DX 超合金魂 鐵甲萬能俠 (UPDATED 換領 POSTER 詳情＠ ＃266 )

Vince

唔知大家覺得2012年最重頭既超合金機械人係邊套作品呢？對於小編黎講，當然就係今次能第一時間分享玩具報告既《DX 超合金魂 鐵甲萬能俠》。現在就先簡單介紹一下《鐵甲萬能俠》既故事內容吧：

邪惡野心科學家「地獄博士」在地中海浮出的巴特斯島上，發現了古代神秘的米蓋納帝國所遺留的機械獸。於是他便組織了邪惡機械兵團想要統治世界 !! 另一方面，「劍龍」爺爺「杜博士」製造了「鐵甲萬能俠」。 鐵甲萬能俠是用特殊金屬「超合金 Z」製造，及用新式能源「光子力能源」發動。可是，「地獄博士」得知了消息，便派「修羅男爵」攻擊及殺害「劍龍」爺爺，在臨終前他把 鐵甲萬能俠 交給了孫子「杜劍龍」，並叫他帶同弟弟去找「光子力研究」的「高教授」。之後，鐵甲萬能俠便收藏在 光子力研究 的水池中。而為左增加戰力，高教授 製造了「愛美神」，劍龍朋友「首領」製造了「大鐵牛」。他們 3 人為了對付邪惡的機械獸兵團，於是一場正邪大戰就這樣發生了 ….

從故事內容得知，「超合金」既名字其實就係來自「鐵甲萬能俠」既製造材料。所以順理成章，每次有新「超合金」系列推出時，第一款都必定係「萬能俠」。而今次配上 DX（Deluxe）d 個名字既「超合金魂」到底有幾豪華呢？先從外盒講起啦，當第一次見到 d 盒玩具之時，我就經即時比佢既「超級豪華包裝」深深吸引。（長54cm x 闊32cm x 高42cm）不過當冷靜之後，第一個想到既問題當然就係搬運吧！！我既方法就係，拆件搬運，盒內其實共分5盒獨立包裝既物品，分別係佔左半盒既「格納整備基地」及其餘就是主體及裝甲，所以如果可以運到最大既「基地」入景，其他一定不成問題。

================================================================

產品名稱：DX 超合金魂 鐵甲萬能俠
發售日：12月14日2012年
版權：© Dynamic Planning・TOEI ANIMATION
定價：36,750 (Tax included)
資料提供：萬代(香港)有限公司

================================================================

入返正題，今次既玩具報我希望用 5 parts 去完成，先同大家分享既係：包裝內容....(去圖） :(


MENU 及 初回特典

今次既「鐵甲萬能俠」可以配合唔同既外殼完成3個不同形態，分別係上圖既骨架模式、半完成模式、及正常模式。

心口部份可以攞出黎，本身亦係今次 DX超合金魂 既 gimmick (可發聲及發光）既入電位。

至於比主體更大件既「格納整備基地」，內部除左有 2 支可轉角度既LED燈之外，亦可當做固定萬能俠既地台。


而令我覺得最感動既就係分別有2款唔同既「起重機」。不過如果起重臂可連動及用上真鏈必定會更 perfect。

「格納整備基地」左右兩邊可掛上「鐵甲萬能俠」外部裝甲，係比我地機械人迷放係 display 櫃既最佳「情景」。

特別消息: (剛收到通知)
==========================================
DX 超合金魂 鐵甲萬能俠 特別獻禮
DX超合金魂 鐵甲萬能俠將於12月14日隆重發售, 為此於12月15日鐵甲萬能俠迷將有機會獲贈印有作者永井豪先生親筆簽名的DX超合金魂 鐵甲萬能俠海報乙張!!詳情如下:

內容: 屇時除換領海報外, 還有歷年部分的鐵甲萬能俠商品展出!!!!!
日期: 2012年12月15日(星期六)
時間: 下午6時至8時
換領處地點: 旺角西洋菜南街行人專用區 (荷里活商業中心旁)
換領方式: 於指定時間內, 攜同店舖正式收據和貼有香港授權代理雷射貼紙之DX超合金魂 鐵甲萬能俠包裝外盒到指定換領處即可換領, 數量有限, 先到先得, 換完即止。

*只接受香港授權代理之DX超合金魂 鐵甲萬能俠 商品 (即行貨)
*如因天氣惡劣而取消活動, 恕不另行通知
*活動內容届時可能會有所變動,而 恕不另行通知
*萬代(香港)有限公司保留一切最終決定權

詳情UPDATED：＠ 266＃
======================================

Vince

Part 2 我會主力講下「半完成模式」及萬能俠既內部構造。相信如果網友們有機會閱讀過本地 70�80 年代既報紙檔機械人公仔書，這「半完成模式」必定帶起不少回憶。今次既DX超合金魂可以話係唯一一款能展現出 d 種「懷舊風格」既合金玩具。唔知大家又會 prefer 邊款模式去 DISPLAY 呢？？

萬能俠既內部構造每部份除用上金屬塗裝之外，亦加入大量電鍍配件表現出十分細緻既機械感。

而我個人最喜歡既就係雙腳既設計。除以上講過既優點之外，小腿更加入彩透零件及仿油壓裝置。

足部轉動時表現出機械活動感。如果身體其他部位都有同樣表現，一定會令我更愛不釋手！！:love:

Vince

終於到左討論主菜「正常模式」既 part3。d 部份我會講解一下萬能俠既外觀、可動度、武器系統、及整體表現。

「朋友號」駕駛室部分用上透明 window，玩家可以見到「杜劍龍」坐係入面，真係超有動畫 FEEL。可惜頭部沒有加裝 sensor，如果放上朋友號時可以自動雙眼發光及發出聲效必定會令 d 隻萬能俠更有代表性。

由於今次 萬能俠 係由骨架加上外殼組裝而成，所以背部並沒有出現螺絲位。外形上可以講係交足貨。

至於 d 隻 DX 超合金魂 最不足既地方，必然係佢既「可動度」。佢既可動範圍其實只係好過第一代合金魂 GX-01 少少，相比起 35週年推出既 GX-45 或 Super Robot 超合金 更 望塵莫及 ... :49: 先講「肩位」，由於活動角度唔夠，令到想做出 萬能俠 招牌發射飛掌 pose （左手搭在右手手臂上）亦做唔到。「腰部」只可左右轉動，缺乏了上下可動。而最大既問題係下半身，hips 位沒設拉出機關，令大脾只可前後移動 約45度 ...

萬能俠 另一武器 「手臂飛彈」需要換上專用配件。

DX版 萬能俠 雖然只配備 拳頭 及 可動手掌。但可動手指關節十分精緻，能屈出好多形狀，非常好玩。整體黎講，d 隻 萬能俠 雖然可動度一般，但勝在合金量足，算幾重手。而裝甲合上之後亦十分穩固。唯一要小心既係 高熱火炎  位，因為只係用磁石貼上。另外可能「劍龍」太喜歡用 鐵甲飛拳，所以會係大家玩緊既時候，經常自動發射 .... （玩具本身並冇發射飛拳機關）:cool:

Vince

記得細個時玩機械人就一定會同佢自行「配音」：銀牙、笨招、棚棚棚棚、等等 .... :35: 玩具發展到了DX 超合金魂，當然唔洗靠自己把口發聲啦！只要一入電，就可以一路播住 BGM 一路按唔同制出「必殺技」！十足十打緊 超級機械人大戰咁。

由於影相表現唔到聲效，所以請留意下一 part 既 video (還未 edited 好呢:64:)

GX﹣01 同 DX 版對比圖。大家會一同 Display 嗎？

最後送上我自己其中一份有記念價值既收藏：鐵甲萬能俠動畫歌原唱者「水木一郎」簽左名既 GX﹣01R Boxset :35:

Vince

https://youtu.be/LXtW3cC5W08

Vince

由於唔想大家等太耐，我先出 part 1 ... :64:

O.K.TAK

:35:超正.........

Dick.Po

正！！好詳細呀！辛苦了∼:52:

sslazio

:71::71::71:

您的帖子長度不符合要求。

ckc52322

我去完旅行番香港應該日本訂差唔多送到黎!!睇大大D圖止一止渴先!!

星月夜

:64:早晨，精神呀。。。。。。。。。。。。。。。。。。。。

Cstse1965

Thanks for the report!! :71::71:Waiting for Part 2.....

codypang

Thank you for the very good report

pop123

正~~
Vince 大大辛苦了....:71:

老文

第一印像:內部仔細位好得.,好吸引.(即時諗起超金屬鐵人28).上色好靚...呢個價同性價比....比起好多現在所有玩具來講..都係超晒班....留名等睇可動度同合金度..身高比較...重量:77: