|
本帖最後由 太歲 於 27-10-2010 11:58 PM 編輯
★我會努力搵一D 特別既資訊，post多D唔同既有趣post介紹比大家~~希望你地鐘意。我只係想同大家講--- post並唔係咁出既!! ★
1962年風速高達133公里的<溫黛>
超強颱風「鮎魚」中心風力時速達到220公里。到底佢有幾利害呢？
颱風<溫黛>係從我老媽子口中聽返黎，
只係知道當時死左好多人。
亦有好多籌款好多災民同死好多人，一個資訊唔太發達既年代<收音機係王道既年代>，
1962年<溫黛>由於50年前唔係咁多人有相機亦無海低隧道交通唔方便，所以搵到既相片唔係好多。
咁樣~到低呢個只有「鮎魚」六成風力既<溫黛>破壞力有幾大呢？
破壞力唔會因係年代唔同就唔會出現或者細左，
因為我地有個風力計算方法，
即係有呢個風力就會做到呢個程度既破壞力。
咁大家比D想象~
如果~
一個1962年襲港期間天文台測得每小時平均風速高達133公里既<溫黛>可以去到咁既破壞力，
今日勁佢一陪中心風力時速達到220公里既「鮎魚」吹到黎會點呢？<中環的IFC國金二、三期。兩座大廈能抵受風力最多為時速200公里>
因為大家都無乜點睇過真正既颱風入到市區既資料唔知原來會咁恐怖，
所以會有 ~為放一日假希望天災降臨自已身上~呢種諗法，
當我第一次睇到D相時先知原來颱風係可以係市區裡面有咁既破壞力，
就好似睇緊電影2012既真實版一樣。
係屋入面都未必代表係安全。
下面係當年溫黛既資料同圖片。
<呢個post搞左我三個鐘。>
風力計算
中心最高風速（公里 / 小時）
颱風 >118 - 149
強颱風 >150 - 184
超強颱風 >185 或以上
同龍捲風中心風力比較：
F-0 和F-1弱龍捲 - <１８０公里
F-2 至F-3強龍捲 - １８０-３３２公里
F-4 和F-5猛烈龍捲 - 最高約５１１公里（F-5）
時速達到220公里既「鮎魚」已達F-2強龍捲威力中環的IFC國金二、三期。兩座大廈能抵受風力最多為時速200公里>
颱風<溫黛>
颱風<溫黛>是二戰以後襲港最強的颱風. <溫黛>於1962年訪港, 襲港時分別創下香港戰後最低氣壓、最高每小時平均及最高陣風的風速等紀錄. <溫黛>在香港所造成的傷亡是二戰之後所有風災中最嚴重的一次, 共計130人死亡, 53人失踪. “<溫黛>絕對可說是香港近代史上破壞力最大的颱風, 相信也是50後的香港人的集體回憶.
1962年<溫黛>襲港時間及情況
8月30日
<溫黛>中心風力增強至每小時約148公里，其中心在香港東南東740公里，
19:45皇家香港天文台於懸掛一號戒備信號。
8月31日
09:00，<溫黛>集結在香港東南東約290公里之中國南海上，並繼續穩定以時速接近19公里向西北西至西移動。香港亦開始轉吹北風和下雨。
16:10，香港天文台改掛三號強風信號。當天下午，香港仍然未吹強風，但各跡象顯示颱風將進一步接近香港。
22:50，香港天文台改掛七號東北烈風或暴風信號。
9月1日
02:00 ，<溫黛>集結在香港東南約190公里。位於香港東南之橫瀾島氣象站此時測得烈風，陣風時速達99英里。
04:15 ，天文台改掛 九號烈風或暴風風力增強信號。維多利亞港內的風力仍然只在強風程度，但橫瀾島風力已加強至持續每小時74海哩，陣風約每小時206公里。
06:15，<溫黛>中心位於香港天文台東南約90公里，並進一步接近香港。天文台於此時改掛十號颶風信號，由於當天早上香港正值天文大潮，天文台並同時發出風暴潮警告。
09:00，<溫黛>在香港境內東部水面，香港普遍吹颶風。橫瀾島測得陣風為每小時216公里，大老山為每小時284公里；天文台則在09:30測得10分鐘平均風速為每小時150公里，陣風每小時259公里，氣壓為953.2百帕斯卡。<溫黛>最接近香港是09:50，中心位於天文台以南約19公里。
10:30 ，吐露港出現風暴潮，加上海浪，水位比正常最高潮位再高多3米，達5.2米。在大埔滘，風暴潮的浪頂為海平面以上7米。
11:00，<溫黛>風眼移至長洲附近，風眼經過時部份地方出短暫風勢平靜；之後各地轉吹東南風。
14:15，天文台改掛6號烈風或暴風訊號，表示轉吹西南烈風。
19:05，天文台改掛3號強風訊號，
9月2日
00:45，除下所有風球。
由8月31日至9月2日，香港共測得259.8毫米雨量。
<溫黛>離開香港後，穿越珠江口，在9月1日下午於新會與中山之間登陸。
影響及傷亡
據有關當局事後統計，共有183人在<溫黛>襲港期間死亡，當中127人是在新界沙田及大埔區受吐露港風暴潮襲擊時身亡。
另受傷人數達388人，亦有108人失蹤，72,000人無家可歸。
700多艘小艇嚴重受損，500多艘沉沒。24艘遠洋船擱淺，12艘出現碰撞。
新界農作物損失嚴重，沙田及大埔約869頃農田被海水淹浸，沙田約有3,000家木屋損毀，市區內的木屋區，與及避風塘內的住家艇亦有大量損毀。
特點
<溫黛>雖然是一個大型颱風，但近中心的強烈風圈範圍較小且緊密，導致風速變化劇烈。如以天文台總部為例，在半夜後才開始吹強風，但在清晨時分已吹烈風，並在十號颶風信號懸掛不久後便由烈風風力急增至颶風風力，颶風消退時風速轉變亦極為迅速，由颶風迅速減弱至烈風風力，過程中暴風出現的過渡時間極短。而<溫黛>是少有的颱風眼壁及風眼邊緣均曾經過天文台總部上空，在測得颶風期間曾短暫出現明顯的風勢減弱現象。
襲港紀錄
<溫黛>是一個中心風力緊密的颱風，襲港期間創下以下的香港氣象紀錄，並保持至今：
* 紀錄以來最低海平面氣壓：944百帕斯卡（中心最近距橫瀾島10公里時測得）
* 紀錄以來天文台總部最高陣風：每小時259公里
* 紀錄以來最高天文台一小時平均風速：每小時72海哩/每小時133公里（一說每小時68海哩,只是因為用整點時間計算風力,七十年代末則重新計算過非整點的最高一小時平均值,得出的72海哩/每小時,故實際比1896年的每小時69海哩為高）
* 二次大戰後維多利亞港內最高風速：大老山，陣風154海哩（約每小時284公里），一小時平均每小時102海哩（約每小時189公里），十分鐘平均每小時105海哩（約每小時194公里）
香港電台所製作的颱風溫黛的資料影片
>> http://www.youtube.com/watch?v=rj25ydAZEG0 <<
<溫黛>吹襲時的相片
由於當時唔係咁多人有相機所以我都唔係搵到好多相。
加上當時連海低隧道都無交通唔方便，相雖然影得唔多但我諗好多地方既情況其實都係一樣~
風速高達133公里既<溫黛>對馬路、氣車、船、都受到強烈既破壞，
郵輪咁大件野都可以吹斷、擱淺，打沉，
都唔知勁佢一陪中心風力時速達到220公里既「鮎魚」殺埋黎會點......
如果你係
為放一日假希望天災降臨自已身上
大概只係因為唔知道原來天災發生係香港時原來可以係咁，
下面既相就可以講比大家知真正既颱風入到市區就會變成咁.....<再睇多次呢個資料：「鮎魚」時速220公里，中環的IFC國金二、三期。兩座大廈能抵受風力最多為時速200公里>
<溫黛>吹襲時對街道破壞的情況<呢個情況都唔會係單一地方出現，我諗都有排清。唔知發生係今日有幾多人上唔到網呢？>
\
<唔知今日既氣車仲會唔會吹到返轉呢？係喎~好似清馬大橋都有風速限制過左幾多就唔比行橋面~我無車牌唔知~>
呢艘輪船沉沒於北角海傍
1962年天文臺仍是以人手掛風球, 所以民間對打風有”扯波”的說法
一艘中式漁船被颱風吹上馬路, 與路過的巴士形成甚為奇趣的對比<當魚船係可以可成隻吹起跌落馬路時，我諗如果今次勁一倍既「鮎魚」殺到埋黎，可能大廈牆有好多外掛部件會飛出黎~>
溫黛重創當時航空學校既飛機<睇完呢張圖我好明白一樣野，你屋企就算無野會被吹出去，但可能其他人屋企既野會吹入黎你屋企.....>
<呢D真係吹到霖晒，就算家下木屋唔多但D樓咁高D野吹落黎其實都一樣>
溫黛襲港後德輔道西滿目瘡痍<打風霖竹棚其實都唔奇，不過今日D住宅樓係五十層高...仲有成架小巴咁大既招牌...>
溫黛颱風將一艘漁船吹到沙田戲院前面.....<呢個大細既魚船都可以吹到上岸，唔知「鮎魚」會吹到我地窗口既冷氣機去左邊呢？>
香港島上環禧利街以南近永樂街一段在颱風後的水浸情況<「鮎魚」如果真係殺到，所有旺角既地庫商場唔知會變成點呢？>
吐露港沿海的一段九廣鐵路被颱風所引發的風暴潮破壞 <唔知清馬頂唔頂到「鮎魚」>
呢艘輪船抵受唔住巨風的襲擊而幾乎斷為兩截 <家下D樓全部咁高，到低高層D呂窗同玻璃幕牆頂唔頂到勁一倍.「鮎魚」？到低會唔會出現玻璃風瀑？>
巨輪都受不住巨風的吹襲而擱淺係沙灘<走左既「鮎魚」如果真係殺埋黎唔知機場既客機會吹到返轉？>
風災后太古船塢有多艘輪船進塢維修<今日既太古城係五十年前係一個船塢黎，呢樣野我諗真係唔係咁多人知。我都係聽屋企人講。聽D上幾代既人講佢地叫個笪地方做Dockyard唔係叫太古 >
1962年颱風溫黛過後一羣名伶於電台義唱籌款<今時日今日應該會有一大班人叫政府開倉>
災民因溫黛襲港而痛失家園, 災民排隊領取賑災飯充饑<香港係一個文明既地方>
<佢地當年真係會乜都無，今日政府會安排佢地上晒樓>
<特別嗚謝 ：hehemimi、 Lilith 、cartoon、stanley9 題共資料補完及指出錯誤需修正地方。>
|
發表於 24-10-2010 07:41:39
發表於 24-10-2010 09:06:04
