本帖最後由 ZIN 於 1-10-2011 05:16 AM 編輯
想講下感想, e+12"實在全面普及, 甚至有感成為玩具主流, 當然, 有點成人向, 但我亦切切實實見過好多初中生都有入, 真係幸福無邊, 細時真係得過睇字, 不過實質有質數嘅人氣嘅產品價值, 都下下可以去次小旅行, 身邊太太仔仔好朋友當然明白我熱愛玩具, 亦有好多人講玩具不切實際敗家等等, 我只能夠講, 玩玩具時我很快樂, 亦係能忘卻好多工作等等煩憂嘅私人空間, 相信玩具同好會明白, 不過, 小弟都準備收山, 我只係一個普通打工仔, 亦要養家及作退休另一段人生嘅準備, 以現時12"價格同整體社會經濟好似唔多相關, 真係shf你都米睇小佢細細件好似好好食, 幾件限定夠入auto vajin有突, 好希望未來嘅日子, 好品質嘅玩具繼續多而價錢能更加大眾化, 不致令玩具迷卻步, 我亦不用收山:DD, 喺度嗚謝埋max版大tak哥dick兄vince兄等等各版主俾小弟可以爽爽快快upload玩具相, 與及一眾同好嘅支持鼓勵令我有心有力同大家分享玩具, 當中323及some大真係我嘅啟蒙老師, e+仲有布老師教學坐陣添, 令小弟學多咗嘢, 只可惜我資質低, 影來影去都係咁上下, 相信下星期開始我有一排做TD潛水會員, 因為再要投入工作, 又快新一年新開始, 潛水前在此祝大家玩玩具玩得開開心心, 入親都好QC無SAD:) |