「仗義每多屠狗輩」燒臘店賺財團錢以11元燒肉飯助基層街坊!!

太歲

洪先生與太太（圖）攜手經營「真好味」燒味店20多個年頭，4年前決定「益街坊」推出11元燒肉飯，每日可售出逾千個，購買的多是區內街坊、露宿者，也有不少南亞裔人士。（尹錦恩攝）


老闆洪志強（圖）為了「希望街坊有餐飽飯食」，所以寧願蝕錢，也堅持賣平飯，現時單拼燒肉飯只賣11元，他還承諾3年不加價。（李澤彤攝）


【明報專訊】通脹猛於虎，基層市民過日子，有苦自己知。油麻地眾坊街一家小小燒臘店「真好味」，老闆洪志強為了「希望街坊有餐飽飯食」，儘管每個飯盒要補貼1.5元，但一個熱辣辣的單拼燒肉飯只賣11元（還送老火湯），深受附近的劏房戶、露宿者，甚至「道友」歡迎。

油麻地眾坊街是基層集中地，附近的梁顯利社區中心，更是該區代表基層的「地標」。每天早上11時起，「真好味」燒臘店門前便會開始出現人龍，排隊的有基層「師奶」、長者和南亞裔人士。店前掛着橫額，「燒肉飯11元」、「雙拼飯13元」，搶眼醒目。店內，年屆60的店主洪志強，手持大刀斬燒肉，洪太帶上圍裙，在旁邊將膠盒盛滿白飯，又將老火湯裝好。

綜援顧客﹕一日兩餐都買

住在新填地街劏房的燕姐，這天拿着兩張10蚊紙排在隊尾，買了一個叉燒拼油雞飯。燕姐向記者承認自己有毒癮，下月3000多元綜援未到手，今天唯有問人借錢買飯，「最平最抵食的便是這間，13元很大份，日一餐晚一餐都來這裏買」。排在燕姐前一點、在鄰近玉器市場工作的何女士，則抱怨百物騰貴，「在家煮一個人的分量，也超過13元，倒不如吃個燒味飯」。

現時要吃一個午餐，隨便找一間茶餐廳也要30、40元，洪志強的廉價飯賣得如此便宜，自然深受歡迎，每日燒肉飯可賣出近600個，雙拼飯賣300、400個。洪直言，當初決定賣廉飯「還是需要有點勇氣」，「1980年代雙拼飯已售18元，現在調轉頭賣13元，是預計了難有利潤」，11元一盒燒肉飯，豬肉來源難免惹人懷疑，但洪說，自己做的是正宗燒味，每個飯盒要蝕本1.5元，如每天買出1000個飯盒，扣除成本，要倒貼1500元。

供應美心茶餐廳燒味

蝕本生意也有人做？洪氏夫婦的算盤是這樣打的﹕除了在油麻地賣廉飯，同時在火炭租用單位接批發生意，向包括美心快餐30間分店和多家茶餐廳供應燒味，一天批發一、二千斤，每斤賺20元，利潤足以補貼廉價飯，拉上補下，生意好的日子每天可賺2000至3000元。

這種「劫富濟貧」的心態，緣自洪對油麻地的「情意結」。洪自小跟爸爸在油麻地開店，40多年來都在區內生活，起初租用鄰近西貢街的小店，到後來業主加租，20多年前決定以百萬多元買下現時約300呎舖位，一直經營至現在。回看前半生，洪直言理解老百姓「百上加斤」的苦况，「小店辛辛苦苦捱出頭來，但大業主說要加租，就很難做下去」，他在區內，眼見露宿者、道友，飯也沒錢吃，更了解一、兩元對升斗市民的意義，自從2008年金融海嘯將香港經搞得翻天覆地，洪開始在油麻地賣廉價飯。

08金融海嘯始賣平飯

洪說，他賣的燒肉飯去年還可賣10元，但今年發泡膠商加價，一箱500個由120元加至140元，石油氣一罐由226元加至266元，豬肉的成本更加了四成，要2100元100公斤，洪生坦言，迫於無奈下，今年燒肉飯要加1元至11元一盒。但他承諾，會盡能力為一眾街坊提供平飯盒，接下來的3年「堅持不加價」。

「仗義每多屠狗輩」，其實屠豬的，也有好心人。

明報記者 鄭穎瑩

hehemimi

...值得支持...........:64:

玩具

我聽過朋友講... 佢係街坊親身食過好多次
話平時 D 飯根本唔係咁樣的
:DD

CMS

support!希望會有多D有心人效發.

yugi

希望轉頭不會上報紙話大財團投訴之後批發唔供貨比佢

FANGJOKER

我聽過朋友講... 佢係街坊親身食過好多次
話平時 D 飯根本唔係咁樣的
玩具 發表於 29-2-2012 12:00 AM

我都唔信佢真係會蝕住賣, 仲要賣3年~~:73:
應該都係平價賣垃圾:72:

小櫻

樓上果兩位乜咁諗人嫁...

當然... 實際現場買果陣未必砌得咁靚... 咁家陣俾記者影相未砌靚少少囉...

就算實際盒飯比相嘅份量少... 以咁嘅價錢都叫做幾抵嫁喇...

有無去大快X吔過？... 早輪佢哋尐飯碗碗底係凸起... 令到碗飯好似好大舊... 家下可能被人投訴先至換翻平底碗... 係咪搵笨吖？...

家下黑新聞已經夠多... 報下喱啲唔好咩？...

yugi

樓上果兩位乜咁諗人嫁...

當然... 實際現場買果陣未必砌得咁靚... 咁家陣俾記者影相未砌靚少少囉...

...
小櫻 發表於 29-2-2012 05:26 PM

唔關我事:time:我係話驚佢步阿信屋後塵ja:time:

太歲

樓上果兩位乜咁諗人嫁...

當然... 實際現場買果陣未必砌得咁靚... 咁家陣俾記者影相未砌靚少少囉...

...
小櫻 發表於 29-2-2012 05:26 PM

唉.....
我都唔明點解係要用呢種方式去諗野。

luciferdark

香港地俾得你食差極有限啦
做11蚊有一餐飽飯都要俾人話有陰毛
世風日下了
搵日過去食番次
20蚊叫佢唔好找

小櫻

唔關我事我係話驚佢步阿信屋後塵ja
yugi 發表於 29-2-2012 06:09 PM

「樓上果兩位」... 係指小櫻樓上其中兩位... 並非閣下... :64:

SuperBus

我都唔信佢真係會蝕住賣, 仲要賣3年~~
應該都係平價賣垃圾
FANGJOKER 發表於 29-2-2012 16:41

都唔明你地呢D人係要咁諗人地嘅,
咁同話人地係黑店有乜分別?!
家下D新聞報憂不報喜嘅都已經夠多,
依家人地報呢D新聞又要抹黑人地間舖話人地平價賣垃圾,
咁點解唔親自去試下以求事實真與假?

太歲

都唔明你地呢D人係要咁諗人地嘅,
咁同話人地係黑店有乜分別?!
家下D新聞報憂不報喜嘅都已 ...
SuperBus 發表於 29-2-2012 10:39 PM

   

「樓上果兩位」... 係指小櫻樓上其中兩位... 並非閣下...
小櫻 發表於 29-2-2012 08:03 PM

香港地俾得你食差極有限啦
做11蚊有一餐飽飯都要俾人話有陰毛
世風日下了
搵日過去食番次
20蚊叫佢唔好 ...
luciferdark 發表於 29-2-2012 08:00 PM

我認同你地講既野~
人地羅個心出黎幫人真係唔好野野都要覺得人地係有背後目的向唔好個面諗！

亞洲鐵人三號

面對無良社會壓制, 就要儲備足夠的正能量, 可悲是連正能量都不懂區分, 如何裝備自己.....

亞洲鐵人三號

面對無良社會壓制, 就要儲備足夠的正能量, 可悲是連正能量都不懂區分, 如何裝備自己.....