係又鬧…唔係又鬧

七國咁亂

掛起十號風，所有交通工具停駛，呢D常識係人都識。你掛八號風都唔襯仲有車返歸，到無車你又大吵大鬧，人哋都係人嚟架，為咗服務你哋佢都無屋企返呀！呢家D人……唉:42:

蒼月遊馬

就好似 樓主id 一樣

stanley9

依家D人係咁架啦，覺得自己大X晒
仲之自己得唔到想要既野，就大吵大鬧
算把啦，已經見怪不怪。
如果你有睇報紙，香港已經評為最差城市
講真，以前我都唔會諗移民，依家.......
我有錢一定走

水水的基地

同埋d傳媒硬係捃呢d負面嘅人做訪問。
其實都算別有用心。

Toro

迫左咁耐冇車,可能多左怨氣都唔奇.
而且樓主,我相信大部份人一定係有原因先至唔可以趁早返歸.
最同意#4位朋友,其實近年傳媒真係偏重左報呢類負面野.
問返自己啦,呢度係香港,被困o既乘客多達100幾人,換左係國內其他地方,可能打職員啦.
呻兩句而已,之後佢地都好自覺得搵地方休息呀.
其實咁樣對住個電腦印印腳插人,係咪又應該體諒下10號風球,有家歸不得o既人o既感受呢？

水水的基地

樓上既朋友，我直頭覺得近年大家話香港分化，傳媒嘅報導係好偏重某一方，將負面情緒放大。我明有時係要揭露事件真相，但有時出發點似別有用心。呢方面東x先最強，x果都唔夠黎。
我亦相信香港人嘅獨立思考能力唔高，逆地而處能力更弱。越話分化咪越中正阿爺果套。別忘記共產黨最忌別人團結。

水水的基地

del••••••••••••••

warxv

樓上既朋友，我直頭覺得近年大家話香港分化，傳媒嘅報導係好偏重某一方，將負面情緒放大。我明有時係 ...
水水的基地 發表於 25-7-2012 04:55 AM

傳媒只係報D大家會比錢買的新聞,女星走光,邊個D緋聞,邊條友犯賤之類,呢D多少都係大家的集體選擇,越多呢D新聞就越好賣.
只要大家唔睇唔買,三日,唔洗多,蘋果一定改版!問題係香港人呢D新聞八少三分鐘都覺悶呢!

hk小文

記得以前，火車在八號掛起後兩個鐘左右便會停駛，但不知什麼時候開始，十號風球仍作有限度服務變成了指定動作。

hondacl7

傳媒只係報D大家會比錢買的新聞,女星走光,邊個D緋聞,邊條友犯賤之類,呢D多少都係大家的集體選擇,越多呢D新 ...
warxv 發表於 25-7-2012 09:36 AM

        起馬香港仲有 D 傳媒係市場主導而唔係只報阿爺想見到的事.  唔通大家想份份都係大公報咁咩!  講返件事, 如果真係地鐵安排失當, 咁咪底鬧就要鬧啦! 唔通如果我八號風球去做義工但係因為疏忽殺左人咁就可以拍下羅友走人就算呀! :67:

玩具

如果要講 "分化"
咁都要香港有一部份人好鍾意做聖人
總之 "我就無立場" 先企高地
數呢個不是果個不是

咁先兩隻手掌拍得響既係咪 ?

七國咁亂

回復 5# Toro

會員Toro，請問乜野叫「做對住個電腦印印腳插人」？咁你咁批評小弟又叫做乜？你話體諒下十號風球又家歸不得嘅人嘅感受，咁點解你唔體諒下十號風球下又要工作、又返唔到屋企、又要比你呢類人插嘅人呢，唔通佢哋唔係人？你唔好話服務性行業係要咁架啦呢D「大智慧」嘅說話，其實八號風球下所有行業都應該暫停服務，因為大部份保險都唔會保你 (小弟孤陋寡聞，真係咪聽有呢類保險)，你哋又鍾意蒲、鍾意追風，玩完又話人唔serve你，係咪太過D呢。小弟覺得鐵路職員唔踢你哋落車、趕你哋出車站，然後拉閘已經好冒險，喺強風下仲要人開車又或安排接駁巴士車你返歸，你哋想受傷、想死啫，無理由叫人陪你死架！你要博嘅咪搵肯博嘅的士大哥囉……比多D梗要架啦，佢都係搏命架喎……越講越勞氣，而家D香港人你讓佢一步，佢就「理直氣壯」咁要求行多兩步、三步、四步……:67:

七國咁亂

起馬香港仲有 D 傳媒係市場主導而唔係只報阿爺想見到的事.  唔通大家想份份都係大公報咁咩!  ...
hondacl7 發表於 25-7-2012 22:38

小弟真係唔知閣下喺呢度嗡乜SEVEN嘢，你嘅智慧太高啦，祝你世世代代都可以服務香港人，你鍾意為反而反、為鬧而鬧嘅，今個星期日你又有機會啦，去維園啦……咪喺度亂SEVEN咁嗡啦。

七國咁亂

回復 11# 玩具

小弟好低能，都係唔明閣下想講乜，SORRY

Toro

回復  Toro

會員Toro，請問乜野叫「做對住個電腦印印腳插人」？咁你咁批評小弟又叫做乜？你話體諒下十號 ...
七國咁亂 發表於 27-7-2012 01:59 PM

我個人意見，停駛係常識，冇反對過．
但小市民呢個時候失去理智，呻兩句亦唔係太難理解
香港唔係一個常有天災發生O既城市，所以呢類應變係比外國慢
我唔喜歡o既係報導手法，冇錯市民係慘，有D亦都失控，但大至都算係守規則

至於話你印印腳插人，
人地乜野原因"唔襯仲有車返歸"，你知道嗎？我唔知
大家都係受害者，所以我唔會咁樣上網鬧地鐵或者乘客，
自己唔o係現場，單純靠新聞一兩個片面訪問，capture幾張圖就企o係高位去批評人

我覺得，最唔好就係將小事化大既傳媒
100個人中有1,2個發脾氣，就去谷大發脾氣o既2%，其他98%受苦o既人，咁守規則留o係站內休息，又唔讚下？

其實你應該明我講乜o既，我用字係激左d，sorry，請原諒:help: