大家覺吾覺得HOTTOYS 質數下降中(請認真想一想)

sunnychu

回復 90# WACOM

超合金魂因為有部份價錢都跟HT玩具相約，所以先會係拎出黎做一個對比，
之於佢出得好唔好，都唔係一個重點，因為佢地出左個版之後，而要去對個倒模作出修改，依方面即是增加成本，減少利潤，所以你地點討論都好，佢地都係唔會改。

至於mark II開價是否太高，老實講mark II個價我覺得唔算高，單以parts黎計，就以經比mark VI多，再加埋通脹問題，一D都唔過份，
而Mark II條腰ge問題，HT應該會係有少少原因，所以先至決定唔加返機關入去。

至於Mark II開發成本算唔算高，
第一，HT要重新買過隻Mark II版權返黎，另外重有人工同物料（以我所知HT Figures版權係逐隻咁買返黎）
第二，Mark II基本上半胸，大腿，雙手都係重新設計過，咁就即係要重新製模啦
如果咁樣計，跟重新造過隻Figures係無嘜分別喎

藝術品，裝飾品，或者是收藏品，的確就係等同成人之玩具，而HT 12吋Figures正正就是以成人為方向的玩具，用依三個名詞黎型容HT 12吋Figures都不為過。

追求更好的確唔係加左價先開始，而係跟本就係人ge天性，每個人讀書個時，屋企人都會要求你得到更好的成續，所以無話過有問題，至於將個追求放係物質身上，就會係同個成本掛鉤，變成直接有關係。
就好似你出去食飯，飯餐跟杯熱飲，但你又想要凍飲喎，可以呀，加2蚊囉。
反而依家HT個版就出左，你又想買，又想佢改模，又想佢進步，但係就唔想佢加價喎，
咁樣玩家ge要求，咪即係變左奢求囉。

就以雷神黎講，HT一直都無話會作出嘜野修改，就連個石柱地台都無講過話跟埋比玩家，
但係到出貨個時，有幾個地方都有作出修改，另外重送多個石柱地台比玩家，夠晒驚喜啦，唔好理佢個石柱地台有無用先，就係依點就知道HT出Figures的確係有Heart。

sunnychu

回復 93# WACOM

Mark II，下半部手係Mark III BD,但上半部手因為係可以見到內部，所以唔係舊件，即係要制模，而Mark 1的確係最為復雜，但係要做到可以分拆出黎，即係話一個部位要做最少2個模，單計模板，大家都係差唔多。

機關方面，唔係話解唔解決到（因為出新Mark II之前就已經有WM同Mark 4,6都做左出黎），反而可能係成本問題。
另外要做到可活動腰，即係話只係個腰位就已經要最少2個模啦，所以咪又係成本問題。

至於雷神：睇返HT係FB以前公佈D料資，真係無講過話條腰甲會分件喎。

如果比我選，我一樣都係想個人偶造好D，但係HT就送多個石柱，所以點都好過嘜野都無啦

真心討論，不是罵戰，敬請原諒.........:handshake:  
都係個句，只要開心就得啦∼

thiam

我个人对HT的看法：
官圖 ：90分靚 / 80分似
實物 ：75分靚 / 65分似
現貨 ：60分靚 / 50分似

跳跳虎

從Bruce, Thor, Reeve, Mila這四隻對H記的頭雕功力大打折扣, 其實我還是不認H記的產品會太差, 但是M記下半年 ...
零度戰姬 發表於 30-5-2011 02:45 AM

好同意師兄的講法，金錢有限，又有太多產品，剛o岩M記有幾款拉打有興趣，便少買了

HT貨，連johnny都唔訂囉。:60: