|
尋日難得早收工,去現豉點兜個圈啦,
無意間聽到一個玩具店老闆同朋友吹水,其中幾句話有點意思...
"...無啦而家唔儲咁多野啦。而且新果d愈來愈無愛。
其實玩具同電腦一樣,玩具是件硬件,愛就是軟件,如果無愛果件野只不過是件廢鐵...(後略)"
有點意思,好精準的比喻。
的確隨著愈來愈少動漫吸引到我之後,對玩具的渴求的確是少了(老變是場感冒)。
另一方面,又借題發揮一下,
其實我好少對某一角色好有感情,通常喜愛的,都是故事。
例如天元突破,我好鍾意好鍾意套動畫,
但除了最後的"天元突破紅蓮裸眼"之外,我一隻機械人都不鍾意...
亦對女角無興趣...男角們是有愛,但玩具始終演繹不到動畫令人感動的地方...
(講多少少,"人類的力量,好好見識啦"...這句對白這一生都記得。
即是"玩具追不上角色的靈魂"(我認斷章取義,不喜不妨提出意見)。
又例如龍X虎,好鍾意好鍾意個故事,但無一個角色有愛(好奇怪吧)。
(又講多少少,大河被佢老豆放飛機,櫛枝哭著拍手果一幕,我哭了...)
又又例如斬鬼者覺悟,好難得有兩種正義的舊派漫畫,我是支持散大人的,
可惜除了聖衣ver.的散大人外,其他無吸引力。(閃電漫畫無出現過,唔知咩黎,不過好有吸引力就是了)
相反,對故事無興趣的,某一角色才有吸引力。
拉打1號(ver.THE NEXT),老變,飛翼人...故事對我而言毫無吸引力,
但故事愈無吸引力,其角色的設計愈討人喜歡...又為了多少了解角色的靈魂就耐了痛苦去看個故事...
簡直是自虐麻...
幸好,上天是好生之德(?),
黎緊的野戰服BIG BOSS,除著剛剛爆了表章,對BIG BOSS很有興趣,找尋地方預訂中...
希望有朝一日出埋隻馬同升格為神的戰神THE BOSS!!
...抱歉,前文有點長,有病在身,先貼兩張未開盒相,其他後補。
 |
發表於 6-8-2010 08:38:18
