|
本帖最後由 Rambo 於 4-1-2011 08:57 PM 編輯
舊年年尾啱啱幫襯開兩間公司嘅貨品,HT當然係我至愛嘅史龍Barney Ross,而Enterbay就係李小龍隻猛龍過江雕像!!
其實我都係第一次幫襯Enterbay,以佢嘅知名度,店鋪裝修及貨品售價,我估點都唔差得去邊,可惜到取貨的時候,真係勢估唔到,會比一個又殘又舊嘅盒我,我問有無個好啲,攞出黎仲衰過第一個,嗰時已經流咗滴汗,心想橫掂都唔係太想儲個盒,(太大)就算數了,那小姐再幫我攞隻嘢出黎叫我check,我心想又幾好人喎,諗住望望便走人,但最後我竟然選咗三隻先買得落手,唔係塊面痴"咩"咗就係隻眼痴到斗雞,每次位女店員都响閣樓攞隻剩公仔(無盒)落黎,攪到成枱都係李小龍,好似個工場咁,我覺得我好似响街邊檔買緊鞋咁.........我都唔好意思再選了,從中抽隻就是了,番到去又發現隻腳係插唔入啲窿度,又係痴錯位........不過我係度想讚一下那位女店員,她態度一直都很好,很幫忙,自問一向唔係完美主義嘅我到最後都攪成咁,相反响HT,今次係第8隻史龍了,從未出過事,今次直情望都唔望就攞走!!!番到去都係一如以往的大玩大讚,這兩次的經驗.給我完全不同嘅購買感覺,經這一次之後,我確實對Enterbay有很大的失望,因我之前確實期望很大,失望係指Enterbay對貨品的重視程度,買家希望每一件貨品都是完好,全新,QC有水準,這樣地從店舖開心的拿回家中!!!到下一位買家時,又可能跟我一樣揸住一大堆响度"簡",完全唔係我當初所想,亦係我最唔鍾意做嘅,頓覺Enterbay要做到HT般的質數,真係仲有一段時間,希望Enterbay要更加倍努力,令我重新改觀啦!!! |
發表於 4-1-2011 20:55:18
發表於 4-1-2011 23:52:26
