點解大家接受到三一萬能俠無得變形,但係就極度抗拒無得變形既變形金剛(電影版)?

Karaku

如題;
點解大家接受到三一萬能俠無得變形,
但係就極度抗拒無得變形既變形金剛(電影版)呢?

如果選擇要可以完全變形既三一萬能俠,
咁變完之後佢就不似人形(外形明顯唔討好).
好多大大都比較喜歡一個有身段既三一,如;招牌水桶腰(呢點好重要!)。

但係如果面對無得變形既變形金剛(電影版),有人就直情認為佢同垃圾無分別.
不過,有得變形既變形金剛,變完之後,
根本就同電影版裡面既機械人模式個樣完全唔同!
(各位大大,自行認真地對比一下就清楚了.)
無得變形既變形金剛玩具,佢外表既還原度,
就算樣衰極,起碼都有電影裡面既9成(明明真係靚好多)!
而唔會見到佢係較為牵強地,變個人形形態出黎。

ps:每個人都知道,現實中 三一萬能俠 / 變形金剛(電影版),
根本無可能會好似 動畫/戲 裡面一樣變出黎...

saihttam

我睇情況...黎緊隻模型我覺得ok wor, 會入!!

borissss

個人觀點:
首先都係個名喇~ 無論係中文名定英文名, "變形金剛" 變形已經係個標記, 特點
出去求其問個人, 變形金剛係咩, 有咩特別, 人地答到你, 但你問萬能俠係咩, 未必個個知有三部飛機

其次, 我本身唔係玩開變形金剛, 但係由一次係手玩過, 佩服佢變形既設計同心機, 之後就開始買
要外型, 真係其次, 享受佢每隻不同變形既創意先係重點(所以同一角色其他CLASS都會買)
BTW, 如果三一都可以做到三機互變, 可玩性將會十分高

正因為有愛還原度既玩家, 愛可玩性既玩家, 所以模型版TF出現了

saihttam

對, 都有可能是先入為主吧, 三一出個時就已經係覺得玩具係"無可能"做到>70%還原..無記錯, 佢個時好似skip 埋變形個step 係三隻野"撞埋"就算. 相反TF 係一開始既賣點就係變形! 變形過程連動畫都畫埋出黎....咁好難叫人無expectation je......

kirin小黑

變形金剛唔要變形，即係一隻金剛:66:

fire526438

一直認為真三一唔識變形:30:(無睇動畫)
變形金剛 賣點係識變形 可能受電視影響

呂品器

真心請教；變型金剛個設計，原來實體係唔work架？

P.S.  超時空要塞VF-1當年都以為係唔work，但前幾年出左1/60 version 2，證明係得既

P.P.S.  三一要完全變型，要泥膠造至得:(

Demon

三一嘅變形係「超現實」設定，玩具做唔倒我地唔會怪生產商。但係變形金剛設定通常係現實化，做倒變形難度一D都唔高，that's the main point!

Karaku

真心請教；變型金剛個設計，原來實體係唔work架？

P.S.  超時空要塞VF-1當年都以為係唔work，但前幾年出 ...
呂品器 發表於 2011-6-16 08:22 AM

首先唔好講話機械人形態住,
喺變形金剛電影第一集裡面,
淨係睇舊"能量火種"...都可以話到比我地聽啦......:$
咁變法.....就算實物用得到呢個方法變出黎,
都已經唔再係一個"試試正正"既正方形了

如果唔係,點解電影版既變形金剛玩具,就算係同一個角色,
但係每款都要係唔同設計,唔同變法丫.....
喺套戲裡面,已經變過比全世界人睇啦,點解出玩具仲要重新設計過呢?:42:
唔做番同電影裡面一模一樣既變形?

weio_o

half eye的三一就可以完全变形,不过超贵~

804zaku

看返三一的合體，有自我再生，玩具做唔到，仲有佢的變形不是一般物理的變形
一早已經有心理準備玩具變唔到形

變形金剛，一開始就 sell 變形，唔可以變形就好似少左 d 野咁
同意樓主其實不可變形外型靚仔很多
所以一早已經入左隻不可變的電視版柯生....呵呵呵....

人仔貓

唔係丫，起碼我就絕對讚同忠實重現 Robot-mode 才是TF玩具首要考慮的重點~!

更覺得一直以來TF大部份玩具設計為了似 machine-mode 而犧牲 robot-mode 非常有問題......

http://www.toysdaily.com/discuz/thread-148341-2-1.html

jazz4004

三一嘅變形係「超現實」設定，玩具做唔倒我地唔會怪生產商。但係變形金剛設定通常係現實化，做倒變形 ...
Demon 發表於 16-6-2011 08:48 AM

    電影版bo,,,,

ckchan123

三一萬能俠出生比較早, 果個年代動畫設計, 諗到 "變型" 呢個概念已經好先進, 但冇諗過點樣去變........要到較後期既 超力電磁俠, 設計果時已經諗埋點變~

變型金剛生於八十年代, 機體設定已經做得較完善, 設計果時起碼有七八成真實感~~

其實如果你睇過第一集變型金剛動畫 (only 第一集), 大黃蜂係佢地個星球上, 變出黎都唔係一個甲蟲車, 都係亂黎 XD

804zaku

首先唔好講話機械人形態住,
喺變形金剛電影第一集裡面,
淨係睇舊"能量火種"...都可以話到比我地聽 ...
Karaku 發表於 2011-6-16 09:05

電影版的變形架構太複雜，有點非真實變形，
當時一看就諗到玩具做唔到太複雜的野，
就是勉強做到又會很貴，未必物有所值