EX合金 旋風斯巴達 Gatchaspartan明天派貨啦！

redfish

無錯, 我絕對有你既感受!!

有玩過會明, 無玩過點都唔明,
馬仔 發表於 15-7-2013 03:59 PM

    如對呢架機本身沒有任何感情, 玩過都唔會明

馬仔

無錯, 呢D係感情問題!!

小弟當年未夠十歲, 玩過呢隻模型, 可以合體及變形, 已經覺得好正, 再大D玩過人地唔要又爛左既合金, 雖然係爛, 但已經好滿足, 而現在可以用2K買番呢D回憶, 真係開心到死左.

可能佢地係90後, 唔明.

如對呢架機本身沒有任何感情, 玩過都唔會明
redfish 發表於 15-7-2013 04:09 PM

JIM355

路過，而家出的合金好似冇一隻可射飛彈.
…我閃:43: ！

fatcheong

回復 60# 西環老妖

笨大超時空DX只係港銀炒起左, yen價應該只係3角朱古力一半, 不過變形複雜好多, 應該2者不可比

其實買玩具好多時只係買回憶, 講質素, EX合金定價一定貴過笨大, 不過佢好處係出d人地唔會出既野

taifat

人工加咗，成本加咗，咁多年後出番都係3萬円樓下，算係咁啦

西環老妖

似乎唯一賣點只係情意結
正如你所講, 不足之處隨便講都一堆, 舊版合金都有d飛彈射下, 呢套倉蓋都打唔開 ...
denlomkix 發表於 15-7-2013 05:31 PM

買玩具唔包感情，咁買嚟做咩？有錢冇定使?仲有咁多人唔明(或扮唔明)，永遠有人會覺得另一啲人覺得值嘅嘢講到好有問題…………又有啲人覺得玩具只可升值………我只覺呢啲人十分可憐………

西環老妖

朋友，我講嘅係bandai嘅垃圾QC對比呢部機廠商所比出唻嘅誠意呀大佬⋯⋯隻171咁多問題，再平都唔買啦⋯就算25F同25S新版都一樣會裂冀⋯⋯主要係講笨大幾咁福街，咪捉錯用神啦⋯⋯⋯

回復  西環老妖

笨大超時空DX只係港銀炒起左, yen價應該只係3角朱古力一半, 不過變形複雜好多, 應該2者 ...
fatcheong 發表於 15-7-2013 06:06 PM

benbenben4213

我細個都砌過呢副模型, 咁你話我乜年代丫
我只係撇除感情因素以玩具論玩具而已, 並唔係對買左呢件野既 ...
denlomkix 發表於 15-7-2013 23:56

新版無呀師兄

既然這樣不滿新版，何不買回一套全新舊版收藏呢?

一來你又玩得開心無勞嘈，二來仲有保值/升值能力

啱哂師兄要求啦

馬仔

買呢一隻野同買15號合體一樣, 都係買"情與結"為先.

玩開合金都知, EX呢條LINE 係出D 合金魂無既野,

再者EX條LINE出品又係偏貴, 所以好難去撇除呢樣個樣去比較,

相比合金魂, 配件多, 價錢較合理, 變形又正, 但合金量又唔係太高.

可以講呢隻飛鷹機上色OK, 合體順暢, 重量驚人, DETAILS 不足, 配件欠逢.............

當然如果EX同合金魂都出同一隻, 我必選合金魂啦!!:71:

我細個都砌過呢副模型, 咁你話我乜年代丫
我只係撇除感情因素以玩具論玩具而已, 並唔係對買左呢件野既 ...
denlomkix 發表於 15-7-2013 11:56 PM

benbenben4213

以下講 d 難聽說話，希望唔會得罪到任何人

有 d 人成日嫌新版玩具無咁好玩，無咁正。咁你有錢未走去買番舊版完夢囉

又無錢又或唔捨得駛錢買舊合金，咁未乖乖等新版出囉

好嘞，有新版出，又嫌呢度差 ，嗰度小咁 d，又乜又七，究竟你地想點呀

每有新玩具出，總係咁既

一係就有 d 人講到自己係消費者，駛左錢就要有最好既野云云

一係就買都未買，玩都未玩，就彈到件玩具一文不值

小弟其實好唔明呢班人既思想係點

其實玩具係可以選擇買定唔買，無人迫到架

決定買就代表對嗰件玩具係有愛先至入手既o者。如果真係有愛，所有問題，缺點根本不值一哂，因為你已經包容左佢嘞

講到自己係消費者嗰班，以為駛左舊錢就係到阿支阿左，嫌三嫌四。你地唔好咁自大啦，件玩具唔係特登為取悅你而出架，玩具生商面對既係一個全世界既市場，成品係經過多番意見收集、內部統計先至推出市場。

說穿了呢班人其實就係為買而買，未諗清楚就跟風入貨。無愛就自不然睇乜都唔順眼，既然係咁提議閣下還是早早放售二手，一來唔駛眼冤，二來可盡快套番現買真心愛既玩具

至未買未玩嗰班人就仲奇怪，究竟佢地憑乜野條件去審核、去評論件玩具係好係壞呢？

莫非個個都係大契，用對眼睇一睇圖就可知係人係鬼？

還請呢班人確確實實玩過，變過，合過先再發聲啦，好唔好?

CombattraV

以下講 d 難聽說話，希望唔會得罪到任何人

有 d 人成日嫌新版玩具無咁好玩，無咁正。咁你有錢未走去買番 ...
benbenben4213 發表於 16-7-2013 11:40 AM

Supper agree.................

JIM355

三角形點設計都係三角形，你想有什麼變化，
係咪要變成梯形朱古力，
你話同舊版比較，例如：飛彈，翼仔，電鍍件等都冇，
我想話如果設計到同三十年前一樣款，咁就叫做抄，
咁使乜從出，呢隻野其實設計師好多細位都有考慮的，大家係睇到，
玩具自己喜歡就買，唔喜歡咪當睇唔到囉！
玩過Ex合金既最清楚要的乜，講完！
排骨飯定理！

redfish

DETAILS 不足, 配件欠逢
馬仔 發表於 16-7-2013 11:20 AM

我驟眼睇錯"DELAY不足"

benbenben4213

而家我就係選擇唔買
咁我覺得佢出得唔好令我好失望, 咁我唔覺有乜問題
買左既玩得好過引, 都冇問題,  ...
denlomkix 發表於 16-7-2013 16:14

其實我唔應該同一個唔係在對等位置既人討論，因為完全無意思

不過我又真係抵唔住頸要同你討論下

請問呀師兄，差過舊版係乜野定義先?

配件唔夠多?上色唔夠華麗？

你連新嗰隻都未揸過上手，根本就無資格去評論優劣

無飛彈既其中一個原因係過唔到玩具安全條例，所以宜家既玩具已經無左呢支歌仔唱好耐

另一個原因係設計者以還原原設定為大前題，不想外加配件影響飛機外觀

無膠人仔係有 d 遺憾，但咁都唔代表新嗰隻差過舊

睇圖只睇到表面，但內裡既設計，心思，考量你係唔會就咁睇到

有玩過舊版都知原有個合體系統已經係跟到原設定十足十，雖則話簡單，但要再在此基礎上更進一步，也要花相當心思，可幸新版是做到了，這不是進步是什麼?

仲未講d 你睇唔到既隱藏飛彈位呀，變位細節位呀，呢 d 位舊版一蓋欠奉

如果你有機會玩，請你認真去感受一下好嗎？唔好再一味死話新不如舊，新不如舊咁嘞