蘇絲黃的世界．香港．1960

太陽之牙

《蘇絲黃的世界 (The World of Suzie Wong)》是英國作家李察梅臣(Richard Mason)在1957年付梓的愛情小說，
講述英國畫家遠赴香港尋找自我，邂逅灣仔吧女蘇絲黃，譜出一闕超越國籍、種族、階級與及年齡的戀歌。
小說情節並非真人真事，純屬創作，不過作者在執筆前確實有到過香港的風月場所親身取材。
韓戰爆發後，香港因地利之宜成為美軍的渡假尋歡聖地，酒吧業極之蓬勃，尤以灣仔沿岸一帶為甚，此地方特色保留至今。

《蘇絲黃的世界》在1960年被荷李活拍成電影，於香港實地取景，六十年代殖民地的美麗風光得以保存在菲林之內：


尖沙咀天星碼頭。丹拿A型巴士、舊火車總站…俱往矣，現在就連天星碼頭巴士總站也面臨遷拆。


維港渡輪上所見的中上環沿海景色。


風華正茂的中環天星碼頭鐘樓，那時怎會想到自己的下場？


男主角登陸港島。身後應該是現今怡和大廈的所在位置。


背景可見舊中環郵政總局。如此宏偉典雅的歷史建築竟會被拆卸，令人心痛惋惜。






六十年代的中環充滿古典歐陸風情，十分迷人。


灣仔某電車路旁的戰前唐樓群，現在無一生還了。


鵝頸橋舊市集。蛇王X會這樣展示貨品嗎？明顯是鬼佬導演刻意賣弄東方獵奇。






荷李活道及樓梯街交界，樓梯盡頭的中華基督教青年會大樓竟沒被拆卸起豪宅，奇蹟！


戲中男主角就是在圖中的「南國大酒店」投宿，現實中《蘇絲黃的世界》作者在港時是入住當年填海前灣仔海旁的「六國飯店」。


「南國大酒店」天台，在女主角旁邊可見上圖「半楓荷葯酒」牆身廣告。


經典名場面之一，主角在天台眺望維港及九龍半島景色。沒有高樓大廈屏蔽的香港。


油麻地榕樹頭。背景的美都餐室在五十年後外觀難得沒有很大的改變。


灣仔莊士敦道及李節街交界，循道衛理中心前。行人路旁的灰色電箱(？)今日仍在原地迄立。


旺角彌敦道夜景，可以看到「域多利戲院」的霓虹招牌。



電影《蘇絲黃的世界》中飾演女主角Suzie WONG的關南施 (Nancy KWAN)，中英混血兒，
中國人父親是劍橋畢業的建築師，英國人母親為職業時裝模特兒，家庭背境良好。
關南施在瑪利諾修院學校畢業，其後赴笈倫敦英國皇家芭蕾舞蹈學院，優雅高貴氣質渾然天成。
漂亮的臉孔、烏黑的長髮、緊身的旗袍、婀娜的身軀…「蘇絲黃」的形象對當時西方觀眾的衝擊有多大可想而知，
影響之下，香港的酒吧女郎亦不得不紛紛改以此等造型作招徠。
可惜到了今天，提起「蘇絲黃」一般港人只會想到那位「蘇GOOD」的主持…


《The World of Suzie Wong》DVD


以上圖文來自小弟其中一篇網誌：

http://hk.myblog.yahoo.com/toothofthesun/article?mid=916

有空請來敝BLOG一逛… :64:

Tasuku

So Good~~~~~~~
咁有意思嘅介紹，:71:
點能夠唔睇！

點只係一套電影，仲紀錄咗我地哩代人未見過，香港以前嘅風貌。

WalkerMachine

"甜蜜蜜"中，黎小軍嘅姑媽成日話佢邂逅過荷李活男星"威廉荷頓"，就係指發生於荷頓來港拍此片嘅時間。

原罪

好post！咁有心機！不能不回！

Garycharm

好精彩，多謝大大用心貼圖。

小弟年紀大，好鍾意懷舊 post~~~

太陽之牙

還以為又是0回覆，幸好TD仍然有識貨之大大~ :$

正經用心POST在TD是冇乜人會回的。呢樹的會員質素高到呢… :80:

"甜蜜蜜"中，黎小軍嘅姑媽成日話佢邂逅過荷李活男星"威廉荷頓"，就係指發生於荷頓來港拍此片嘅 ...
WalkerMachine 發表於 2-11-2010 09:57 PM

正是~ :shiny:

小櫻

咪咁啦... :34:

班細路唔做... 未自己身先士卒開個頭先囉... :71:

記得當年讀社會學果陣... 阿「何良」好似話過啲鬼佬嚟香港就係睇喱啲又中又西嘅嘢... 家陣特府乜Q都拆晒... 就算所謂保留呀... 都無晒果種風味啦... 高樓大廈... 佢哋國家大把啦...

強帖留名...

小櫻上

原罪

咪咁啦...

班細路唔做... 未自己身先士卒開個頭先囉...

記得當年讀社會學果陣... 阿「何良 ...
小櫻 發表於 3-11-2010 01:31 AM

攪到度度都一樣。
就算有地方唔同…如果唔係自己物業…都可能無錢交租。
自己物業…家下既強拍條例…
深水步間麵廠就係例証！
多x謝哂呀政府…（好耐無用過德哥名句）

WalkerMachine

咪咁啦...

記得當年讀社會學果陣... 阿「何良」好似話過啲鬼佬嚟香港就係睇喱啲又中又西嘅嘢... 家陣特府乜Q都拆晒... 就算所謂保留呀... 都無晒果種風味啦... 高樓大廈... 佢哋國家大把啦...
小櫻 發表於 3-11-2010 01:31 AM

唉....已經講到口臭，新聞透視講過，鏗鏘集講過，你知我知，D官同D發展商点會唔知？只係佢地有更重要嘅使命，就係用屏風樓包圉香港，賺最多嘅利錢，喺香港死前送自己嘅後代離港。
喺我嘅認知入面，世界上絕大部份文明地方都係由愛惜自己國家嘅人管治，左傾政府也好，右傾也好，都正在用自己認為正確嘅方式領導著，就算唔係也要扮扮吧？！除咗香港。因為香港政府只雖向權貴負責，毋須向市民拉票。上樑不正，香港人亦越發對香港絕望。
住過法國十幾年，近年去過日本，呢種感覺就更強列。唔係話咩嘢都別人好，做日本人肯定幸苦過做香港人，但人家對自身文化嘅愛同堅持，實在叫人尊敬，及汗顏。

WalkerMachine

再回吓主題先，呢套戲小弟未睇過，但小時經常從爸媽口中聽過好多關於60年代灣仔酒吧區嘅故事。那時20歲的老爸是酒保，媽媽做收銀，見盡好多吧女嘅故事。例如，酒吧老細最鍾意係出糧嗰晚放工後開賭局，D吧女又忍唔到手，呢頭接過份糧，嗰頭又輸返俾老細...

大約15年前，同老媽回港旅行經過灣仔，剛巧路經她和老爹年輕時工作的洒吧，當時大約下午5時，鐵閘半拉開。我們探頭入去，有個老細模樣的青年老外正在打點，I told him that my mum used to work here 30 years ago ! 佢想請我地入去坐但怕醜的老媽耍手擰頭拉我走了。事後佢話間吧冇乜點變呢！！

Toro

好難得既post呀！
我好想睇香港舊風景，大大，邊度可以買到呢張dvd?

太歲

還以為又是0回覆，幸好TD仍然有識貨之大大~  

正經用心POST在TD是冇乜人會回的。呢樹的會員質素高到呢 ...
太陽之牙 發表於 3-11-2010 12:41 AM

   太陽之牙兄~ 咪傻啦~呢個咁正既post又點會零回覆~
呢套蘇絲黃的世界的確係一套經典電影，
對我地黎講除左故事本身所講既種族、階級戀愛之外，
可以從電影裡面睇到香港60年代係有好多好特別既建築，
係一個真正夾雜中西文化既地方~不過家陣就.............
不過講起蘇絲黃呢個人記憶中好似聽過好幾個上幾代既人講過灣仔酒吧舞少姐裡面真係有呢個人存在過，
不過最後係痴左既。
仲話套戲係取材自呢件事。
係真係假就無考究過~
因為聽既時候都自已仲係細路。
你個係一個好post~
又詳細又有圖同介紹~
真係要讚~~好！:71:

Toro

咪咁啦...

班細路唔做... 未自己身先士卒開個頭先囉...

記得當年讀社會學果陣... 阿「何良 ...
小櫻 發表於 3-11-2010 01:31 AM

外國好太多了，佢地唔止保留有紀念價值既地方，就算一定要拆舊建築，原址新興建既建築物，都會跟原區風格一置，呢D唔只係對下一代負責任，仲係一種美學，唔係下下向錢看，起幾百層高屏風樓，影響氣候、搞衰景觀、更壞了風水。

太歲

再回吓主題先，呢套戲小弟未睇過，但小時經常從爸媽口中聽過好多關於60年代灣仔酒吧區嘅故事。 ...
WalkerMachine 發表於 3-11-2010 02:34 AM

    快D叫世伯伯母講多D當年既野返黎出post講~
呢D係活活既歷史黎。
唔講就無人知香港以前係點架喇~

Toro

唉....已經講到口臭，新聞透視講過，鏗鏘集講過，你知我知，D官同D發展商点會唔知？只係佢地有更重 ...
WalkerMachine 發表於 3-11-2010 02:11 AM

係呀，好無根，冇認同感、冇歸屬感，試問下一代點會再愛惜呢個地方呢，絕望啦！