本帖最後由 Toro 於 25-5-2010 02:05 PM 編輯
我唔係12吋迷,買得亦唔多
只係單純將心比己去講下
覺唔覺得佢間鋪裝修到好似秘密基地咁之後,D人就開始木口木面?
我估氣氛同燈光係會影響人既情緒,呢間野畀人感覺好嚴肅,冇去超人睇玩具咁Happy.
而家HT都可算係樹大招風
作為佢地第一線,真正是人與人接觸的店員,
一日要重覆同客check同一件玩具幾十至一百次
10件貨出左門口,5,6件會返轉頭換呢樣換個樣,點會唔壓力大?
打工仔,最緊要小心講野,平平安安出糧,收工返屋企.
唔刻意隱藏自己內心真性情,可能真係會開口串人
日日如是,習慣成自然就會變robot,木口木面
(畀著係我可能已經XYZ左幾十次,所以我冇資格做sales)
相反,eb個女仔,佢日日都係吹水之麻,又冇貨賣,冇貨換
最重要係高層下旨,有人想退你就退畀佢
收晒order做野冇壓力,笑住畀錢你走啦!
將心比己,兩邊用一樣人工請你,你都去eb唔去ht啦
如果有此比較,你都會理解HT既店員點解成日好似死老豆咁了
我講理解,唔係體諒
因為畀錢買野真係唔需要受氣,但點解咁多人受氣都要去買?
了解呢個原因,就會明白為何HT由得D店員木口木面了. |