[末日重生失望帖] 老變FOC Fall of Cybertron GRIMLOCK 鋼鎖

sundaydriver

:angry: 失望！:53:
我暫時諗唔倒第二個容形詞去形容哩個系列。。。






:67: 盡管我只係買左一隻FOC，但係玩咁耐老變，
真係未試過咁失望。。。

之前一隻都無買，可能同孩記突然一下子，
將老變全線系列既size縮細左有關。。。
繼而見倒FOC wave1既實物之後，
無論用色上色造型變形系統以至關節，
簡直好似响度試探緊一眾fan屎既底線。。。

:handshake: 終於等到FOC出哩隻情意結。。。鋼鎖。。。
根本係感性淹蓋理性。。。
更何況姑仔大大疊貨任人揀！！
23X！！即磅！！

:78: 之前已經見過音波，所以大概知道哩個Level 2 size都算係正常番少少。。。
高度同以前既Voyager叫做差不多，
以為是萬幸。。。
可惜拆開後，最後都係不幸。。。

:55: 除左size同雕功，
無一樣值得高興。。。





第一：單薄！
偷膠唔係一個問題，現今物價高脹，連笨大模型都偷膠既時候，
似乎用家已經接受左哩種不成文既規定。。。
但係都唔駛成個雞胸偷左去呀？？！
唔好同我講係變形系統所限啦！
以一隻Level 2級別既老變黎講，
原來個變形系統係咁小兒科？？
我接受唔倒囉。。。
個變形已經係咁簡單，
仲要連些微跟進修復都唔做？？
我真係接受唔倒囉。。。



第二：又鬆又實！
唔係呀？！咁矛盾？？
係呀。。。就係咁矛盾。。。
講緊既係關節。。。
先旨聲明，我係好抗拒啪啪關節！
對於現今玩具講求可動度要求甚高既情況下，
啪啪關節確實係一種極沉重既障礙！
試諗下响咩情況下會用上啪啪關節？？
合金玩具：由於重量而防止因關節過度負重而急劇勞損而應用到；
或者需要將關節屈曲到特定角度或方向。
而哩隻鋼鎖。。。我確實睇唔出點解需要到哩種關節！
重要係六組！！！
最好笑係其中四組係連住另一個超鬆既連動關節，
當細心把玩後發覺成組關節都係多餘！！
尤其係膊頭既一組，
簡單複雜化！！



第三：可動超錯！
可動度好壞，見仁見智。。。

人形：
頭部，係用ball joint，但係設計到只可以左右360度轉動，
向上向下夾埋郁唔夠一度！！How can it be possible！！！
腳掌，一如整個系列既傳統，零可動！
完全無貼地性！！
真係好難想像老變系列已經反璞歸真！

恐龍：
頭部，口係可以開合，但係要靠連動開關，
想佢長開？就要用手或者用小道具（橡筋）固定。。。
向上向下都係零可動。。。
btw，哩個開關係控制埋著燈，
要著燈就要開口。。。死未！
雙腳，就係因為果個白痴既鬆緊連動關節，
變完之後夠膽死得個膝頭可以郁，
加埋鋼鎖既傳統 —— 小手殘廢，
即係恐龍型態等同一副雕像無異。。。
加上肥美硬直既尾巴。。。
算把啦。。。



第四。。。。
真係想數埋落去？！。。。
不如等到佢跌價跌到九十九。。。
自己買隻番去感受下啦。。。
我諗住將佢以底價一蚊放上乜苦。。。
你搵倒又有心收留佢既話。。。請便。。。




真係講左好多。。。
越緊張越心痛。。。
最後分享幾張相片！！
去相！！！



包裝：

sundaydriver

[人型篇]
















武器就係得劍同盾各一：

sundaydriver

[恐龍篇]




































如果跟番原設咁變，隻恐龍就零可動，
所以我做左少少改動，
將個關節褪出少少就可以多番少少可動性。

下圖左邊係原設變法，右邊係自改：












最後送上變形動畫：



謝謝觀賞！！

timothy276217

隻野咁差都出到咁高級既玩評，厲害厲害

kinis

有冇買GX54 呀樓主，釀阿飛影入去填咗個窿佢啦

cliffordchan107

大大你講到FOC 鋼鎖咁差, 但係你又影到好靚,
我見過影得最靚鋼鎖就是你了,
所以我都好矛盾買唔買好~~
(不過還是老規舉, 正價不入, 除非超正)

chinam

OH~ 其實我之前睇過另一CHING既POST,
都抱住我都係鋼鎖同好,龍形有缺憾都帶佢番屋企啦,
如果唔係當日出街,撞到六變獸,諗住鋼鎖大貨唔會咁快冇,
買左六變獸先,睇怕買左既都好似CHING咁失望喇~
希望CHING快D買到隻滿意既玩具,再分享過~:77:

玩具烈士-奇雲

影得好有誠意! 讚~
我都有買，同大大既分享有同感，但仍有可取之處! 玩得過既~

anowyc

師兄，雖然你踩得隻野咁盡，但你影得好正，
唔睇字淨睇圖會俾你毒到想買返隻！
但師兄又唔使咁急放既，隔離老變論壇教路話個盾加劍係可以插落恐龍個肚到遮醜，
只係本說明書無講！
仲有人成隻repaint做金屬色，即刻正十倍！

sundaydriver

隻野咁差都出到咁高級既玩評，厲害厲害
timothy276217 發表於 27-12-2012 12:38 AM

都係愛之心，恨之切。。。
而且唔應該因為被攝者既質素而刻意降低攝影者既技術加嘛。。。
:58:

我記憶中亦都未見過Timothy兄有類似舉動！:p

sundaydriver

有冇買GX54 呀樓主，釀阿飛影入去填咗個窿佢啦
kinis 發表於 27-12-2012 12:44 AM

多謝大大既提議！:64:

不過問題唔係單單在於點樣填補個窿。。。

sundaydriver

大大你講到FOC 鋼鎖咁差, 但係你又影到好靚,
我見過影得最靚鋼鎖就是你了,
所以我都好矛盾買唔買好~~
(不 ...
cliffordchan107 發表於 27-12-2012 12:50 AM

買唔買哩個問題真係好難取捨。。。:67:
對我黎講，如果要買第二隻FOC既話。。。真係要加多一點勇氣！！

E神

GOOD~
好型~~~~~~~~~~~~~~~~~~~~

sundaydriver

OH~ 其實我之前睇過另一CHING既POST,
都抱住我都係鋼鎖同好,龍形有缺憾都帶佢番屋企啦,
如果唔係當日出街 ...
chinam 發表於 27-12-2012 12:52 AM

正廠既老變我確係漸漸失去信心。。。:67:
希望隻MP Soundwave起碼係穩打穩扎啦。。。

btw，邊隻六變獸呀？？！:shiny:

sundaydriver

影得好有誠意! 讚~
我都有買，同大大既分享有同感，但仍有可取之處! 玩得過既~
玩具烈士-奇雲 發表於 27-12-2012 12:54 AM

有時唔係對件玩具失望，而係對間公司失望。。。
老變唔係無好既產品，只係長期處於峰頂令到孩記已經迷失。。。