獨立創作短片分享

電擊小伙子

小弟係依到同咁多位作一個小小既分享
以下既一部短片 係小弟同一班fd所製作既動作短片
片名係 Non Human 分為第1同2集
以下係non human2 既內容簡介
本劇Non Human 2承接上集Non Human繼續以人生意義作為全劇主題,上集講述主角秦伯斯因為對人生既探求及家人下落等既種種原因被迫加入NonHuman,
一年過後,佢開始發現就算生活方式改變左,但係人生意義呢個問題佢都係未搵到答案,加上下落不名既哥哥(Killer),令佢終於向組織提問,而得知到組織為左完成佢哥哥既心願被迫令主角成為殺手,當中最大既原因係Zive(Killer既敵人)已經搵到主角,而用呢一種手段保護主角,但係佢哥哥則仍然下落不明,
另一方面,Killer得知消息後想番番組織解決佢所留低既問題,可惜呢個時候一位組織內既成員成為內奸將另一個組織成員殺害,使Zive得以先下手為強,Killer為左解決問題不惜番番以前既生活,而主角則一直被蒙在鼓裡,直到哥哥死既一刻先發現Killer為左將尋找答案既機會留俾自己,亦明白到到底咩叫人生意義
NonHuman2 part1
http://www.youtube.com/watch?v=j7Zg4AXk2ho&feature=channel_video_title
NonHuman2 part2
http://www.youtube.com/watch?v=pBHhJ79EOA0&feature=relmfu
(如果想更清楚咁了解nonhuman整個既故事結構同內容都可以睇返nonhuman1 但係由於兩集製作既時間有成1年之差 所以會係影片整體既質素上有一定差距)
NonHuman 1 part 1
http://www.youtube.com/watch?v=n8En__7sJE4&feature=channel_video_title
NonHuman 1 part 2
http://www.youtube.com/watch?v=X1uqc1z4vyw&feature=channel_video_title

nonhuman 絕對係我地製作團隊最大既心血
最後係到多謝咁多位大大花時間去觀賞我地既作品 有任何意見及評價都歡迎提出
等我地可以係將來既創作中有更佳既表現

Fredsan

犀利犀利…！有冇拎去參賽？

原罪

……
唔係唔好…不過好多瑕疵…
暫時只睇左第一話。
見到用左好多心機…不過做觀眾係唔會理你俾左幾多心機。
只有好睇唔好睇。

戲演得唔夠好，唔係專業既話。應該試下搵人幫手，好多人發明星夢，搵人出鏡其實未必咁難，唔好浪費個故事。
（當然睇你地想攪到幾認真…）
道具同造型…
你退彈夾那幕，可以唔好退哂，退一半…就唔會影到個bb彈入口。
造型…可唔可以剃左d汗毛？定係想似時下既學生？所以咁既樣？
殺手訓練…個掌上壓既動作錯哂…
你地動作場面其實做得幾好。對打算係咁。無動作指導，算係咁。
最後個軍火商…被割頸的話…太少血啦…

同埋可以剪得緊湊d…有少少太長，睇得有d唔耐煩。
但見你地咁好心機…想睇埋你地做到幾認真。

加油啦。個故事可以寫得好d。
製作可以再認真d。
你地都俾左咁多心機，做好d去參加IFVA啦！

電擊小伙子

……
唔係唔好…不過好多瑕疵…
暫時只睇左第一話。
見到用左好多心機…不過做觀眾係唔會理你俾左幾多心 ...
原罪 發表於 19-5-2011 01:16 AM

多謝師兄肯花心機打咁詳細既意見:43:
師兄係你講既做觀眾係唔會理你俾左幾多心機。
只有好睇唔好睇。
係拍完第一集既時候我地已經感受到= =
但係你話搵幫手個到就真係唔得啦 因為其實係學生創作代學校參賽
參加左第五屆香港學界電影節( NON HUMAN1)
拎左
---最佳影片(劇情) 銀獎
---最佳劇本 銀獎
---最佳製作 銀獎
師兄講既好多動作同道具上既問題
我地都係NON HUMAN1 完左之後都覺得要好好咁改下
動作方面 係1既時候成班懶 去到先諗 攪到好HEA
訓練個掌上壓自己睇返都:30:
道具係2既時候就花左多D 心思
動作場面係2既時候就會係搵場時候 我地幕後個班會係個到諗好先
再係D 人去拍之前 叫佢地出黎排下D 動作先出去正式拍
血個到其實我地係用紅藥水(NONHUMAN 1
之後發現好難洗 D 色又唔係好似
之後2既時候就轉左用食用色素
由於係1既時候有左ED 經驗
所以第2集就預多左好多時間去計劃
希望可以再做好D
NON HUMAN2 係參加今年既學界電影節
如果原罪大大得閒既話 希望你都可以睇睇NON HUMAN2
不過真係好難得有師兄會比咁多評價 直頭係冇= =

原罪

多謝師兄肯花心機打咁詳細既意見
師兄係你講既做觀眾係唔會理你俾左幾多心機。
只有好睇唔好睇。
...
電擊小伙子 發表於 19-5-2011 02:13 AM

    :77:恭喜你地得獎。
我睇完2再傾啦。
你地唔介意人彈就得…呵~:34:

加油呀！

電擊小伙子

恭喜你地得獎。
我睇完2再傾啦。
你地唔介意人彈就得…呵~

加油呀！
原罪 發表於 19-5-2011 02:36 AM

先感謝:61:
只有讚既評價唔會係好既意見
會搵到唔好既地方同我地講 姐係師兄真係認真咁去睇
當然唔會介意:)

原罪

先感謝
只有讚既評價唔會係好既意見
會搵到唔好既地方同我地講 姐係師兄真係認真咁去睇
當然唔會 ...
電擊小伙子 發表於 19-5-2011 02:42 AM

    收到pm未？

原罪

第一話最大犯駁…失蹤保險公司點會賠支票…
要失蹤好耐…先有機會當死左…

電擊小伙子

第一話最大犯駁…失蹤保險公司點會賠支票…
要失蹤好耐…先有機會當死左…
原罪 發表於 19-5-2011 02:46 AM

    E個真係唔知道:@

原罪

小弟睇左第二集啦…

我諗小弟以下既回覆…你要做好心理準備先睇。





第二集唔得！
呢個係我睇完第二集既第一感覺。
先唔講劇本上既犯駁，令人困惑，或者矛盾處。
你地今次最失敗，係講唔好一個故事。
特技，音效，鏡頭運用，燈光…都技巧成熟過上集。

但最大敗筆，係令人睇唔明。我已經睇左第一集做功課，我都睇唔係好明。
點解？
1.因為你地剪得太散。影下呢個人，轉頭又影另一個…最大鑊，係個個人都造型（邊個係主角？泰伯斯出過幾多次鏡？）
都差唔多，特別係敵方，你地人物又多…仲要成日唔影樣…影槍…你地想點？
2.你地知唔知咩係反鏡？你地用得差。例如有人係左邊入鏡…轉頭另一人又係左邊入鏡…睇得人好亂。（我講得唔夠清楚…你地搵書睇下啦。）

連睇都難明…你個故事想講咩都已經辛苦觀眾啦…觀眾仲點有心機睇落去？
今集就係空有特技…但連你地既心機都變得簿弱…
睇第一集反而覺得你地好認真，用有限資本去想做好件事。

第二集…睇完我唔知你地想點…如果你地剩係想賣弄拍攝技巧…
都只可以話唔合格。
可取既只有特效進步左…無啦。

唔好意思，如果講得太直接傷害到你，我只能講聲唔好意思。
但我睇完第二集真係好失望…

psw

:( 我剛剛睇左第一集part 1 ,
個故事比我感覺有啲似岸本聖史嘅燃燒驅動……
點都好,絕對支持大大繼續努力創作!

電擊小伙子

小弟睇左第二集啦…

我諗小弟以下既回覆…你要做好心理準備先睇。





第二集唔得！
呢個係我睇 ...
原罪 發表於 20-5-2011 02:14 AM

唔緊要 個個人都有唔同既意見
叫得人評價都預左 令你失望真係抱歉
其實鏡頭方面我真係唔識答太多
因為我唔係做拍同剪個個啦
亂E個問題有唔少人講過
咁我諗我地最大既問題就真係在於我地既表達唔夠清晰
一來由於係比賽 時間係唔可以過20分鐘
加上我地個劇本比起上一集真係複雜好多好多 有好多既地方根本唔夠位做出黎
所以畫面會亂 詳細真係唔知答唔答到你 (遲下問導演
基本上應該係第一集既故事簡單同直好多(雖然都有人唔明
你話既敵方係指ZIVE? 如果係指個班僱傭兵
唔影樣其實係有原因 首先演員真係好少好少
有角色既角色都要扮僱傭兵 怕會比人認出
(另外既我再問下導演再答清楚D )
可能真係會辛苦觀眾 就如你所講觀眾只會有好睇同唔好睇
你話賣弄拍攝同EFFECT 技巧就唔敢當
身為一條動作片 我地都會想係打既方面加強D 個視覺效果  
咁個D 都係識幾多拎幾多出黎姐
不過有一點我自己想分享下 唔係借口來的
心機變薄弱E一點就唔太認同 今次放既心機絕對比上一集大
可能你會因為個故事既唔清晰以覺得我地唔比心機 實際上我地比上一集放多左既功夫係唔少
你覺得我地第一集認真 第2集我地更認真
去用同第一集相同既資本 做比第一集更多既事
因為今次係最後一年 我地成TEAM人都想搏盡佢
花更多時間 花更多既功夫
E一件事我地一路都想做好 由第1集去到第2集都係一成不變
其實小弟唔係主打玩拍片 只係幫下朋友手  一齊玩下咁 (E一個係我拍第一集時候既心態
但係到左第2集 我學到 自己花幾多心機 認唔認真對代件事 個結果都會唔同
拍片往往睇落去好似好簡單 事實上到左你自己親身經歷過
就會知道你認為簡單 咁只係你唔知道佢有幾難
咁ED 都係少少分享 (唔鍾意既可以無視@@
最後都講返句多謝先
冇咩人會咁認真對待我地拍既野

電擊小伙子

我剛剛睇左第一集part 1 ,
個故事比我感覺有啲似岸本聖史嘅燃燒驅動……
點都好,絕對支持 ...
psw 發表於 20-5-2011 02:41 AM

    THX :D
套野好唔好睇架:^

原罪

唔緊要 個個人都有唔同既意見
叫得人評價都預左 令你失望真係抱歉
其實鏡頭方面我真係唔識答太多
因為 ...
電擊小伙子 發表於 20-5-2011 06:07 AM

    純個人意見啦…
其實…你可以咁諗，網上流行一個規律，叫「認真你就輸了」…
你地段片，可以令小弟認真睇哂，同認真回覆，你地其實贏左，:77:

好，再認真講多少少。
可能小弟表達得唔好，我講你地心機簿弱左…

係講緊，如果就咁睇，進步既只係特技同拍攝手法呢d表面野。（當然可以研究得唔表面啦。）
但對於觀眾明唔明，點樣講故事…呢d我睇唔到進步…

而你地今集劇本點複雜，同得20分鐘…
呢d先似借口。

唔可以係20分鐘交代咁多野，咪改劇本或者諗下點表達羅。
唔係放哂d材料落去等人明掛？唔明問返你地？
你去戲院睇完戲唔明…搵邊個問？問吳宇森？

我講緊敵方既表達有問題，小弟都睇得出你地係同一班人用唔同造型以做出更多人。
但小弟講既問題。
係我睇唔明「己方」同「敵方」總人數，邊個係「秦柏斯」？

第一集，小弟都仲講得出，一班殺手羅，佢地個個用咩er做名。
敵方就軍火商，佢大概有三個手下。

今次…我睇完係唔知有幾多人拍既…敵方唔知，己方都唔知…
佢阿哥幾時加入混戰唔知…
主角係最後打鬥到去左邊唔知？
佢點解走左唔知…
邊個反左組織唔知…

你試下將呢條片俾唔識你成班既朋友睇下，就知小弟講緊咩。
我咁得閒打咁大段野唔係想打擊你地自信或者扮野，小弟咩都唔係。
i am noting，唔係咩人物。

但你地咁好心機，又組到隊。（組到一班有心人，拍膊頭拍片係好難架。）第一集拍得有文有路，雖然有d沙石。
所以我先對第二集有期望。
第二集見到特效同攝影有進步，諗住正啦…點知…

如果小弟用一句，學生作品，「將就將就」啦。
你地會唔會高興？

小弟不滿既係浪費…你地咁有心…仲多左經驗…點解攪成咁？
你地下次拍之前，試下畫「分鏡圖」（火柴人都得架。）
，咁樣就會易d知拍出黎既效果，攝影師、演員都易明d。
如果你地自己都睇唔明…好難期待觀眾會明。

你地加油啦！你地既熱誠，唔好俾幾句評價打擊到。

龍珠FanＳ

好好睇 :71: