反對最低工資 到時一定無 平玩具買 "必然執得就執" 保障唔到低下層

yugi

小弟反對最低工資.

最低工資出左之後, 最直接受影響既就係而家搵緊3蚊果D.  真係訂左$33, 你做原本搵緊$ ...
bad-aries 發表於 20-7-2010 02:32 PM

政府一直無正視大陸人落黎生仔,騙綜援或拖低工資呢個問題

warxv

我覺得唔好將問題推比個D落黎生仔的國內同胞那邊.
有錢的帶幾皮野來生個仔,多少帶動了香港經濟,個D醫院靚過酒店的.
無錢的去政府的係就佔用了公共資源,但這問題多少是因為"香港"男性回國內結婚而產生出來,應算是本土問題.
而兩者都有可能解決了香港出生率偏低的問題,只要佢地的新一代有部份讀完書之後仍然留港發展.同時香港仲有發展的可能的話....

問題主要是香港工作職位不足,這是香港工業衰竭同時好多職位都搬回國內所至.本來早幾月郭老闆一口氣推高了南中國的工資水平是拉近了中港兩地的工資差距的,不過隨著最低工資的設立這距離又會再一之拋離...

hk小文

小弟當年做學徒，曰薪只有七十大元，每天工作九小時，時薪十元都無，但為什麼仍肯去做呢？因那時我只是—個，連六角匙是什麼也不知道的死0靚仔，不是這個價錢，如何找第一份工？如何學習揾食技能？如果那時有最低工資，我當時的師父，仍會請我嗎？

夜裝古鐵

見習生:45::45:

tysss

小弟當年做學徒，曰薪只有七十大元，每天工作九小時，時薪十元都無，但為什麼仍肯去做呢？因那時我只是—個 ...
hk小文 發表於 21-7-2010 04:46 PM

但你當年做學徒都希望有朝一日可以學滿師後得到更好o既待遇, 而當時o既社會環境亦真係俾到市民有機會及希望提升自己o既生活水準, 當年只要肯捱, 係有機會上位o既, 但宜家o既香港環境根本係俾d超級富豪玩晒, 大部份基層市民即使肯做肯捱, 但都無望改善自己o既生活

仲有, 大大當年做學師真係有野你學, 但宜家好多僱主打住學師為名, 實際上只係搵個廉價勞工, 根本唔會教佢o地o野, 而且宜家o既師徒制都以學院制為主, 做學師都要有文憑證明, 你睇下廚師, 汽車及電子器材技師, 甚至髮型師全部都要睇文憑先值錢, 但如果基層市民即使長時間工作但做極都不足以楜口, 試問又點會有時間, 金錢以至精力去提升自己o既競爭能力呢?

講真, 係公平社會做生意有賺有蝕係正常法則, 但以全世界已發展及富裕地區o黎講, 係得香港富豪永遠只賺無蝕, 好多時加價唔係因為蝕錢, 而係覺得賺唔夠, 你覺得最低工資影響多, 定係租金水平影響多o丫?:58:

hk小文

但你當年做學徒都希望有朝一日可以學滿師後得到更好o既待遇, 而當時o既社會環境亦真係俾到市民有機會及 ...
tysss 發表於 22-7-2010 03:27 AM

但我當年根本沒心機讀書，還說什麼文憑呢？假如有最低工資，我可能連起步的機會也沒有，最後便是留在家'hea'！順帶一提，我當年的師傅，其實也只是當廉價勞工請我，別說得他太有社會責任。還有，文憑是重要，後來我也讀夜校取回，但如果沒實戰經驗，便說什麼也沒用。

tysss

但我當年根本沒心機讀書，還說什麼文憑呢？假如有最低工資，我可能連起步的機會也沒有，最後便是留在家 ...
hk小文 發表於 22-7-2010 06:56 AM

請師兄留意自己所提出o既 "當年" 及 "夜校文憑", 首先, "當年" 對理歷要求係比宜家低好多, 當年搵工都唔係好似宜家咁多要求啦, 第二, 我無話工作經驗唔重要, 第三, 師兄你都有機會讀番 "夜校" 啦 (事實本人都係讀part time係city o羅diploma & degree), 但你可以想像下, 對低收入長時間工作o既市民, 進修係時間, 金錢以至精力各方面o黎講根本唔太可能 (其實前文都有提出, 不過可能師兄睇唔到啦)

最後, 我最強調o既一點, 係公平及機會, 係先進發達社會, 即使每個人o既出身背景各有不同, 但社會應該有機制讓每一個市民都有機會提升佢o地o既社會階梯及生活質素, 但香港近年來的確只著重商家尤其係超級富豪o既利益, 漠視基層市民o既基本需要, 想了解多d實際詳情, 師兄可以睇睇最近頗熱門o既 "地產霸權" 一書:67:

chan_mou

我想講
個社會不斷咁改變

以前果套今時係未必work
社會對學歷提高
別說「捱得出頭天」
而家基層的市民連維持基本生活都不能
唔好話財團
政府係有社會責任去平衡貧富懸殊

其次
樓上有人話有$$比咪可以落黎生
呢點係好有問題
好多內地人比左幾萬生
之後係拎綜援
綜援呢個制度本身就係幫助對個社區有/有過貢獻但有需要援助的人
e.g. 年輕時為社會出過力的老人家
而家d內地人落來香港係無做過野
撻大手板拎$$

hk小文

經常有人埋怨，今天的機會不夠以前多，但卻很少聽見有人說今天的學習機會較以前多，以前要讀到大專，是一件何其艱難的事，今天，連小學生也懂電腦了，那究竟那個時代較好了？而我又真的未聽過做個冷氣學師，要好高學歷的。倒反而是計較人工多一些。最後我想說，社會是從來未'公平'過的。

yugi

經常有人埋怨，今天的機會不夠以前多，但卻很少聽見有人說今天的學習機會較以前多，以前要讀到大專，是一件 ...
hk小文 發表於 22-7-2010 02:58 PM

但以前讀到大學就ok,現在讀完大學做入場卷都要好大競爭先揾到工

tysss

經常有人埋怨，今天的機會不夠以前多，但卻很少聽見有人說今天的學習機會較以前多，以前要讀到大專，是一件 ...
hk小文 發表於 22-7-2010 02:58 PM

我想師兄你有少少誤會我o既意思, 首先, 我提出o既公平係指 "機會" o既公平, 係人都知李嘉誠生仔都京貴過人啦, 每個人出世受唔同出身唔同背景影響一定令人生起步點各有不同, 甚至先天聰明d定蠢d同埋四肢健唔健全都有影響, 如果要講絕對公平根本無可能, 問題係, 現代及先進社會一向強調係後天透過機制, 令大部份人都可以有機會去提升社會階梯及生活質素, 而唔會出現目前香港低下階層咁懸殊, 每日每週長時間工作但連食都未夠, 甚至出現隔代貧窮 (以上意見其實係前文都有講過, 可能師兄都係睇唔到啦, 不過講太多連自己都覺得 "尋"氣, 所以講埋呢次唔再講):78:

有兩點我部份同意師兄o既意見, 宜家o既香港市民有部份地方係識多o左o野, 亦有部份行業o既入職要求無過份提高, 但請留意一點, 要比較一個社會有無提昇或下降唔可以只以一兩個範疇去睇, 而係要全面做評估, 唔可以單單講一兩個行業唔太難入職就當天下太平, 另外,正如你所講, 而家比以前多o左人識用電腦, 結果識用電腦只係宜家生活上唔太值錢但又必須要o既技能, 對一d連電腦甚至上網費用都出唔起o既家庭, 呢個正正更突顯出佢地唔夠競爭力o既地方, 呢套道理應用係師兄所指o既大學學歷一樣式用 (宜家大學生多o左, 但有無以前咁值錢o丫?)

講番核心問題, 最低工資對營商環境有影響呢? 我同意係有, 問題係, 影響係唔係真係咁大? 而且基層市民多o左少少錢, 會唔會都係生活上消費番出o黎, 而抵消帶o黎沖擊? 以TD會員身份兼天馬行空咁諗, 會唔會低下階層多o左機會買玩具, 結果d老闆維到皮而唔需要加價呢? (雖然我覺得日元匯價同租金水平玩下手比最低工資更影響玩具價格......)

warxv

回復 53# chan_mou
女人喜歡為難女人,中國人就喜歡歧視中國人.....

比得起成10皮野來生個仔的,就唔會來攞綜援的了,個D人仲有錢過我.
來生仔攞綜援的就是跟香港男人結左婚,申請過來在政府醫院生的,個D老公都是香港人,多少係屬於本土問題.
至於佢地帶來幾多問題呢?當中有好有壞,真係要平心靜氣,放低對有色眼鏡之後先可以討論了.

warxv

其實香港現在的問題我看不是有沒有最低工資,而是香港本身的經濟環境出了問題,工作機會少了供求失衡所致.工業在香港的息微細少了大量的工作岡位,同時環繞著工業的運輸,貿易,物料供應等行業及對口的外國企業亦一一跟隨工廠界的步伐回到國,內進一步減少了工作岡位,而金融風暴應該是加快了步伐的原因之一.
旅遊及服務業歐美的遊客減少了,在量方面有國內的朋友補救但質方面國內朋友的消費力平均而言不如歐美遊客,特別是對於一些無形的服務國內朋友的消費會相當有保留的,近期報導見到的一堆問題,背後其實仍然是在說這一行業現在養唔起咁多人…
餘下就是金融業獨挑大樑,但香港700萬人可以投身金融界的朋友有幾多,而當中產生的經濟效益又可以養起多少人??這可能才是香港現在應該去面對及解決的問題.
香港從來不是福利主義的社會,最低工資的確立實際效益有多少成疑,但卻肯定的令香港這最自由的市場步向難以回頭的一步…

warxv

仲有一點,我作為一個無良的中層,都叫有些人出多少糧是由我決定的.
如果在公司沒有多出的資源情況之下,我是絕對無可能改善整體工人的工資的.
而公司在沒有突發性的增長之下是沒有可能有多出的資源的,咁最低工資只係迫我更無良的去裁人,要餘下的人做更多的工作,揸取佢地的每一分鐘.
在香港最低工資是新玩意,在國內我已經玩了好幾年......而無良欺壓手法之多,我學左幾年都學唔晒,而有D我僅有的人性亦叫我做唔出.
國內今年工資終於大幅調整,但這不是出於政府之手,而是供不應求,出現"工求人"的情況之故.
唔好覺得有左最低工資就等於大家搵多左錢,可能有些人會,但同時亦有人因此失去了工作...

hk小文

講番核心問題, 最低工資對營商環境有影響呢? 我同意係有, 問題係, 影響係唔係真係咁大? 而且基層市民多o左少少錢, 會唔會都係生活上消費番出o黎, 而抵消帶o黎沖擊? 以TD會員身份兼天馬行空咁諗, 會唔會低下階層多o左機會買玩具, 結果d老闆維到皮而唔需要加價呢?
tysss 發表於 22-7-2010 04:53 PM

我最想說最低工資的影響，是一班可能只是讀到中一、中二的年青人(先不理什麼理由)，他們可能因"最低工資"，而連學習一樣揾食技能的機會也得不到，難道叫晒這班人去做快餐店？