|
一次過睇返晒5頁, 有好多野都想分享下, 可以答得有D飄, 家唔好介意… 首先係我同成班FD睇完都覺得佢今次個3D做得唔錯, 而且佢做得比之前任何一套3D都好, 之前個D 3D係就係好3D, 不過就好似我個FD咁講, 好似睇緊立體聖誕咭咁一層層, 好假, 但今次個做得好好,唔會好一層層咁 (連之前阿凡達都係一層層) , 而且佢專登為今次套戲重新整過眼鏡(之前佢係官網講左話D人反映3D唔夠光同唔夠清, 今次好左, 睇完2個幾鍾對眼都唔攰… 好啦, 講返套戲, 首先, 導演已經一早講晴唔會再有第4集, 當然係講佢唔會再拍啦, 遲D有無人接手拍D前傳呀, OR新系列講洛迪文的話就好難講
… 今次劇情方面, 的確同意有師兄講有時係唔係幾接到, 例如博派俾人捉晒, 御天敵又好快突然反面, 應該都係因為得2個半鍾的關係CUT左好多(其實一套戲黎講2個半鍾都算多的了)….. 新同伴的確係幾唔顯眼, 幾失望, 藍色被殺的”愛因斯坦”只出過基地入面同埋死個時,
紅色法拉利係出左設定時D人都以為佢係幻影, 實際係叫DINO, 卡通入面係無呢個角色的, 最出都只係公路”放狗”一段…反面WHEEL同另一隻唔記得叫咩名的, 仲多發揮.刀其實大家諗下就知, 又唔怪得大隻少戲份的, 全部機械人都係cg整,
又要配合埋真人, 咁多部件郁, 整2隻細的會易好多慳好多錢同時間… 鐵皮死得真係好慘, 但估唔到之後連一句都無交代…..御天敵係咪真係好勁我又唔係好覺, 一開波已經俾文哥隊左一野左心口, 不過佢勝在有2頭長劍同大盾打得又擋得, 加上佢同博派打時其實佢係有叫天空的幫手的, 之後都要邊打邊走, 不過俾文哥捉返0者…. 文哥開頭唔係唔夠打, 而係都未正式埋牙震蕩波就閃人了, 因為佢什文哥搶返桃電廠個著野, 應該係話, 跟本係狂派圈套, 大家記唔記得狂派跟本就係要俾文哥知道月球上面有野, 要文哥去用火源種去救返御天敵…而俾鋼纜KICK住個度真係幾O咀, 無人打佢不特止, 佢自己隻手都有刀格, 又唔用, 其實係咪專登整個劇情黎俾”雷霆拯救隊”做下真正”拯救任務”? 仲有我見有朋友提到電影無u級文哥, 其實係正常, 一路都無講過話文哥會同貨櫃好似u級咁合體, 個U級變型比L級天簡單, 我覺得係出俾D細路玩的, 要飛翼L文, 等9月啦 麥SIR又做D敵人最鍾意做的野,偷襲背後, 仲要近距離中, 所以好快KI御天敵都係正常, 之後 麥SIR同文哥咁正面近戰時好明顯用錯武器啦(笑), 如果佢好似卡通咁用鎚應該可以拖耐D, 一開波俾\交哥閃開左劈心口扯返出黎再守 身劈多野順勢再拉回斧扯甩頭, 的確係快左D, 但到真係唔係你死就我亡的情況下,
文哥自己傷左仲唔速戰速決咩… 之前有好多人都話, 有乜理由麥SIR俾女角講2講就會聽個人類講, 但都好正常吖, 原本佢係大佬, 而家俾人上左位自己做左卒, 係屋頂俾女角見到, 呢度已經俾人覺得麥SIR受屈辱了, 佢要坐返大佬個位, 點都要出黎做低返文哥先得返D民心,
如果唔係就算文哥死左之後佢暗算御天敵, 都無用, 佢只會係另一個星星叫(其實星星叫由G1卡通開始已經對麥SIR做過, 只不過佢唔敢好似電影麥SIR咁大叫, 我只係想要做大佬!!) PS:大家又有咩新感想? |
樓主: gundamrx782
發表於 4-7-2011 10:24:20
發表於 4-7-2011 11:16:48
