Hot Toys 主 腦 ： 做 Figure 要 夠 癲 !!

Gretzky99

12吋Figure正面點看，是大人玩具，是裝飾品甚至是收藏品；然而負面看卻是「唔等使」、「浪費金錢」的代名詞。由細被阿媽鬧到大的Hot Toys創辦人及CEO Howard（陳浩斌）卻不以為然，別人笑他太瘋癲，他卻笑他人看不穿：「做Figure要夠癲，才做得好！」





現在他已是千萬玩具王國的掌舵人，作品由香港衝到日本及歐美等地，就連荷里活巨星Jack Nicholson也向他批出肖像權。原來玩具都可以為港爭光。

作品打入日本市場
12吋Figure正面點看，是大人玩具，是裝飾品甚至是收藏品；然而負面看卻是「唔等使」、「浪費金錢」的代名詞。由細被阿媽鬧到大的Hot Toys創辦人及CEO Howard（陳浩斌）卻不以為然，別人笑他太瘋癲，他卻笑他人看不穿：「做Figure要夠癲，才做得好！」現在他已是千萬玩具王國的掌舵人，作品由香港衝到日本及歐美等地，就連荷里活巨星Jack Nicholson也向他批出肖像權。原來玩具都可以為港爭光。



Howard最愛《Star Wars》，可惜版權一早批予孩之寶。


首件DIY作品《Navy SEALs》賣出2,000套。


DIY賺第一桶金
千萬王國源自一個「玩」字，Howard說他的第一個玩具是小露寶，其後再儲高達、G.I.Joe、鐵甲萬能俠，當中又以《Star Wars》最為瘋狂，時至今日收藏品已過千件。「儲玩具是欲望無限，金錢有限。我試過為買一個G.I.Joe而問同學借錢，買完仲要冇錢返屋企。阿媽嗰陣成日鬧玩具唔等使，我就推說是用來賣的。」


黃家駒是少數Hot Toys製作的本地明星Figure。


Howard是Sci-Fi迷，不但公司擺滿鐵血戰士模型，更請專人雕製電影Figure。


為求逼真，頭雕雕上6、7次視作等閒。


Howard特別將兩部波子機放在公司讓員工玩。


他可沒有說謊，當買到山窮水盡，他就會把油好的北斗之拳首辦賣給同學，再拿來購買新玩具，而講到轉捩點，就要提軍事Figure。「那年頭興玩Action Figure，但衣服水準好低，我就試吓自己造衫和配件，甚至上網Bid個真降落傘依比例來做，最後估唔到手作仔都能賣出2,000套。」配件大賣，他就索性投資出Figure，第一個作品「飛機師」售$688，結果大賣5,000套，成就了Hot Toys第一桶金。


80年代《帝國反擊戰》上映時購買的舊版Figure，雖表面已發黃，但包裝被視為經典。


adidas為賞金獵人Boba Fett推出別注版波鞋ZX 800。Howard為怕弄污，至今只着過一次。


Howard愛看電影的「Making of」，個人收藏了過千本，他說對創作甚有幫助。



帶領同業進步
或許成功太容易，之後的路才顯得崎嶇不平。「雖然軍事Figure助我們打響名堂，但那時已屬水尾，即使後來跟Eric So、鐵人兄弟等合作出Figure，出路始終太窄。」可能是讀電影出身，有一天Howard發覺電影Figure或許大有可為。「外國電影公司覺得玩具係低能嘢，傾版權常吃閉門羹。最後經日本朋友搭路，才傾到《AVP》回來做！」就是憑異形及鐵血戰士兩隻怪物，公司開展了Movie Masterpiece生產線，目下已有過百隻作品。

成功除因為出貨準時，「真」亦是主因。「傳統玩具公司要計過度過，但我以至整個團隊都是癲的。為求逼真我們可以一個頭雕上6、7次，不惜工本地造出來。」結果一個「真」字，引來《阿凡達》電影公司親自敲門，也令從不批玩具肖像權的Jack Nicholson首肯讓其製作小丑Figure。「我們的進步，也推動了整個行業發展，你睇依家啲Figure靚幾多就知啦！」

過千件星戰珍品
《Star Wars》對Howard影響至深。「整個電影由故事、服裝到人設都是劃時代。現在我不太儲玩具，惟有星戰會Keep住收藏，估計現在有過千件。」

最愛Sci-Fi電影
Howard讀電影出身，曾當過電視台編劇，對電影有很深的情意結。「我最愛Sci-Fi電影，背後的特技值得一看再看。」

寓工作於娛樂
工作時亦不忘娛樂，早前東京的10周年展便寓工作於旅遊。「日本有很多玩具情報，到當地交流可擴闊眼界。」

船頭尺

"現在我不太儲玩具"..佢就好,哈哈:34:

大舊金

:67:別人笑我太瘋癲，我笑他人看不穿

大舊金

:67:Howard~~~隻愛德華我好希望你從新去申請個版權後出dx！之前果隻個頭實在另好多粉絲失望

ilovetoys

我中意佢地夠癲... 但希望保持水準...:!

E神

我中意佢地夠癲... 但希望保持水準...
ilovetoys 發表於 16-2-2011 10:29 AM

Howard 先生,
咁成功,就唔該回饋下我地的支持者,
仲有,質量有問題,就請解決.

Figure fans 字

gekigoke

請改善QC問題

大舊金

Howard 先生,
咁成功,就唔該回饋下我地的支持者,
仲有,質量有問題,就請解決.

Figure fans 字
E神 發表於 16-2-2011 10:48

:(不如你試下叫你老細回饋下你先啦！睇下佢點答你！

E神

不如你試下叫你老細回饋下你先啦！睇下佢點答你！
大舊金 發表於 16-2-2011 10:59 AM

我地係佢顧客,唔係幫佢打工,係2回事…….:42:

jeffloh

有自己理想而且仲要實現再成功埋一d都唔易呢!

不過感覺ht近年來唔知係唔係發展得太快, production追唔上咁. 以前可能一個月先有1隻新figure pre-order, 依家可能一個月已經2-3隻, 生產無相應地提高, 即是以前平均一個工人做一隻依家要一個做3隻, 品質一定會下降. 希望ht可以keep住marketing進步同時個foundation都要加強呢!

蝦您波凸

佢就好啦, 儲齊哂4隻ROCKY SERIES:handshake:

deviljamie

別人笑你太瘋癲，我笑你D FIGURE無QC

買買買

回復 12# 蝦您波凸

個四隻洛奇同依家技術相比，差好遠，我已經放哂:34:！:57:等Rocky DX版！

E神

回復  蝦您波凸

個四隻洛奇同依家技術相比，差好遠，我已經放哂！等Rocky DX版！
買買買 發表於 16-2-2011 02:26 PM

    我都好想佢出:handshake: