，以靚同收高啲價格為重點，啲人靚就入唔靚就少啲order，所以當然盡做得靚，反正幾貴你地都買lol

基本上兩個世界既玩具
衰的講句日系只係執下死雞，食hasbro以開源節流為前提下做唔到既野
講真一間咁大既公司，點會無出色既玩具設計人員？尤其有一定既toybiz老pat pat係度
ML mark 42 war machine唔好，當然比日系食
呢道又可以見到點解我覺得hasbro點解好似打仗咁
ML俾日系追撃，transformers俾 3rd party打
依家其實已經見到hasbro嘗試融合日系換手既方法希望搶反玩家反黎（如新既ML comic version spiderman, winter soldier隻captain)
transformers又有佳作打擊3rd party (如generations百丈跳，以至2015既combiner wars)
可見hasbro積極得多，此為百花齊放既好處，迫下hasbro

所以，如前幾個回覆既師兄講，了解多啲啦
如果可以，希望devil兄可以出黎講下，我都只係識啲皮毛，不過近年見到一講呢啲就俾人話係打手，唔想噪都正常

（利申：我自己既愚見，no offense to 樓主，我有入shf ironman,靚野lol，同有時都覺得hasbro有唔掂，出咗廿隻男人都仲用ML Bucky個body，真係＄＆＄＆＄％＆＄:what:）

神打魔帝

自己日廠美廠 6吋都有玩，但選購時就一定唔會拎日廠果套要求放落美廠度
一買美廠就會要求減半，畢竟大家既市場都唔同
勉強拎黎比較絕對冇幸福

但通常我得閒都係會拎D 美玩出黎玩下扭下多過拎日玩. . .
唔洗鍚住鍚住黎扭:p

bbq1120

睇到呢到,特然諗起之前既少年廚神,響酒店開左間餐廳,賣個百幾蚊既餐蛋飯,比人小到開巷...{:1_203:}
好多人話佢貴,一般茶餐廳先$2-30云云...
其實佢做個市場對象又唔係一般平民,
而一般茶餐廳既市場對象又唔係捨得比錢既食神...
請注意:市場對象不等於貨品質數,茶餐廳唔一定差,酒店都唔一定好,
跟本就係個人喜好問題,不存在衝突,
只要唔好果班捨得比錢既食神話茶餐廳係垃圾,
而食慣茶餐廳既市民又話酒店浪費就得了...
利申,本人乜都有玩,乜Q都食,只會用腳投票!!!:he:

hellobaby

44超音魔球 發表於 29-5-2015 01:41 AM
其實ML唔重塗都唔係咁差，只要影個時用少少打燈技巧特顯返d輪廓，出黎效果唔會差得過日系玩具

即係又要用其他技巧令佢變靚:unhappy:

hellobaby

taken 發表於 29-5-2015 08:53 AM
我都貪得意入左美版美國隊長，玩落同我想要的唔同所以無再入。

我係未買之前去睇實物,已經覺得同依度D師兄POST個D相有出入了

我都覺得頭雕應該幾靚,唔係重塗都唔會咁靚,但原裝D上色真係太大落差了

其實你有冇留意,ML重塗嘅人係比日系SHF FIGMA嘅比較多?唔係SHF FIGMA冇,只係比較少,所以我覺得玩開ML系列的,其實佢地自己都覺得上色係麻麻,所以至重塗比較多

hellobaby

大姐姐 發表於 29-5-2015 04:54 PM
老實說, Hasbro Marvel Legend 不應該和 SHF 和 Figma 比較。  前者的對象年齡 4歲以上, 後者是 15歲以上。 ...

我自己都覺得冇得比,同你意見一樣,ML對象年齡 4歲以上, SHF FIGMA是 15歲以上,只係見依度不時有ML FANS大戰SHF FIGMA FANS,至講吓自己感覺.

我唔係話所有美玩都唔好,我自己都有玩 NECA 同 MCF ,我亦冇話ML FIGURE係垃圾,只係硬要比的話,我個人覺得真係日系比較美觀

重申:我唔係100%覺得 ML都比較差,可能只係我新手唔識野,未見過好野.

hellobaby

龍星丸 發表於 29-5-2015 06:09 PM
玩具上色就差唔多是一切
將一樣野縮小到手掌大小
冇上色要表現立體感係事倍功半

非常認同師兄所言,玩具上色就差唔多是一切:74:

隻公仔幾正都好,當佢眼耳口鼻上色出晒界,就算係千幾二千蚊嘅HOT TOYS都死得,唔係點會咁多師兄買HT D FIGURE成日話怕中SAD貸.

hellobaby

lkljason 發表於 29-5-2015 06:38 PM
同你情況差唔多，見到呢度其他師兄玩ML d公仔都唔差丫，點解落d鋪頭睇差咁遠既，原來係自家修改，自問無咁 ...

我同你諗法完全一樣

所以我都有講,識重塗嘅可以玩ML,好似我唔識嘅只好玩SHF FIGMA了.

對完全唔識上色重塗嘅人嚟講,根本對ML玩具好難有興趣就係咁解.