|
對上一次即興影完SHF新電之後，當然要再次入盒放好，
正當將最後一盒入櫃時，留神一望原來係久違嘅裝著變身電王CLIMAX FORM，
我所擁有嘅裝著都賣晒，只留低電王系列，於是我又第二度興起喇。
裝著變身，簡單講係一個人形可動素體可套上合金甲同膠料配件，賣點係合金甲件(胸甲 / 腰帶 / 手 / 腳)等...
要數合金甲件最足本一定係KING FORM，小弟瘋狂時期曾經有六盒:35: :35:
不談外型，只談活動能力，早期嘅裝著真係好一般，停留響平面性轉動。由KUUGA系列到AGITO / 龍騎 / 555 / 劍 / 響鬼系列，
改善嘅地方好少，只係增加腰部左右轉動及腳掌旋轉轉動。到咗KABUTO系列，開始有點突破，腰部可作輕鬆旋轉活動，
再繼而到電王系列，改進程度簡直令人眼前一亮。
論活動能力以致外型都可比美SHF，就連SHF新電做唔到嘅"橋"腳動作，裝著電王都能輕易做到，自然得嚟又不需支架輔助。
回想當時得悉裝著有如此進步，往後嘅成品都會不俗。誰知出到KIVA系列之後，裝著就成絕響。
我覺得裝著嘅沒落好難去界定係好事或者係壞事，裝著本身有好有唔好，好處係"平" (相比起今時今日嘅SHF)，
但壞處係損耗快，特別係合金件上嘅油漆，好容易響玩嘅時候刮甩，好似我頭先擺幾個POSE影幾張相，之後就發現接口位有甩油情況。
但有一樣野係可以肯定嘅就係，玩家比多咗好多...............:38: :38:
P.S 上述對於裝著嘅資料可能有錯，畢竟我唔係買齊所有系列，有錯請更進。 | 
發表於 15-10-2010 21:37:56
