太陽報廣告 : 1/6 Selina Kyle/Catwoman 電 暈 你

Gretzky99

與英雄遲暮嘅蝙蝠俠相比，風姿綽約嘅貓女郎安妮希芙威（Anne Hathaway），喺《蝙蝠俠—夜神起義》（The Dark Knight Rises）之中的確搶盡風頭，窄身戰鬥服加烈艷紅唇，仲要坐埋Batpod出場型到痹，難怪唔少戲迷都封佢做女神。雖然筆者唔係蝙蝠俠，一樣可以將女神帶返屋企……我講緊HT嘅1/6 Catwoman呀！個樣似到冇人有，仲用咗新Body還原真人嘅高挑身材，難怪呢幾日門市都有訂貨人龍啦！

真人特徵傳神展現
朗尼植髮後有番球運，Catwoman亦靠呢招省靚個樣，後者嘅All Back頭不但柔順到負離子咁款，定型亦比頭髮又短又鬈嘅Black Widow容易，玩家唔拍難打理。面相更加索到爆，由K.A.Kim負責雕功、J.C.Hong上色，瓜子口面、雪白肌膚加烈艷紅唇，十足真人上身；HT指阿Anne眼大口又大，由於特徵夠突出，相對其他真人頭雕，更易捉到神髓，而且當事人毫冇明星架子，所以好快就完成審批。為求盡善盡美，HT表示仲會為頭雕進行微調，包括正式上架時，眼罩可以除落嚟，現階段只有眼罩Look示人，保持神秘感。

(我覺得 嚇驚感/失望感 可能性更大，遲遲未公佈 99％ 不是好兆頭~~~)

緊身衣盡騷長腿美
HT逢出女角，基本上都會重塑一個新Body，今次都唔例外，素體雖然由Black Widow改造而成，但按照阿Anne嘅真人身形，縮胸、收腰兼駁長美腿，去盡贅肉，令緊身衣之下嘅誘人線條Show晒出嚟。另一方面，為應付大動作Pose，戰鬥服採用薄身兼高彈性嘅複合拉架物料製作，用埋滴膠技術還原凹凸花紋，細緻之餘柔韌性極高，就算騎上Batpod都唔會硬晒軚有欠自然。配件方面，Catwoman花拳繡腿居多，所以只跟一把曲尺手槍及七款造型手掌，坦白講少得可憐，好彩跟盒仲有一款新設計嘅水滴地台，總算新意搭夠。

＊圖中為試辦款式，與正式推出的版本或有若干分別。


零售價︰HK $1,180、預售價︰HK $1,130
推出日期︰明年第一季




Figure有成28cm高，長腿仲特別調整過，唔會有身長腳短嘅兀突感。



膚色、紅唇激似真人，正式上架時面罩仲除得到，不過筆者擔心面罩顏色會揩落鼻樑，如果畀足兩個頭雕就最Perfect。



頭頂黑超可以移前戴上，中間部分仲同鼻樑Fit晒位。



地台重新設計，表面有水滴紋理。



配件係較弱一環，只有一把手槍及七款造型手掌。



落訂時另捐 HK $100畀UNICEF，就會獲贈限量蝙蝠俠面罩一個。

Code

最靚係地台(本身對CW無興趣,)

jojokit

”素體雖然由Black Widow改造而成，但按照阿Anne嘅真人身形，縮胸、收腰兼駁長美腿”
Black Widow都係28cm高,無分別喎…:80:

jo2joe

"個樣似到冇人有" , "十足真人上身", "而且當事人毫冇明星架子，所以好快就完成審批":70::70:

coolgary

d報紙佬都寫得幾誇張 :36:

willck.cc

明年第一季出 ?  訂個時d sales 話下年年中 :72:....

隻公仔同BW一樣高就已經錯左 :70:

whitedol

HT表示仲會為頭雕進行微調，包括正式上架時，眼罩可以除落

kevchan1103

我覺得個地台只係寫Selina Kyle而無寫Catwoman確係幾細心，因為電影內佢從來無被稱/自稱過係Catwoman

KKWai

正式上架時面罩仲除得到:71:

新手mm

保持神秘感...............或者本人太小心眼(未訂),,,,不過真係希望出得正啦!!!!

童虎

咁HT話肯為個頭雕做微調，總比乜都唔做好。
既然已經訂了，希望會有改善啦！

wai1108

正式上架時面罩仲除得到, 正呀

toys991

HT表示仲會為頭雕進行微調，包括正式上架時，眼罩可以除落嚟，現階段只有眼罩Look示人，保持神秘感。

金牙 jack , 雙頭隊長 , 記憶尤新 :47:

alcalc

Sideshow 都喺話明年三月喎!  :?