《Man of Steel》由《戰狼300》導演Zack Snyder執導,此君愛拍筋肉男,Henry自然要瘋狂操肌,Figure版本當然冇得舉鐵做Gym,亦冇電腦特技幫助,所以HT特別搵嚟擅長雕畫肌理嘅Joseph Tsang擔任素體造型師,並且以高純度嘅環氧樹脂打造其緊身戰衣。就試辦所見,素體保持不俗嘅可動性,手腳可以自然屈到,唔似以前嘅包膠「硬直」之餘,肌肉感更為澎湃,膊頭肌、胸肌甚至腹肌都清晰可見。加上HT仲嫌唔夠睇頭,透過移印技術喺戰衣嘅適當位置打埋陰影,令Figure從任何角度睇都異常激凸!另外,雖然新版超人冇咗經典嘅紅底橫,但紅色披肩就保留,並且刻意抽走鐵線,改為多層摺疊,一減舊版超人擺甫士時嘅硬繃繃感覺。