|
|
|
碼頭工秘辛
未出糧先付一萬元按金
http://hk.apple.nextmedia.com/realtime/news/20130402/51326995
碼頭工友向嚴磊輝下戰書,請他接受揸機體驗旅程.(互聯網)
【小故事一】
化名Lee Ka Shing的碼頭工貼文講述行內秘辛，轉載如下：
本人係新人，受外判商用不合法合約綁死的一份子，我哋新入行學機，公司會逼我哋簽兩份一式兩份的合約（全部合約公司keep晒，原因心知啦）。
第一份係正式僱傭合約，講人工同放假啲野，都係寫分三更制（實際係得兩更）。
第二份係講如果我哋學機，要先畀$5,000按金公司，之後每個月再比$500/$1,000，總之加埋比夠$10,000，如果1年內唔做/俾人炒，你就咩都無，多過一年而未到兩年者就可以有一半收番，捱到兩年的就恭喜你啦，你可以等...等...等佢有心情就畀番你。
我哋新入行傻吓傻吓俾你呃咗話返8個鐘，實際返12個鐘都算啦，你連我哋自己既錢都要拖住先，我哋唔出聲因為要生活，不過終有一日會有人爆，加5%人工好似皇恩浩蕩，實際都跟唔上通脹。
嚴先生大小二便都有冷氣
如果我真係李老闆，我會逼啲外判商出來交代清楚咁多年以來加人工的事囉，食咗幾多就唔使講啦，其實今年農曆新年後我間判頭已經宣佈左加5%，公司同我講的時候，我真係諗，食餐飯都唔夠，你當我乞食咩~皇恩浩蕩呀~公司啲老闆呀經理呀，又換車又換樓，點解我地租屋都幾乎租唔掂，個個月都啱啱好，真係想買多件衫著都要諗清楚。
至於阿嚴先生，人在做，天在看，你有學識，識交際，坐咗個靚位，大小二便都有冷氣，解決完仲有香薰噴一噴個WC。我哋揸機，喺上面都有冷氣，解決就放張報紙喺地下好似狗咁，一邊排，一邊聽到控制塔問你：揸機你做咩停晒手，用個膠袋包住放埋一邊，呢隻香氛出面無得買。嚴先生，我建議你來過揸機體驗旅程，唔使你辛苦，你上去跟機跟番朝9晚5全程坐喺度向下望住啲玻璃5日就得啦。不過記得要試下喺上面開一次大解，唔係你體驗唔到，最多我私人送份報紙過你，你體驗完，再睇吓自己良心諗法有無變啦。
小弟唔想公開自己身份，請師兄們見諒，不過我有來支持㗎。
【小故事二】工人爸爸出錢支援
網民轉載，乘車入碼頭時碰巧一名碼頭工友坐他前面，給他偷聽到那名工友的電話對話，內容如下：
今朝出門口，我老竇攞住2,000蚊同我講，阿仔，攞去畀家嫂做家用。呢啲工咁辛苦，搞完罷工唔好做啦。 |
|
發表於 2-4-2013 20:52:15
樓主
