反洗腦大集會之我見(非常敏感，版主無需通融)

七國咁亂

首先，本人講明本人係無政黨、無政綱、無政治取向、唔親中、唔傾美，只傾慕日本妹、同韓國妹嘅獨立個體。

小弟知開呢個post又會受到一大班「有思想、有理念」嘅「群眾」圍毆，亦預期呢個post會非常短命，小弟開post嘅目的，唔係想嗌交(當然而預期會變成互X收場)，只係想企喺牆角睇呢件事……

講政治智慧，現任政府官員之不足，令人咋舌！李焯芬竟然喺公開論壇上火上加油，究竟佢想亂港，還是佢真係想推行國教？隻鷹又唔識做戲去呵吓班絕食者，雖然預期就算佢出於真心都會認為你係假意唔會領你情 (但佢真係有去慰問，小弟都認為做SHOW居多)，你都懶得做，真係低能。

仲有一啲表面支持國民教育，實質係攪亂嘅「學者」黃潔蓮出現，話要教師簽保密協議防教材外泄！你係咪傻架？學生都唔比將書本帶返屋企呀？若可以帶走咁係人都可以睇到啦…點保密呀？若真係唔比帶走，咁你嘅國民教育內容一定有問題啦，還是你兜個圈想抺黑國民教育嘅內容呢？

講到呢度，唔好以為小弟反洗腦一員，我係反反洗腦一員……

就呢次集會，大會話有四萬幾人參與大集會，差人嘅數字老馮係調低架啦，小弟攞過中間數，二萬六千人參加，為佢哋嘅子女，為現時嘅學生，防止佢哋被國民教育洗腦，小弟想知，呢二萬幾人裏面，有幾多個真真正正睇過國民教育科裏面嘅內容？係全部都仔細睇過，還是有一半睇過一半聽人講，或是大部份都係聽人講？仔細睇過「中國模式 - 國情專題教學手冊」嘅人又有幾多？

手冊裏面，專題好多，有一啲題目小弟一睇都打過突，仲唔係「唱共」！？ 但睇埋內容，又唔係咁睇，只不過有啲有心人將某部份內容放大而達至佢想嘅目的。

小弟明白，有人為平反六四，認為內容一定要加入六四事件，但其實小弟同一啲學者感覺一樣，手冊內嘅內容根本對小學生嚟講都好難理解，但小弟認為加入六四事件以小學生嚟講都係好難理解，所以國民教育科內容係要修改，而唔係停止。因為六四已洗腦式被定性為係中共嘅錯，但小弟睇過啲好有心嘅TD會員複製六四嘅片段，當中我發現當年吾爾開希曾對群眾講過一啲煽動群眾嘅說話令群眾激動，而小弟絕對唔相信佢所講嘅說話，究竟是否兩方都有錯，小弟唔知…

至於最近發生嘅事件，係邊個不停洗邊個腦，有無人有心去策劃，哈哈……

simpsons

同意
中肯
............................................................

yugi

係邊個不停洗邊個腦，有無人有心去策劃

同意:67:

tolete

同意, 我也係反反洗腦一員

原罪

係當自己好中肯之前…
各位有無睇過，呢一課會點評核？

仲有，有嫌疑已經要叫停！
你懷疑碟飯有屎係咪都食呢？你咁中肯，你一定放入口啦。
唔食過你點知有無屎呢？

抽手旁觀已經唔叫得好…
仲要扮中肯…
踩行出黎對抗既人？
屈佢地有政治目的…

jetman_black

係當自己好中肯之前…
各位有無睇過，呢一課會點評核？

仲有，有嫌疑已經要叫停！
你懷疑碟飯有屎係咪 ...
原罪 發表於 2-9-2012 08:55 PM

講得好！！！！
   

對不起，您的帖子小於 15 個字符的限制，請修改

水水的基地

又係六四

好悶呀！我無睇過課程
唔知有無教三反五反，人民公社，大躍進等
但明明係歷史科嘅嘢又要教尐唔教尐？

明明係通識教到又要獨立成科？

明明係運動員又要包裝成愛國宣傳機械做埋尐馬騮戲？

玩具

以我所知果班家長組織 ( 恕我唔記得佢地組織全名 )
的確承認過佢地每一位成員都有睇過全份綱要
所以我敢問樓主有沒有睇過 ?

我覺得樓主如果要有心要估人地有咩用心
唔該你... 請比你所質疑既人更清楚討論內容先好質疑
而唔係單從件事表面
用中國人一向最叻既誅心之論
去猜度人地既用心
因為你連人地討論緊 D 乜都未從未了解過

老實講而家香港就好多呢 D 聖人
無立場
兩邊 '找碴'
兩邊抽插搵人錯處
兩邊質疑人地用心
但從來無了解人地討論緊乜野..............

七國咁亂

係啦……埋嚟睇埋嚟揀啦「聰明人」

timothy276217

以我所知果班家長組織 ( 恕我唔記得佢地組織全名 )
的確承認過佢地每一位成員都有睇過全份綱要
所以我敢問 ...
玩具 發表於 3-9-2012 12:38 AM

如果佢覺得自己講既係岩,佢會用自己fb去打哩篇野,而唔係TD:78:
咁點解係度打?無手尾囉.............以為:78:

gazza1211

係啦……埋嚟睇埋嚟揀啦「聰明人」
七國咁亂 發表於 3-9-2012 10:42 AM

    討論區有兩條這樣的ｐｏｓｔ。看罷知道出聲反對的人占大多數，但要知道，不出聲的不代表他們也反對。國民教育最重要的問題是Ｓｙｌｌａｂｕｓ和內容怎樣。我覺得我們已經在步２０年前台灣的後塵，不斷內耗，就兩三派人互相攻擊，推動經濟有建設的事情少幹，各派都只做鞏固自己的權力影響力的事情。台灣以前位置在哪裡、現在的位置在哪裡。你一句“係邊個不停洗邊個腦，有無人有心去策劃”這個我非常贊成。有人持權凌弱，有人為反而反、也有爲了挑起大家正反的無間道、有人被利用造反、有人混水摸魚、但絕大數的市民都是希望香港繼續繁榮穩定的。香港以前都是多做經濟發展的事才有今天的繁榮，現在都是在吃老本、沒老本吃的就學人搞政治:67:反正有人要圍攻我都無所謂。究竟什麽大家才醒來坐下來為香港長遠的前景做事情，再這樣下去，就到２０４７咯，人家發展繁榮，香港就。。。。。。。。。。

hk小文

回復 11# gazza1211


    其實，你真的覺得，當所有人收聲（或無得出聲），便會真的會得到繁榮？這就是你想見的”繁榮”？

taken

Support!  But 注意秩序 & 俾返d空位其他人行.

向洗腦教育Say No!

egg17

no idea ~~~no no no  no no no :59:

七國咁亂

回復 10# timothy276217

唏……呢位會員講嘅嘢真係發人深省，咁你做乜嘢喺度叫呀，返你嘅面書去叫啦……「高人」