碧咸變LEGO生招牌

crossbonemacau

碧咸變LEGO生招牌

22/07/2010

今日球壇焦點集中喺兩代萬人迷身上，碧咸上周接受訪問時表示，鍾個仔
一齊砌LEGO泰姬陵玩具，金口一開頓成LEGO生招牌，該款玩具銷量一日
內激增六倍幾，夠晒誇張；而九十年代初風靡萬千球迷嘅巴治奧，早前傳
話會出山培育新秀，日前開始參與教練課程，準備九月報考歐協B級教練牌
。「神奇小馬尾」正式出山，除拯救意國足球之餘，係咪想同碧咸爭做最
強萬人迷呢？

受訪話好玩 銷量增6.6倍
碧咸上周同全球十九個地區fans進行直播訪問時自爆係LEGO狂迷，仲買咗
副印度泰姬陵慢慢砌，令呢款產品銷量即時大增超過六倍。LEGO食住個勢
邀請碧咸全家參觀丹麥總部，仲有意大搞crossover叫「萬人迷」設計埋特別
版產品，到時肯定掀起全球搶購潮！

碧咸上周接受訪問時表示：「我唔踢波想做乜？我最想同阿仔玩LEGO啦，
我仲有諗過砌LEGO做職業添。」「萬人迷」自爆外借AC期間生活苦悶，喺
網上訂咗副印度泰姬陵LEGO，之後埋頭苦幹係咁砌，但副嘢接近六千塊，
碧咸受傷後要進行治療，未能完成傑作。

獲邀遊總部 合作搵多筆
「萬人迷」金口一開，印度泰姬陵LEGO即時成為全球熱賣商品，根據傳媒
報道，銷量喺一日內激增6.6倍，唔少舖頭都出現缺貨情況，確實非常誇張
。LEGO見外界反應咁好，馬上誠邀碧咸家族所有成員去丹麥大本營參觀。
LEGO難得有個巨星fans，絕不放過任何合作機會，發言人表示：「我哋向
來歡迎新意念，碧咸同囝囝咁鍾意啲產品，將來有機會可以合作。」「萬
人迷」隨口噏話鍾意都有咁多人掃貨，若然嚟真加入創作，製成品個價肯
定畀人炒到飛起啦！




想好似碧咸咁潮請即加入
澳門積木會 MACAU BRICK CLUB ：http://mbc0937.com/

skbe

好貴盒野:(

K動戰士渣古

太大收唔落:62: