關於maketoys 建造派

freddyckk

Ching 想睇實物去油麻地In’s point走一轉會搵到

Endless

差小小唔緊要
因為高在膞頭
而膞頭係可以調整些小高度！

Chandlermok

呢隻真係唔錯,可惜太大隻家中未有位比佢,長期封閉中.

BoaY

要買就買G1綠色,係G2黃色既改良版,
左邊MT,右邊TFC,各有所長~

用河森版文哥放一齊size都ok好睇既

Try0083

要買就買G1綠色,係G2黃色既改良版,
左邊MT,右邊TFC,各有所長~

用河森版文哥放一齊size都ok好睇既


...
BoaY 發表於 24-7-2013 01:41 AM

    師兄~第二張圖影得好有氣勢,好毒{:1_224:}
搞到好想即刻去入手,呢隻其實想入好耐,不過講真要成差唔多30條魚先入到就真係貴左D囉{:1_240:}如果平返少少都會諗諗佢:!

Try0083

要買就買G1綠色,係G2黃色既改良版,
左邊MT,右邊TFC,各有所長~

用河森版文哥放一齊size都ok好睇既


...
BoaY 發表於 24-7-2013 01:41 AM

師兄~第二張圖影得好有氣勢{:1_221:}好毒:80:
搞到我即刻想去入手:shiny:

manwest

其實黃色建造派都有第二版 , 就係同綠色版一樣有加長手臂 , 又可拉出前腰甲加強雙腳可動 , 而且係用新頭 , 已經可以向上望!!(不過無開口個頭)  
只係無綠色版支長茅~~ 仲有第二版唔會再有"是啤"件 .

可變戰士

要買就買G1綠色,係G2黃色既改良版,
左邊MT,右邊TFC,各有所長~

用河森版文哥放一齊size都ok好睇既


...
BoaY 發表於 24/7/2013 01:41 AM

大大影啲相好靚, 我都覺得河森版文哥Size比例襯到絕. :71:

j.w

回復 19# BoaY


    多謝師兄"咁毒"的回覆:63:

隻河森版嘅比例好正........:63:Ｘ2


重要揸住六面獸變嘅鎗...................中毒鳥.........

紫月葵

回復  可變戰士


   
意思係有2間廠出呢只........

搞咗咁耐,我而家先知係有2間廠出 ...
j.w 發表於 23-7-2013 02:04 PM

如果你唔怕我呃你既話，以下係我既意見
(因為懶得重打，所以就轉貼上年9月既一個長回覆吧，希望幫到你了解)

原帖由 紫月葵 於 2012-9-3 20:02 發表
簡單一個短文字介紹先~
而家有3款建造派(唔計兩款encore用既add-on)
1. TFC
2. Maketoys(黃色)
3. Maketoys(綠色)

以上三款同為6機合體，tfc係大陸設計師，而mt係日本既
價錢方面，如果唔係美國等地方，香港同大陸黎計，3隻個價錢相差200-300左右(視乎市場)
size，以官方tf黎區分既話，tfc分體後6機，每隻都係voyager class，而mt既就係接近deluxe class。另外一提，tfc6子高度幾乎一樣，而mt既就高度不一，有一兩隻明顯高好多

TFC有分初版同再版，主要分別係再版將初版本身有既少少問題(例如某隻股關節過鬆)改良，而初版雖然有呢d問題，但tfc亦有附送番改良件比玩家。
MT首先出黃色版，佢地聲稱為限定色version，同tfc果款既初版一樣，存在一d問題(主要係膠件爆裂/斷裂，呢點之後再提)，亦同樣有附送一個改件(都係之後再提)。之後佢地再推出boxset綠色版本，定價比限定黃色版稍便宜一點，另外亦都改善及改良黃色版既缺點。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

以下為個人意見~

先講MT兩set建造派，
mt由於係日本設計師，故6子人形時都比較有日系前形既設計，例如身幼+手長腳長，但就同以往官方tf一貫既"硬漢風格"有d唔夾，如果係對日系美形情有獨鍾，而非官方tf死忠既話，其實呢點唔係太大影響。
而個別車形時亦都頗為仔細同真實一d，但當然如果真係對真實系好敏感既人士，都會發現其實同現實既工程車有分別，例如挖臂車excavator，佢係將現實中幾款型號既挖臂車既要素放埋左一齊，係咪設計師故意咁做就不得而知啦，另外例如作為合體形態上身+頭部既mobile crane，設計師與其係諗下點樣收藏合體頭部，佢直接就將佢用個頭盔遮住塊面就當隱藏左，所以車形時會零零舍舍多左個"不明物"o係架車上，excavator同bulldozer冇車輪設計，所以唔可以碌黎碌去，另外仲有一點要提既就係，如果係好介意同官方tf既size comparison既話，咁呢set就未必岩你口味，因為冇可能一架工程車係同一架跑車(官方D級玩具)係一樣size嫁嘛
變形方面，同tfc既比較算係複雜少少，因為平均步驟多一d，另外上面提到附送改良零件，事實上聽得最外出事既係set B果兩隻，但佢附送既就只有其中一隻既改件，另外果隻因為爛既情況比呢一隻少，所以就冇出到，不過把玩既時候自己小心d應該都冇事既
但一到合體部份，佢就唔係"接近完全變形"或"完全變形"既設計，例如合體形態既下臂，就係完全既外加件；作為腳既wheel loader亦要拆下其中一件配件，再將佢裝上另一個位作為固定腳掌既設計

到左之後出綠色boxset version，基本上同黃色一樣，不過就改晒之前既缺點，另外亦附送多一個合體頭部，以及另一個令部份買家有d不滿既改良設計，就係#臂車mobile crane既#臂，由黃色時唔可以轉動亦唔可以拆出黎(人形時會有一大支#臂痴o係隻手度，嚴動影響外觀同平衡力、擺pose)，變成可以轉動及可拆下既新設計，而d人不滿既唔係將佢改成咁，而係MT講到明話唔會考慮出補件比黃色set，亦姐係話，當初用較高價錢買左所謂限定黃色set既玩家就好似比佢呃左咁。

MT呢set建造派最令人深刻既應該莫過於佢既合體連接關節，有別於官方tf用開既果種pressure設計，佢採用左彈弓式設計，所以基本上係唔會因為重量而甩手甩腳既
MT Giant另一個吸引既地方就係佢合體後比較接近G1卡通既外形，除左面相呆d之外，基本上都算還完，不過比例上就有d失衡，例如個身體感覺有d肥，但個頭就太細，而四枝亦都幼得濟，同分體6子時既日系美形設計有矛盾
至於用料，係實淨既膠，不過就要小心一d，因為佢始終係接近tf既產品，加上佢所用既呢一種"硬膠"，一爛就真係爛，而最重要係因為佢size細，所以膠件都比較薄，面對反反覆覆既變形，如果唔小心用錯力或錯手，係會有斷裂甚至玩爛既機會，事實上點解官方tf一向主要用既都唔係人們口中所講既"靚膠"，亦係呢一個道理，呢一點要好好留意。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

到TFC Hercules，
先講車形，同mt既比較，冇咁真實工程車feel，但勝在夠大隻，同官方既拍埋，個size比較夾，而且亦有碌得順既車輪，而較重要一點就係，佢有設計到好好收埋合體部件(除左其中一隻，合體拳頭收藏得唔係咁好)
至於人形，同樣係比較有官方tf既"硬漢"風格，同mt既日系美形係兩種唔同既設計，另外一提，眼部有以往官方tf有既light-piping
變形設計並冇mt既咁複雜，要講好處既話就係變得順手，唔會有太多卡住變唔順既位置，而合體設計，相對mt果set，更接近"完全變形"，基本上就係得對拳頭算係外加件
至於合體形態，因為佢所用既係漫畫裡面既形象，而非G1卡通，所以如果對G1卡通有情義結既就未必會太受落

上面講到MT用既彈弓式合體連接關節，tfc呢隻就冇，而係用番官方energon合體派所用既果種，不過雖然隻野好大隻，亦好重下，但都扣得實，冇話會"解體"既情況出現
而用料方面，就如上面提到官方tf唔用果d"靚膠料"既原因，同樣地，雖然TFC呢隻都唔係靚膠，但就絕對襟玩，就算粗玩都唔會話有乜野問題，至少我未聽過話玩到爛既情況，所以如果係真係會經常拎黎扭扭變變既話，tfc呢隻會係比較適合d既選擇

另外tfc呢set仲有一個特點，呢樣野o係佢把合體大槍可以見得到，就係佢比左一d創意空間比玩家，雖然話好接近完全變形，但某d配件都係可以拆落黎，再配合主體們身上既插孔，可以將呢d配件同槍以自己中意既方式去作一d自創玩法，例如6子"強化形態" etc.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

總括而言，價錢就3 set都唔爭得好多，亦都冇話邊隻比另外一隻出色，
所以我既意見好簡單，想擺o係櫃裡面長期display既話，我會推薦Maketoys(黃色定綠色由你決定)，而且我會分開做6子形態display，因為分體人形比合體形態靚太多
但如果買番黎係想真係當tf玩，可以放心變黎變去既話，我就會建議你買TFC啦


希望幫到你

紫月葵

回復 25# 紫月葵 補充：optibotimus既TFC Herc. review
http://www.youtube.com/watch?v=N ... =5&feature=plcp

紫月葵

回復 24# j.w

補充，當時既完整討論
[HK-TF] 有無版友可以幫幫手, 有關建造派.


兩隻Devastater同官方Classic柯柏文、大黃蜂既size比較
mt giant個比例相對地就一定要襯番d細隻既tf(如wst或legion class)先做到上面師兄張相既效果

j.w

回復 25# 紫月葵

首先多謝紫月葵大大嘅回覆，呢編文非常詳盡，尤其是2間廠嘅對比，
一直都15/16，唔知買邊隻，好在大大呢編文，我終於決定到:$


另外，唔怪得我喺td找唔到呢編文..........

j.w

有傳隻maketoys g1 年底再版{:1_215:}
請問有無師兄收到消息同有無得訂

次男

我都想等再版平d. 老虎隻隻都三金！我目標2。5