|
|
|
本帖最後由 herrickwok 於 9-7-2011 10:40 PM 編輯
話說信和某"樓上店"尋日搞周年特賣
秩序算好好, 無打尖、嘈交等等問題
點解我知? 因為我排第七個囉
我先自爆, 我放工後食少少野, 五點十五分左右去到排隊
事前唔知道原來店主喺fb話七點前排隊不受理
(大佬, 佢好似特賣果日先講, 我一早起身去番工, 出咗街就無得上網, 唔知有幾出奇...)
原本店主預計7點開排
如果多人排就會提早派籌
結果去到六點多少少就因為有大約三十多人排隊, 塞滿電梯大堂, 所以開始派籌(據聞亦係因為有其他同層店舖投訴)
我拎完籌就去行吓、麥記食少少野, 9點半左右番到去店舖門口等開賣
最後都成功買到想買嘅野
不過番到屋企就見到好多人喺店舖fb專頁表示不滿
指明明話7點開始派籌, 結果因一大班排隊黨要6點派籌, 搞到其他人(主要包括上班族)買唔到野
又話排隊嘅人五點就去到野餐、d雙失青年一早去排隊 等等
對於呢d回覆, 我有點不能理解(對部份回覆亦有不滿)
所以上黎"吐苦水"(又唔算苦水, 只係個人意見)同埋問吓有關排隊等開倉嘅問題
對於有d人話一早排隊嘅人係雙失, 我覺得真係好無品
點解一早排隊就係雙失青年? 你排得後就人身攻擊人地, 好無品姐
(起碼我已經唔係佢地口中 一早去排+雙失青年 嘅人啦)
排隊係一種守規則、"有禮貌"嘅行為, 係一種美德
點解排隊都要比人標籤? 都要比人鬧?
感覺上只係有人唔及前排嘅人早去到, 買唔到想要嘅野而借機發洩
星期日茶樓下午茶時段兩點半開始, 但點半左右已經有大人細路去排隊等派飛入座
唔通兩點半去到, 要等到三點嘅茶客就話一早黎排果班人係排隊黨, 搞到佢地要等咁耐?
人地黎排隊, 亦有可能係請/拎假黎排隊, 排隊都要時間, 時間都係成本黎
上班族可以選擇請/拎假黎排隊, 無論如何都要付出成本架啦
話自己放工去到拎百幾號籌, 乜都買唔到, 將不滿發揮去"排隊黨"身上, 有d唔合理喎
其實你大可以請假但你唔請, 話人地排隊搞到自己買唔到平野
就算你請唔到假, 你番工都有人工姐, 拎果半日人工出去市面買, 計番個差額, 都可能仲有賺(特賣果d野又唔係絕哂版, 洗唔洗咁"認真"?)
無理由你唔肯付出, 就話果d有付出過嘅人, 真係令我費解
=======以上話題可能睇落有少少過激, 但以下話題係認真唔明白, 請各位保持冷靜, 認真討論...=======
有關話7點前排隊不受理, 我又唔係好明呢個做法如何生效
係咪真係要準時7點正去到排隊先得?
如果有人六點五十五分去到, 係唔係趕人走?
佢可唔可以去排隊位置隔離排隊等開排?
如果有人五十五分就到, 下一次就會有人五十分就去到排隊等開排
再之後就四十分, 三十分, 如此類推
要人幾多點鐘開排......老實講, 我唔明係甚麼原理... 真係唔比人排住隊等開排?
咁遲早又會有人排隊等排隊等開排.......
就算真係唔喺電梯大堂等開排,
都一定有人喺後樓梯排住隊, 捕住七點一打鐘就人踩人地衝過去...
就算全世界都係咁守規則, 標準時間七點先上去排隊
咁後樓梯、電梯一定大塞車, 到時仲衰過排隊啦
店方安排其實都有少少唔完善先會搞成今次咁嘅...(唔係鬧佢, 呢個係客觀事實, 我亦知道有好多野唔係台方可以話事, 信和方面都有比壓力佢先會咁)
據聞店方早就知道五點幾有人排緊隊
如果真係提早排隊唔受理, 點解唔請佢地離開呢?
(不過大熱天時一大班人塞喺度等, 店方派水比等候人士, 真係好好嘅措施, 很貼心, 值得一讚!)
指定某個時間開排呢個措施, 係唔係無可能實行呢?
我都係第一次咁"得閒"去排開倉, 唔知有無其他師兄有成功"指定某個時間開排"嘅案例分享一下? |
|
發表於 9-7-2011 22:28:40
樓主
