變形金剛的前身: Diaclone玩具介紹(I)-正義與敵人篇

TD玩具老師

與懷舊玩具店的老細傾開，近年多了同好玩Diaclone玩具，究竟Diaclone有什麼地方吸引同好呢？
小弟收藏了Diaclone玩具多年，Diaclone最吸引我的地方當然是機械人內可坐的人仔啦!!戰機內有個人仔，變形後好似有個人控制機械人，好得意!!其次是大部份的機種都可變形。
話明係變形金剛的前身，變形金剛的人物及玩具大部份都由Diaclone搬過來啦!!最大原因是限於安全條例，家陣D玩具唔可以有人仔，唔會擔心死人Bandai成日將D玩具翻出又翻出，總算值得收藏!
小弟的部份Diaclone收藏~

講講由Diaclone發展到變形金剛的過程先!1970年，Takara公司從美國孩之寶買下了孩之寶當家產品Combat Joe人形的使用權。Takara公司把Combat Joe改頭換面變成了“變身改造人”(Henshin Cyborg)系列。在1974年，Takara公司原本打算推出一個微縮版的“變身改造人”，但最終把名字定為“微星小超人”（Microman）。而Takara公司也為微星小超人創造了一系列的故事。1982年，“微星”系列開始加入機器人的角色，推出了MicroRobot系列。其中一些機器人已經可以簡單的變形為飛行器之類的交通工具。(我曾經介紹過robotman: http://www.toysdaily.com/discuz/thread-102347-1-1.html)1983年，Takara推出了一個名為Micro Change的分支系列。在這個系列中，人物更象純機械的生命體，不再是以往單純的改造人形態。而變形種類與變形方式也較以往更為豐富且復雜。這些人物的變形主要以小型家電/設備/工具/武器/迷你汽車為主，如卡帶式單放機、顯微鏡、手槍等。
與此同時，Takara也在研究開發新的系列，欲將機器人與變形的概念獨立出來。1980年，Takara推出了名為Diaclone的系列。Diaclone系列分為非常多的小系列，如變汽車的Car Robots系列，變恐龍的Dinosaur Robo系列等等。
雖然Diaclone系列僅是在當時的電視雜志上連載一些故事，但還是引起了廣泛的關注，一些歐美的廠商開始引進代理這些玩具。意大利的GiG公司開始以Trasformer的名字開始引進Diaclone及Micro Change兩個系列。Diaclone與Micro Change的國際化終於引起了孩之寶的重視，最終孩之寶與TAkara合作，發展成今天大家熟識的Transformers。
跟住要講下Diaclone的故事背景:一個名為Waruder外星帝國的欲侵略地球，名為Diaclone的武裝組織擔任了保護地球的任務。Waruder帝國的侵略者主要是變形為昆蟲，Diaclone組織的人物則平時偽裝成各類地球上的交通工具。後來Waruder帝國利用機間機器從遠古帶來了恐龍，Diaclone則開發出變形為機器恐龍的部隊進行對抗。Waruder星人也就是後來變形金剛系列中的機械昆蟲，而Diaclone開發的機器恐龍就是變形金剛中著名的五只機器恐龍。







要開始玩Diaclone玩具，除了注意人仔有好多種外，人仔好易唔見，有好多版本外，當然要認識Diaclone的武裝組織戰鬥機械人及Waruder的主要侵略機械人，現在介紹一下先~!
Diaclone最重要當然是RobotBase，機械人可變形基地戰車模式，最有趣是利用手動帶及機械人的機關，人仔可在械械人內走動，真係勁過晒家陣D玩具!!




人仔:

第二隻要介紹是FortessX，是後期的Diaclone可變機械人基地，都係一樣，人仔可在基地內走動，好有真實感!




講完正的一方，當然要講下Waruder軍，他們以昆蟲機械人侵略地球。最為人熟識當然是細過隨街可見的昆蟲機械人。





還有一些上鍊可動的機械人都值得介紹一下:




盼望有時間寫第二篇Diaclone與變形金剛玩具的分別篇啦~!謝謝大家欣賞!!

車仔

老師, d圖有問題呀, 全部睇唔到呀~~ :help:

TD玩具老師

老師, d圖有問題呀, 全部睇唔到呀~~
車仔 發表於 17-4-2010 11:22 AM

OK啦...疏離疏離.....

黑色三連敗

讀幼稚園個陣見到佢真係流晒口水~~~:handshake: 老變頭領個概念都可能由佢而黎~~~:he:

ultramanzoffy

Good，但唔中！可能係年少時已經要隻身留學外國，每次電視一唱"Transformer, Robot in the Sky!"都好唔舒服... :67:

Vince

其實當年的 diaclone 玩具廣告都好正 ....
http://www.youtube.com/watch?v=NcIJdObAAL0

diaclone robot base 既變形設計亦都係好多玩具參考的大大佬 !!
for example irongear 就係參考佢的 ...

圖 from: walker 既 review http://www.toysdaily.com/discuz/thread-40966-1-1.html

Borbor

:$學到野, 多謝老師分享

黑色三連敗

其實當年的 diaclone 玩具廣告都好正 ....


diaclone robot base 既變形設計亦都係好多玩具參考的大大 ...
Vince 發表於 17-4-2010 01:22 PM

原來Irongear都係~~唔講唔知tim :@

山吹老師

又上了一課

y2jlch

好多野睇，support.....:71:

Somebody_Ex

多謝分享~~~好詳細的介紹~~~但老師兄要留意啲圖~~~如果影得清晰啲會好一點~~~:)

(^3^)

多謝loc介紹，我有隻殘四冇拳機械人，剛剛先知係DIACLONE!!!

聶風

有學到嘢。

阿天

經典

virtualman

多謝分享，亦鈎起好多童年回憧，真係很回味，有人仔又可分体合体真係好正好吸引，當年都有一兩款，不過都係玩爛收場.....:42: