|
本帖最後由 Mcgarden 於 18-8-2012 12:27 AM 編輯
階旺名店”大雄個FRIEND”做生意幾老實人所共知 , 今日終於俾我遇上同佢不相伯仲既玩具網站 ---“換懼”迷團 !!!
小弟已成家立室, 自從化骨龍出世後, 都好少出街買心頭好。買玩具習慣續漸由門市改為上網BID 或經網上玩具店 , 一年來大大話話都買左成十萬 , 雖然時貴時平, 但一直以來都相安無事 , 仲好開心 , 直至今次……….
“換懼”迷團係經面書認識 , 有次呢間野個面書介紹three A 既Real Steel Ambush , 唔睇由自可, 一睇出事, 即時中毒愛上。 但我未曾買過three A產品 , 正煩緊點訂既時候 , 俾我見到呢間野有代訂 , 當時係4月15日 , 佢既面書係咁寫….
“threeA - Real Steel Ambush 42cm/17.5" 高, 價格US$290-330, 附贈1/6控制器,
有興趣Fans可以在此留言及發電郵到 info@toysbuddyhk.XXX 留定預訂名額!!)
由於唔知價, 但又覺得佢個”價格” 接受到 , 我決定試下呢間野 。
我SEND左電郵問預訂細節 , 包括價錢, 到貨期 , 訂金幾錢等…….
佢後來回覆相關細節 , 訂金$500 經PAYPAL , 但價錢同到貨就係咁覆(schedule shipment will be in August, retail price To Be Confirm).
由於佢4月15日既面書上寫明”價格” US$290-330 , 咁我好自然理解為佢售價亦即 USD $290-330 , 只不過當時未決定到實際幾錢 ,決定就信一次 , 即刻落訂 , 點知………..
今日上TD , 見到有大大傾開呢隻threeA , 得知就派貨, 但一直未見呢間野通知 , 於是SEND電郵問佢幾時派貨及尾數幾錢 , 點知佢覆個尾數居然係 HK$ 2700…..
起初我都以為佢攪錯 , 明明4月份寫係USD$290 ~330 , 點解而家貴左咁多, 於是SEND電郵嘈佢 , 點知佢咁覆
“可能大家再最開始交易時間沒有說明價錢, USD$290 是我們的來貨價, 這是供認價格!! 而現在已EBAY去到 US$390
而我們亦寫明零售價需要於稍後時間決定!! 這點你是明白的!!”
見到佢咁覆 , 即時火起 , 呢隻3A , 今日阿虎即賣價都係 兩牛三魚, 你個尾數仲貴過我買過隻4魚 。
我俾左訂, 你真係可以當人傻仔任屈 ?? 最緊要既 ,乜原來”價格”一詞係代表來貨價 ???
我要求佢一定要按返4月寫個價USD$330完成交收 或退訂 , 但佢居然唔肯, 仲爛好人話我係會員俾個DISCOUNT 我, 但尾數都要俾$2210 , 如果唔接受 , 歡迎用法律解決 !
$500唔係大數目 , 但想用文字去誤導消費者 , 呢D咁既生意手法 , 我一定唔會妥協 !
既然佢想玩大, 我亦唔怕奉陪到底 , 而家$500 佢已經講明扣起 , 我亦決定下星期嘗試聯絡小額錢債處備案。
打呢篇野亦只希望各位小心呢個網站 , 同時如果有其他司兄同樣向佢訂左3A呢隻, 亦希望唔好咁易妥協 |
|