(我都更新左, 請看) Hottoys Iron man 賣買的問題

nwsl

kentoya 發表於 25-8-2014 04:32 PM
Y拍真係好多賤人，我都中過招，買家bid中後好快留電話，仲要未交收就比埋好評我（已經覺得怪，開始不安，再 ...

閣下之經歷,極可能又係此"無良收買集團"...可有此人之account名?

nwsl

其實兩年來身邊已經有一班朋友曾經比佢地陷害過⋯我哋在拍賣場交收私下又認識左不少賣家（受害苦主）傾傾吓計發覺原來大家都被同一班職業收買集團曾經陷害過！其實咁耐以來點解無人挺身而出發起行動⋯因為呢班人非常之狡猾佢地會不停申請新account! 而且呢一班收買集團已經超越左無誠信、無職業道德嘅問題而系心腸非常極之歹毒。佢哋不時會申請新account（分身）去作出「滋擾性惡意競投」事後故意不交收而且對賣家做出虛假內容嘅誣陷評語（負分）作報復。我強調，此乃並非一般拍賣場買賣矛盾嘅事！而係「害人者」與「受害者」之間大轉換，「害人者」竟然向「受害人」報復（？！）


超多受害者曾經中招，加上不斷有熱心人報料，而作出此「無良歹毒收購集團」以下資料歸納：

佢地唔要賣家件或者交收時候先至拒絕唔要賣家件貨，原因係件貨唔夠完美。但係對方於拍賣品內容明明已經列明係二手、曾經開過、甚至有損壞缺配件。但係佢地完全唔會睇任何拍賣品內容胡亂而競投！到賣家出來交收時反而以此為由而拒絕交收。
網上拍賣，其實買方有必然之責任去「看」清楚貨品內容、交收條件等細節。
等於去拍賣場參與舉手競投古董一樣，出價成功競投後才後知後覺原來此乃「清朝太監用之尿壼」而並非「宋朝皇帝用的花瓶」，以此為由而拒絕交收及理直氣壯地做出破壞行為！拍賣場並非純粹「參觀一間店舖拿上手不買就可以」。出了競投此動作等於同意了拍賣場體制、拍賣品條款及了解內容資料。

中標之後諸多借口，竟然話客戶冇$俾佢所以唔要（因為佢哋職業收買工作係外銷出去圖利），更甚至，相約出來先放人飛機。

主要交收以油麻地MTR站為主，之前係由一名身型瘦嘅戴眼鏡男人交收拿住兩、袋紅白藍袋。佢地完全唔會睇任何拍賣品內容胡亂而競投！到賣家出來交收時反而以此為由而拒絕交收。此人會「扮作」自己並非話事人而作理由拒絕交收。但由於此人已經多次做出冇品不負責任行為、背後惡意報復，所以已經被非常多Yahoo拍賣賣家認出，現在只會派一些阿姑、年輕人代交收，此男人及另外兩至三位partner背後操作一切。

已經有熱心人兼且在某商場經營店舖的受害苦主報料，此收購集團不久之前開設了店舖，相信是多數純粹用作操作所有交收、收買事宜。（有關的店舖資料不詳）

此收購集團擁有極多儲值電話卡作交收聯絡，作出不負責任行為之後，苦主致電的話，佢哋會語氣充滿挑釁性謾罵。

佢地係極之狡猾，通常去到拍賣品將會完結嗰一刻先至會出手，因為一開始競投貨品的話會好容易被賣方發現佢地個戶口係「分身」。最大嘅原因系因為佢地在拍賣場個名已經臭名遠播。

如果佢地（此收購集團）俾人劣評甚至被「多次被玩弄嘅受害者」當面指責，佢地就會千方百計無所不用其技以新戶口競投對方任何貨品，之後故意不作任何交收之餘誣陷對方賣假貨（冤枉對方賣有問題貨品）！如果對方係賣單據（如Hottoys訂單）的話，佢地會惡意競投成功之後不交收，留下惡意劣評負分！「冤枉對方賣假單據」⋯


hottoy_toy, guyfigure, joekonghk2008, joekong 分身account之一:





發現是否分身方法: account全部都係有一個共通點！佢哋最頭個八至九個「交易好評」紀錄全部係同一班人account，而且留意果d交易紀錄中之貨品,拍賣品內容資料極之空泛甚至完全沒有任何拍賣品相片。正常會有人咁賣嘢而又可以賣出嗎?相信係自編自導自演嘅假交易為自己製造足夠好評。

引用第一頁樓主之留言:
全部有根有據,大家想睇佢d衰野只要係yahoo將佢d名加入好友或者黑名單,就可以知道佢d衰野,唔係我一個,好多賣家都係咁講,亦希望更多受害人詳細講下同佢既交收過程...


本人重申: 呢一種人渣之存在係拍賣場係一種好大嘅威脅應該大家要一齊做野⋯我強調並非話用甚麼「旁門左道」而係大家留言推post，提供資料以防止呢一班小人。
趕絕佢地我知道係冇可能，而且我亦並非想咁樣！只不過希望呢種人做生意做交易唔該似番一個正常人類。

bin

kentoya 發表於 25-8-2014 04:32 PM
Y拍真係好多賤人，我都中過招，買家bid中後好快留電話，仲要未交收就比埋好評我（已經覺得怪，開始不安，再 ...

佢地好似都吾會先比好評
但比你正評算好,好多吾會理也不交收的{:1_206:}
但bid完潛水就成曰有{:1_238:}
吾知系吾系有幾個人運作, 有個bid後,個老細說不要就吾去聯系. 所以常失踪(靠估):45:

bin

nwsl 發表於 25-8-2014 08:17 PM
其實兩年來身邊已經有一班朋友曾經比佢地陷害過⋯我哋在拍賣場交收私下又認識左不少賣 ...

相信佢地交收的人與bid的人不同, 所以有時耍比拍賣费都吾知, 拍賣內容說2手1手都吾知
所以题上說耍開盒check,可能那交收的不知bid來是未開封的.
但佢地bid完有時可能覺得貴了, 再想去等平D,又潛水(估下)
確令賣家好騷擾..:38:

joker2013

nwsl 發表於 25-8-2014 08:17 PM
其實兩年來身邊已經有一班朋友曾經比佢地陷害過⋯我哋在拍賣場交收私下又認識左不少賣 ...

首先支持師兄咁有心，但我建議你重新整理下d資料，再重新開過新post,咁樣會多d賣家睇倒。同埋佢d帳號仲有個共通點，大家只要見倒：新帳號、頭1-10個評分既成交價都係$99或以下，同埋佢一般唔會隱藏bid左d咩玩具，中哂既就一定係佢地，同埋呢排係個帶眼鏡既女士交收多，睇其交收時check就知佢唔熟玩具。其實有賣開野既都會feel倒係佢地，不過佢地有太多帳號block唔哂，唯有希望多d人報料，等賣家小心d。

nwsl

joker2013 發表於 25-8-2014 11:30 PM
首先支持師兄咁有心，但我建議你重新整理下d資料，再重新開過新post,咁樣會多d賣家睇倒。同埋佢d帳號仲有 ...

再開post我恐怕犯版規，而且我希望所有人知道上年出呢個post所提及嘅集團係與此集團同一個。其實我相信最好就係樓主改一改個topic⋯可惜樓主仍然失蹤⋯
我玩1：6 figure朋友及一班曾經比佢地睇過嘅苦主受害人不乏專業人士，有警察、從事律師樓工作嘅專業人士、教師、電腦程式人員⋯ 經過佢地指點之後，我留言所講嘅內容、行為完全無涉及對方私穩亦都無煽動任何人做任何旁門左道行為，所以我唔怕果一班人見到呢一個post會做甚麼採取合法行動或報警。

nwsl

bin 發表於 25-8-2014 10:51 PM
相信佢地交收的人與bid的人不同, 所以有時耍比拍賣费都吾知, 拍賣內容說2手1手都吾知
所以&#39064 ...

我希望大家手上面有甚麼資料或者佢哋嘅分身戶口可以分享出來，最好screen capture底佢哋啲污穢手段、報復性劣評及留言。

bryanchan

nwsl 發表於 25-8-2014 11:51 PM
我希望大家手上面有甚麼資料或者佢哋嘅分身戶口可以分享出來，最好screen capture底佢&#2170 ...

防不聲防啦.........{:1_207:}

nwsl

hkwadee 發表於 17-5-2013 10:05 AM
個人覺得, 如未開封品, 如買家付全數後即場開封檢查做法沒有問題, 如開封後發覺有損壞或缺件, (不是指輕微 ...

師兄，千祈唔好咁諗⋯有甚麼資料一定要分享出來，就算你覺得無用其實可能好有用。我可以夠膽講兩年來我所累積嘅資料全部都係有好多苦主受害人慢慢一點一滴累積出來所以一定有用。

eb1815

咁攪法, 我諗以後唔好 set 直接購買價, 只set 底價再經問題還價, 再睇下對方既評分(如幾年間累積過百正評得一兩個負評), 先賣俾對方先安全d..

bin

eb1815 發表於 26-8-2014 08:32 PM
咁攪法, 我諗以後唔好 set 直接購買價, 只set 底價再經問題還價, 再睇下對方既評分(如幾年間累積過百正評得 ...

如果取消1個投標人,是否會少一次投標延期(如無人買)機會?{:1_213:}

roy9042002

bin 發表於 26-8-2014 11:45 PM
如果取消1個投標人,是否會少一次投標延期(如無人買)機會?

應該唔會, 始終佢係曾經有投標

bin

roy9042002 發表於 3-9-2014 12:08 AM
應該唔會, 始終佢係曾經有投標

因為上次看見個賣加說取消了那人的價(唯一的投標人)會少一次延期機會(最多共2次延期).:handshake:

大兵亞珍

無恥之徒新戶口 : simon.apple38 :53::53:

nwsl

大兵亞珍 發表於 20-9-2014 02:54 AM
無恥之徒新戶口 : simon.apple38

果班人渣又對你做過啲乜嘢？:@