富貴家長寵出難頂港孩

fourson

富貴家長寵出難頂港孩【SUN特搜記者李佩珩報道】「港男」、「港女」是近年人人掛在口邊的潮語，當全城仍在熱烈談論電車「港男」、巴辣「港女」之際，「港孩」也誕生了，並延續他們的「難頂」形象。「港孩」生於九十年代中後期，大多家境豐足，父母百般寵愛，有傭人全天候照顧，令他們缺乏自理能力、心智幼稚、自我中心及患上「王子、公主病」。這群「港孩」將是香港社會未來的主人翁，學者認為政府應從速制訂改善方法，否則他們會因競爭及抗逆能力低而無法接棒。

「港孩」的自理能力有多低？記者近日在九龍塘小學區，就六至七歲兒童的自理能力指標（即小一至小二學生應該懂得自己做的事），訪問近二十名小四至小六（九歲至十二歲）的學生，當中約一半懂得戴錶、扣鈕拉鏈及獨自睡覺，但逾八成受訪學生不懂綁鞋帶、剪指甲及自行食有骨食物。


不懂綁鞋帶


飯來張口

無時間相陪以物質補償

港孩自理能力不足，與家長對此不以為然有關。女兒就讀小學五年級的朱太說：「我完全唔覺得個女唔識綁鞋帶有問題，社會進步咗，我個女着魔術貼嘅鞋，仲唔怕甩鞋帶仆倒添！唔識照顧自己都唔係大問題，讀書叻咪得囉！」

生於較富裕家庭的孩子，變成「港孩」機會亦較高。來自中產家庭的Sylvia（假名），年僅八歲已在家中「呼風喚雨」，擁有電話、數碼相機、遊戲機及iPod等。記者從其生日派對照片，發現壽星女Sylvia身穿名牌Burberry衫、Gucci鞋，手挽一眾「港女」都渴望擁有的Chanel手袋。

被問及為何讓女兒一身名牌時，Sylvia父親苦笑說：「我哋掛住做嘢，冇時間陪個女，可以嘅話都喺物質上盡量補償畀佢！」Sylvia即使犯錯或行為不當，父母都不會責備，令Sylvia愈來愈嬌生慣養，對食物要求「極奄尖」，傭人表示，Sylvia曾因鮑魚上有一小黑點而將之丟掉。


這名小學生是少數懂得看行針錶的小孩。

百元紙幣畫畫玩完即棄

從細到大「要乜有乜」的Sylvia，並無金錢概念，如到遊戲中心玩樂，一般小孩會「善用」每枚代幣，她卻一次過將五百元代幣玩擲彩虹遊戲；另外，她曾用多張百元紙幣寫字畫畫，玩完便棄。

Sylvia在學校與同學發生爭拗時，便會用電話錄影同學行為，並放聲大哭，然後致電媽媽投訴。Sylvia的同學指她很囂張，對同學呼呼喝喝，在校當值時更拒絕掃地抹黑板，原因是「呢啲嘢唔係我做o架，係我嘅工人做」！

13歲少年自認係BB

另一「港孩」Daniel（假名），是家中獨子，得到父母及親友萬千寵愛。十三歲的他，身高達五呎三吋，已長出鬍子，卻整天嚷着自己是「BB」，別人問他年齡，他堅持答：「兩歲」，閒時仍翻看幼兒節目《天線得得B》，無論他到哪裏，都一定「攬實」幾隻公仔。

Daniel的父母經營餐館，由於要在餐館打點一切，遂聘請兩名傭人貼身照顧兒子。Daniel雖已升讀中一，仍不懂綁鞋帶、不懂更換衣服，更不懂自己洗澡，睡前仍要用奶瓶喝奶，但父母沒有阻止，只說：「個仔鍾意，我哋都冇佢符。」Daniel用餐時，傭人要先用剪刀將菜肉剪碎，他方能進食，而食物及飲品的包裝都不懂開封，姑媽搖頭嘆息：「冇人喺佢身邊一日，佢實會餓死！」

教育心理學家彭智華表示，「港孩」大多來自富裕家庭，受父母溺愛，加上有傭人照料，甚少有機會鍛煉自理能力。此外，家長太注重孩子的學業，為了讓子女專心溫書，毋須他們做日常的自理工作，亦是令孩子心智幼稚的原因。


朱太
「我完全唔覺得個女唔識綁鞋帶有問題，社會進步咗，我個女着魔術貼嘅鞋，仲唔怕甩鞋帶仆倒添！唔識照顧自己都唔係大問題，讀書叻咪得囉！」


鄧太
「我個仔讀二年班，都識得自己沖涼、執書包、戴錶、摺衫摺被、扣鈕同拉鏈，但未識得綁鞋帶、剪指甲同食有骨嘅食物。」


李太
「朋友個仔讀中學都未識綁鞋帶，同埋佢哋多數都好冇禮貌，例如唔會叫人，食嘢會摷餸，跌咗嘢又唔會自己執，淨係企喺度等人幫佢執。」

學者憂拖低香港競爭力

香港教育政策關注社主席張民炳憂慮若「港孩」情況延續，沒有改善，成長後會對本港社會質素有負面影響，更會拖低香港的競爭力，令香港進一步被邊緣化。他解釋，香港現時的成就，主要是靠上一代的人才奮鬥打拚得來，但「港孩」解難及抗逆能力低，遇到困難便退縮，屆時恐會令本港優勢盡失。他建議當局在小學教育中，加強灌輸正確理財觀念及培養孩子的解難能力。浸會大學幼兒及基礎教育總監李南玉建議家長及學校從日常生活做起，鼓勵子女學習自立，令孩子懂得獨立照顧自己。


抹黑板？「呢啲嘢唔係我做㗎，係我嘅工人做」
「冇人喺我身邊一日，實會餓死！」
「爸媽掛住做嘢，冇時間陪我，可以嘅話都喺物質上盡量補償畀我！」

http://the-sun.on.cc/cnt/news/20100523/00410_097.html?pubdate=20100523

呂品器

簡單講句，越窮就越叻。

五十年代前出生既人都好有毅力；

六十年代出世既人捱得又多機會，肯做就有位上；

七十年代既人已經冇咁捱得，但一般教育叫好左，拎返d分；

八十後唔少人已經係嬌生慣養，以為自己讀好多書(但其實只係大學學位數量唔跟程度地澎漲！)，又唔識做人；

九十後睇黎更加不知所謂...

davidki99

我好擔心我個女都係咁 :50:
睇黎要嚴返d

小櫻

Daniel的父母經營餐館，由於要在餐館打點一切，遂聘請兩名傭人貼身照顧兒子。Daniel雖已升讀中一，仍不懂綁鞋帶、不懂更換衣服，更不懂自己洗澡，睡前仍要用奶瓶喝奶，但父母沒有阻止，只說：「個仔鍾意，我哋都冇佢符。」Daniel用餐時，傭人要先用剪刀將菜肉剪碎，他方能進食，而食物及飲品的包裝都不懂開封，姑媽搖頭嘆息：「冇人喺佢身邊一日，佢實會餓死！」

查實... 鬚都長埋都仲要奶樽... 係咪應該話佢弱智呢？...

但又唔係喎... 早幾日跌落街果個三歲細路... 係曉得自己開門門鐵閘爬上窗台... 咁應該點形容呢？...

小櫻上

davidki99

查實... 鬚都長埋都仲要奶樽... 係咪應該話佢弱智呢？...

但又唔係喎... 早幾日跌落街果個三歲細路. ...
小櫻 發表於 25-5-2010 10:52 AM

一樣米有百樣人
咁總有d 醒目仔
又有d 傻仔既

手榴蛋包飯

因為掉到街上的小孩不是富貴子弟.

小櫻

一樣米有百樣人
咁總有d 醒目仔
又有d 傻仔既
davidki99 發表於 25-5-2010 11:23 AM

因為掉到街上的小孩不是富貴子弟.
手榴蛋包飯 發表於 25-5-2010 11:26 AM

咁未好囉...

嗱... 果班有錢廢童到大個咗都係廢人一個... 而果啲精嘅窮細路... 跌唔死嘅話就可能做到叻人... 咁到時未可以過莊交玩囉...

呵呵呵...

小櫻上

roystoy

悲哀.....:Q

fourson

香港又一特色

yugi

鬼咩,又唔打得,十三歲留係屋企個父母都可被告虐兒,有咩辦法唔識獨立:42:

OST

我完全唔覺得個女唔識綁鞋帶有問題，社會進步&#21655;，我個女&#30528;魔術貼&#22021;鞋，仲唔怕甩鞋帶仆倒添！唔識照顧自己都唔係大問題，讀書叻咪得囉!!  <---- 呢個老母真係好野, 咁都講得出, 唔通佢認為佢個女一世都只會&#30528;有魔術貼&#22021;鞋?!

依家d所謂家長, 完全唔識教細路, 星期六日一家大細帶埋工人出街就以為自己好巴閉, 任由d細路係街大吵大鬧, 亂跑亂撞都唔會出一句聲叫"停", 淨係識得大大聲咁個工人睇住d細路, 大佬呀, d細路唔係d工人生架, 老豆老母自己都唔教, 阿水幫你教咩

想當年細細個果陣, 係火車地鐵度玩實俾老豆老母喝停再大鬧一番, 依家d細路由呢卡走到第卡再攬住條柱玩table dance, d家長都唔會出一句聲, 好似完全唔知會影響到其他人咁, 就算旁人用鄙視o既眼光望住佢地, d家長都只會用敵意o既眼氣回應"咩呀?! 吹ar?!"

手榴蛋包飯

我完全唔覺得個女唔識綁鞋帶有問題，社會進步&#21655;，我個女&#30528;魔術貼&#22021;鞋，仲唔怕甩鞋帶仆倒 ...
OST 發表於 25-5-2010 12:16 PM

恐怕不久的將來, 會有家長說"我完全唔覺得個女唔識著鞋有咩問題, ....我個女唔著鞋, 仲唔怕甩鞋帶甩魔術貼仆倒添!..."(=w=.)

AMAZING_MIGHTY

我完全唔覺得個女唔識綁鞋帶有問題，社會進步&#21655;，我個女&#30528;魔術貼&#22021;鞋，仲唔怕甩鞋帶仆倒 ...
OST 發表於 25-5-2010 12:16 PM

數年後版本:
我完全唔覺得個女唔識戴爸有問題，社會進步&#21655;，我個女唔戴爸，仲唔怕比人彈爸帶添！唔識照顧自己都唔係大問題，有老細照顧咪得囉!!  :he:

手榴蛋包飯

回復 14# AMAZING_MIGHTY

>有老細照顧咪得囉

這句妙絕.:he: