我對扭蛋有感 (p.4更新舊扭蛋機圖片)~~

fadeasho999

HMS扭蛋的確好吸引，真係近來佳作，昨日行過一扭見到有PART2,3的散貨，以前欠落隻G3平平地買到了，總算完了一件心事。

movie_arms

小時候, 父母錢少, 極少可以買玩具俾我
到我大左, 搵倒錢, 呢家買番夠本~ (都唔會喪左咁買)
講番扭蛋....我記得細個試過有部機壞左, 只要反方向咁扭就可以免費任扭
我果時扭左十隻, 先得兩隻係封面既玩具......
之後同朋友講, 佢又白痴到嘔, 拉大隊去扭, 俾老闆發現收起左部機.....可惜可惜
有冇大大有類似經驗? (好似扭咭都會有呢d 壞機情況)

今時今日, 見岩既蛋多數會散買/ 成套入
好間中好間中先手痕抽下盒蛋扭蛋
又或者會俾五十元抽一番獎, 雖然呢d 扭扭抽抽想中自己鍾意既野機會唔大
但係, 俾既錢係買埋當中既過程~ 即使唔中自己想要既, 都會係樂趣既一種
少少錢, 唔中又唔會傷心, 但中左會有散買/高價買 得唔倒既開心

cliffordchan107

用完呢招之後...
我會用兩張冇用既白卡黎夾佢出黎...
通常都係一次兩張...
第二張出唔晒就用白卡夾. ...
小堅 發表於 19-10-2010 10:20 PM

    不過老闆見到真係會拉架, HAHA~~

cliffordchan107

細個嗰陣扭係開心
但大過左之後會發覺會次扭一扭，仲要有時扭到重覆嘅情況下，係好吾抵
所以 ...
deepz 發表於 19-10-2010 10:34 PM

    細個好少有玩具店一SET咁賣, 如果抽到重覆的話, 多數會同同學交換,
試過有人咁樣識到女朋友仔TIM, HEHE~~

小堅

不過老闆見到真係會拉架, HAHA~~
cliffordchan107 發表於 20-10-2010 04:39 PM

最少我依家仲可以坐係到同你講呢番說話^^...
證明冇事既...

你有冇試過扭個D動物仔???
五顏六色又有獅子老虎個D...
雞係呢款玩具之中最大個隻 哈哈...

我諗呢款同埋以前個D膠武器仔...
真係兒時玩物之一...

cliffordchan107

回復  cliffordchan107
電筒照一下下一張是否閃咭,
我又學到野了~
Aunbis 發表於 20-10-2010 12:39 AM

    我成日"營"住如果控埋對眼去個出咭位個度, 會忽然有把刀伸出黎~~

cliffordchan107

重有彈擦膠~~
Aunbis 發表於 20-10-2010 12:42 AM

    你小學個年代又玩乜野多?

cliffordchan107

以前細個扭得最多唔係蛋 反而係卡
即sd武者個類  以前細個窮 唯一可以娛樂自己既方法就係扭卡 $1扭一次都低 ...
怨恭 發表於 20-10-2010 07:37 AM

係喎, 而家D咭通常包係紙入面,
試過係奇趣見過有個人逐張咭狂捽猛捽, 結果同職員大吵咗一輪~~

cliffordchan107

是格古達不是格比達,這不重要,還記得小時成日偷老豆老母錢去買SD高達
061221 發表於 20-10-2010 10:25 AM

    以我記憶所及, 漫畫入面個合體就叫格古達, 但係劇場版個合體叫做格比達, 兩者的服飾不一樣的, 希望有資深大大更正, (我抽到的悟空同比達合體閃咭不是漫畫版衣服的)

cliffordchan107

HMS扭蛋的確好吸引，真係近來佳作，昨日行過一扭見到有PART2,3的散貨，以前欠落隻G3平平地買到了，總算完了 ...
fadeasho999 發表於 20-10-2010 12:38 PM

    孤仔有HMS的散貨? 正WO, 等我碰碰運先~~

cliffordchan107

小時候, 父母錢少, 極少可以買玩具俾我
到我大左, 搵倒錢, 呢家買番夠本~ (都唔會喪左咁買)
講番扭蛋.... ...
movie_arms 發表於 20-10-2010 12:53 PM

HAHA, 我都試過遇過D壞機, 不過無你個部咁喪狂嘔,
最多都係嘔多一兩隻出黎,
反而係大圍的"青龍水上樂園", 真係試過一部壞汽水機,
唔洗入錢都會出汽水的, 仲係連續幾日無人發覺~~

講番扭蛋, 有時老細都幾奸的, 將其他雜蛋混入正式的蛋入面,
試過用五蚊抽到一隻"吉"蛋!!!

除咗扭蛋機, 有無人試過抽"盒玩機?"
多數係五蚊的, 個機都好大部, 長方型,
入咗錢, 將棍向下拉, 就會有盒模型仔跌落黎的~~

cliffordchan107

最少我依家仲可以坐係到同你講呢番說話^^...
證明冇事既...

你有冇試過扭個D動物仔???
五顏六色又 ...
小堅 發表於 20-10-2010 04:42 PM

有呀, 仲好平TIM, 通常係5毫子一次, 部機細少少的~~
我仲試過白痴食咗幾粒落肚TIM~~嗚嗚.....

老文

回復 31# fadeasho999


    其實同期既hg rider 龍珠 同咸超..都係一些好正既扭旦..而家好多可以平價買番

sam1984111

HAHA, 我都試過遇過D壞機, 不過無你個部咁喪狂嘔,
最多都係嘔多一兩隻出黎,
反而係大圍的"青龍水上樂 ...
cliffordchan107 發表於 20-10-2010 04:59 PM

壞氣水機我都遇過.....果時都係小學....
因為我屋企隔離係工廠區....佢部氣水機唔知點解平過邨入面賣既少少....
果日我去左買氣水既時候....手多多拉下個退錢既制....
佢居然有錢跌出黎囉.....
因為果日係假期....所以條街無咩人
就係咁拉呀拉呀....總之癡左線咁係咁拉....拉到無為止   
D銀仔加埋都有2百幾.....哈哈
第2日再去已經無左部機啦....

至於扭蛋.....細個已經中意到痴晒線....
每日既零用錢都係拎左去扭....
試過有次遲左出門口....
趕住去搭校車...
見到有新扭蛋....(最記得係扭飛影)
又走左去扭....
最後要行過幾條邨返學....(緊係遲大到啦....仲俾人罰埋留堂添)

怨恭

大家會唔會有種感覺 講講下會發覺 細個d玩意真係比e家開心好多......