|
|
發表於 2-4-2012 12:44:00
|
顯示全部樓層
本帖最後由 kaiserfrog19 於 2-4-2012 12:48 PM 編輯
回復 1# ricky_lam522
唔緊要, 大家討論下 je, 我都算係個 3a fan, 等我試下幫佢地解釋下。
其實對於佢 d 野 "一味一模多用, 改少少又一隻....加少少又一隻....轉下色又一隻.....D 公仔衫 頭雕又簡單", 你可以咁樣理解既 :
首先, 3a 唔同 ht / enterbay, 3a 既角色幾乎全部係 Ashley Wood 設計出黎。而佢既風格就係簡單, 所以玩開其他廠牌 figure 既朋友, 可能會玩唔慣 3a 都未定。但如果真係玩開 3a 的話, 就會發現佢雖然係同一個模, 但係佢每一隻既顏色同武器 / 服裝既配合, 都係有自己既獨有風格既。
另外就係, 其實有好多 3a 既舊物, 而家已經好貴。好似 d 舊既 tk, 而家已經成皮野上落, 如果 3a 以後都唔再出 tk, 可能會仲貴。有見及此, 3a 就推出左 "tomorrow kings classic" 呢個系列, 就係用返佢地已經有既原模, 配搭其他衣服 / 武器黎創造出新既角色。但係就用返便宜既價錢出售。
就以 7 骨既 wasabi 黎做例子, 如果你係開售個日上網訂, 即使唔用 3aa discount 黎買, 其實 $800 已經可以搞掂。$800 一隻 12" figure, 仲要每隻有自己獨有舊化, 個人認為已經好化算喇。
仲有就係退一步黎睇, 正正就係 3a 成日都係用返個 d 模, 佢既保養服務先可以做到咁好, 你即使係唔覺意自己玩爛左隻 figure, 就算隻野出左幾耐, 你一手定二手買返黎, 3a 都會無條件幫你維修。呢一點係其他廠無能力做到既事。
至於你話佢 "一個月出幾隻.......閒時又限定特別版....閒時又隱藏特別版....閒時又會員特別版....閒時又會場特別版", 其實 3a 自己都已經講過, 呢個係佢地既運作模式, 佢一路都冇話叫 d 買家全部買入而係理性購買, 而且你如果有留意的話, 佢個 d 所謂既特別版隱藏版, 如你所講其實都係同模唔同色。比如最近既 sunday jc, 如果你已經有普通 jc 的話, 其實唔駛買呢隻都可以。
雖然每個人既價值觀唔同, 但個人認為其實 3a 既 figure 比起其他野已經唔算貴架喇, 隻 sunday jc 如果用埋 3aa acc. 黎買, 都係六百幾, 已經算好合理了。
如果你係都要齊哂所有角色的話, 咁就要辛苦 d 喇。其實市面上既 figure, 你想儲齊就一定要付出一定既努力架啦係咪? 只不過係 3a 特別野就係要你努力 f5 而已。
當然買唔到既人會好不滿, 但平心而論, 如果比你買到既話又真係無比開心個wo, 有好多外國既 3a fans 都好享受 f5 呢樣野既。都係睇下你心態如何。
最後我都想講下既就係近期比人圍插既會場版預售, 其實預售係比 3aa 呢 d 狂熱 fans 買既, 有好多狂熱既 3aa, 其實有好多都會愛哂 3a 所有玩具既 line, 有好多住係美國, 日本, 台灣既 3aa 直情係會搭埋飛機黎出席月尾既 3a 展。對於佢地黎講, super set 可以話係最多人既選擇。set a 同 set b 佢地反而唔會考慮。
不過, 各有各喜好同負擔能力呢樣野, 又冇得好講。如果你只想買單隻, 又唔想排隊的話, 其實個展完左之後 3a 都會再安排一定數量比大家上網買。就唔會話如果係會場賣清光的話就冇得上網買返。
其實已經算係做到好足架喇。起碼每個人都有機會用原價黎入, 而唔係完全比 d 炒家 / 排隊黨搶哂 d 貨。
都係個句, 如果都係不滿, 可以同 3a 試下反映, 佢地個 cs 真係唔錯, 我估官腔又好細心解釋又好, 佢點都會比返個 reply 你既~:71: |
|
樓主: varitronix
[複製鏈接]
