|
本帖最後由 kkkiii0079 於 24-2-2012 07:34 PM 編輯
今次個玩評快快手出，係因為入手既係AS系列既ARX-7。背景野唔講，反正大家都應該知架啦。其實佢係一隻再版機，之前R魂都有出過ARX-7既，而且個QC各樣都做得唔錯，依家佢又出隻再版，當然係會比前作更好。不過，到底好左幾多，還是都係差唔多？以下評論將會為大家說明一下~:71:
表面睇落去，D線條好似實淨過之前個隻D，但分別不大。
睇埋個背面，感覺都好似係唔錯。不過，呢一次，先要說一個大大既扣分位。新舊ROBOT魂最大既分別位在於，新ROBOT魂係有一個插位，係為魂STAGE而設既。而ARX-7既插位就係個背度。不過，我個隻個蓋點整都係搞唔開，就黎隻野都整爛啦。所以，我最後都係放棄左用魂JOINT。結果，以下所有相既POSE都係用原始既方法去搞啦。:70: 的確，我真係唔明個HOLE點樣要搞到咁樣打開......燥了，扣分﹗
就可動度而言，呢一隻的確係比上一隻做得出色好多既~只係睇下個肩頭位同踢腿動作就明白，呢個位完全係新版贏左了~
係時候去D POSE相。得益於高可動度，好多之前擺得好辛苦既POSE，依家都幾輕易做得到~
講真，就咁睇，唔多分到新版再舊版，新版係多左D DETAIL位，但整體既差別真係唔大啦.....
做動作個時既分野就大D，今次係側踢~
講真，多左可動既關節，係好玩左，但同時又難玩左，因為真係郁一郁就郁哂成隻野，所以要擺POSE真係要畀D耐性
腳既可動度提高左，所擺既POSE既氣勢比以前強一點:73:
本來個背插搞得到既話，可能影得順利好多，不過依家就真係NOWAY兼超麻煩，希望有大大可能幫我諗諗點整塊野落黎:65:
睇番個面相，比起舊個隻，其實都算係有一個幾大既改變啦，新個隻的確係DETAIL左好多，唔錯﹗而且頭部既可動度提高，令到D動作睇落去可以擺得更自然一些﹗
最受注目應該係條鞭。之前佢同山口之間最大既分別就係，人地山口整到條鞭，但係偏偏R魂又整唔到，搞到個感覺唔太好咁。依家出番條鞭，成個感覺即時完整番唔少~
美中不足的是，換鞭PART要先拆腕然後再插野入去，感覺上好似可能再做好少少咁。
將隻手向上擺，就做到由上下#既感覺，幾好﹗呢個POSE要做得自然，都真係幾睇隻腳個擺位
呢張相個角度我自己覺得攞到位，不過就係差左少少隻左手條鞭唔太出啦，甚為可惜.........
一手刀一手槍都幾好~
手咬住把刀個野都係要換頭先至得~~
好，係時候去DRIVER開動個時既現象~
可動度高，呢D基本動作之前做到，依家都做到，只係可以做得更自然，更真實﹗
DRIVER MODE既改動係最大既，因為同舊版比較，肩位DETAIL左好多，個D散熱葉上左色，同埋個連膊頭位既甲係細左少少，變相可以提高個手臂既可動度。之後背部既翼明顯大隻左好多，長左好多下。咁樣睇落去，似乎成個DRIVER MODE都MAKE SENSE左好多，感覺同普通MODE有較大既差別
講一講個拳頭先，個波動拳係最令人期待既一件野~~結果當然不負所望，唔錯﹗個拳套入手之後，同隻機一夾個感覺認真唔錯﹗
重演個一幕，我專登開番套野出來模仿啦。不過，由於隻腳掌既可動性未係做到最好，結果右腳都係整得唔太理想
玩下條鞭先﹗
飛腳﹗
刀仔我用來整個飛刀MODE就算.......
評完﹗
先要講句唔好意思，因為小弟要番工，尋晚TD入唔到，變左要等到依家先可以打埋個尾，見諒﹗
講番個總結先，整體而言，佢既優點、缺點如下：
優：
1. DRIVER MODE型左好多，同之前差得幾遠下
2. 可動度大幅提高，所有動作變得有型得多，特別是手部真係做好左好多
3. EFFECT MODE可以有多種用途，唔錯﹗
4. 頭部做得DETAIL左幾多下，唔錯﹗你見到佢點左一野銀油係頭彈個位度，唔錯﹗
不過，作為新版，佢都係有唔少要被彈既地方：
1. 之前擺刀套、擺槍位好易掉件既問題，依然沒有解決
2. 拿SHORTGUN隻手同前作一樣，結果拿槍個感覺都係唔理想
3. 所有武器幾乎一樣，例如SHORTGUN應該要有少少改變先得，依家無改過
4. 背部魂STAGE甲「打開不能」，為左打開佢，我差少少整爛隻機.....不過最後都係失敗左
5. 配件同上作幾近一樣，未見新意
6. 上色方面做得不是太好，有D位需要自己執執先見得人
7. D件既水口位頗多，要自己動手處理
8. 郁動大腿個時都係會搞到條腰，做得不太好﹗
希望以上既點可以作為參考啦﹗可動：A 上色：B+/A- (DEPEND ON QC) 造工：A 配件：A- 耐玩度：B/A++(如果玩同系列CROSS OVER) 整體：A-/A+(如果玩同系列CROSS OVER)
如果想睇多點其他R魂玩評報告，請到：http://blog.yahoo.com/_PEAE5C7I2T4VVJ4LH35KWQQZEI/articles/page/1 | 
發表於 23-2-2012 22:54:42
發表於 24-2-2012 03:54:59
樓主
