香港邊間設計學院較好?

Superkeroro

基本上我係鼓勵每一個人去創作，將創意用喺生活每一件事上，
致於要唔要發展成為全職事業或者一門生 ...
Tasuku 發表於 18-4-2010 09:31 AM

首先我本身都係做設計，我好同意大大所講既"社會大眾一日唔改變對腦力工作者嘅賤視，繼續以為設計抄返嚟就得，花$1喺創作都俾多你嘅心態，相反買廣告位就幾百萬都肯花，唔止無叻人會再做Design，連香港都唔會有運行，更加唔好講轉形！發展咩創意工業！ "

其實香港有些行外人根本唔多認識設計係一個點既行業，分幾多類，做一樣野之前要做幾多research，試幾多野，用幾多心血，要花幾多時間，唔止創意要用腦力，落實做野時捱夜更係家常便飯，仲要有好多相關技能，如GRAPHIC SENSE，畫畫及設計技巧有幾好，會用幾多設計SOFTWARE同又用得幾精等等。但就好多人(當中有老有後生)同我講過以下既說話"乜設計唔係識畫野就得架啦咩?" "讀唔成書既人先會去做設計咋嘛" "設計有幾難幾多野做呀?畫下公仔做下手工,好簡單姐" 佢地唔明亦唔多識尊重設計同設計人士，所以有些人會理所當然覺得設計唔值錢。但又好奇怪地佢地身邊每樣事物上至房屋，名車，名牌手袋，下至一張椅一張檯都同設計有關，生活上每樣野根本離唔開設計。但係點解會甘諗野？我都唔能夠理解。所以政府成日講點點點係香港發展創意工業，但就好多人連最基本設計係咩都未知，點算？  

而架好多無經驗又岩岩讀完出黎做既朋友，人工我見過最低係4500起跳，5字頭6500都有好多，但係就寫明要捱夜，分分鐘放工返到屋企都仲有排你慢慢做，做完第日返去，老闆話唔得要改，你就開心死，係香港簡直係時間超長回報極低既專業。雖然有些人會係為理想，但有時人再大D，屋企人開始老，身體又唔係甘好既時候，你仲要有家室，要擔起頭家，樣樣講緊錢既時候，就會覺得做個普通文員日日做機械式工作，大多準時收工，都7000起跳最多聽過9000添，而作為一個初級設計如果真係好有能力又好命做到上位都還好，但如果相反，你日後將要面對好多問題，到時候有無信心解決到又一回事，畢竟未真係發生時就唔會覺得係好大件事，再換句說話來講即係睇你自己本身有幾多本錢可以去花而決定了。

但同時亦都要講如果你本身個人真係好鍾意設計，鍾意諗野同挑戰自己，動多過靜既時候，我要你因為現實而低頭，為錢但除左設計又無其他專業技能，唯有選擇做文員，要你由日日諗Q面對每份唔同又具挑戰性既JOB變成日日做相同機械式既工作，而你本身有既專門技能一樣都用唔番出黎既時候，我相信你真係會覺得好唔開心，所以樓主決定去馬定唔去馬前真係要因應自己現時各方面既情況做大前提再略略推算一下未來先再作決定，始終做ARTIST同做DESIGNER係兩回事。

漏左一樣未講，就係讀完出黎做DESIGN HOUSE同係普通公司係絕對有極大既分別，如果係普通公司做，你會發現佢係用你隻手多過用你個腦，第一佢唔認識設計，第二佢信自己，第三佢唔信你因為你未出名，所以好多時份野做出黎最後係會好醜，但呢Ｄ唔係因為設計者廢，設計個個可能有幾個OPTIONS俾佢揀係好正，但佢唔揀硬要跟佢自己感覺去做，結果做到鬼五馬六，但係掛住你個名，話係你做既，俾觀眾罵既係得你而已，當然亦可能會有另一些人說很美，但真相只得讀過幾年設計的你自己心中知。到時你會發現讀書時候好過你係普通公司幾萬倍，最起碼大家知道設計為何物。

仲有一樣野好重要就係要知道香港設計界唔係無人才，舊血又好新血又好都一定有，但係香港現實對香港設計業既殘酷令其每年流失唔少人才亦係事實。（當中包括好多有天份同有潛力既新力軍）

Superkeroro

其實係咪因為香港做設計或想入行做設計既人太多, 所以人工先咁低?

4,5,6字頭請做設計, 最低工資保唔 ...
bad-aries 發表於 27-4-2010 11:43 AM

以香港商業社會黎講，文職既人數一定比做設計既多吧?甘點解唔見文職人工低到飛起？反而仲好過設計？

一間普通公司唔係DESIGN HOUSE佢入面可能會有一堆文職，但一定唔會有一堆設計師。另外如果搵左好奈都無DESIGN HOUSE請你，你就真係連普通公司都唔做，一於等嗎？所以，人工低我覺得最主要係因為香港黎講，大家對設計行業認識唔夠多，政府推行唔夠，你話銀行，文員就大多數人都有認知，因為人人講金融講投資，但設計就比唔上，而正正因為對設計行業既認知唔夠，所以唔重視，自然唔覺得值錢。

如果你行一轉JUSCO 10蚊店，你會發現日本人連洗櫥房既用具都整好多吸引既包裝同將其形狀角色化但又不失實用價值，就算係平野唔起眼既野人地整件事都係有設計過，甘樣係日本可能大家可能覺得無咩問題因為認受性大，但黎到香港，係，會有人欣賞，但多數都會覺得係多餘，寧願買返傳統百潔布。相信個分別都唔洗再講。

仲有，有樣野叫設計文員，就係做設計加做文員，但係，重點係同一個只做文員既人工無分別，點解用專業技能做多左野人工會無分別？如果無分別不如只做文員更著數？何必辛苦白做？因為老闆覺得設計唔值錢，要你做埋文員做既野，佢先覺得請你係值得。唔敢講全部人係，但以我所知我朋友而架就係甘。

好老實講，係香港，如果係諗住做份工要搵多錢既，一定唔會諗設計先。揀得黎做設計既人，除左唔小心入錯行個D外，都大多係曾經或而架仲係心裡有團火，對設計有執著同夢想。

現實雖不一定可以摧毀一個夢
奈何能突破現實，實現最終夢想者又有幾人？

Superkeroro

文員人數係多過設計人好多, 但係文員工都多過設計工好多(哩個係我相信, 事實可能唔係.).  又可能係因為 ...
bad-aries 發表於 27-4-2010 12:46 PM

設計人其實退而求其次一樣可以做文員，不過如果俾人知道你有設計文憑就好大機會自動轉左做設計文員，到時仲多野做，但人工一樣。仲有你都講左答案出來了∼∼∼呢樣都係我一直講緊既野，供求問題講到底就係因為香港唔夠著重設計，但其實設計應該係必需的，正因為佢唔夠著重，一來人才係有但唔夠多而培育亦係唔夠，二來資源亦好缺乏，三來導致人認知唔夠，唔重視自然唔多工，唔洗甘多人，人工低，但唔代表呢樣野本身係唔值錢，一切只是地方的問題。

我唔清楚你講既IT係指哪樣?係咪講緊MULTIMEDIA ART，如果唔係就要睇下係邊樣先知有無關係，但如果係而架好多請人要求都已經係GRAPHIC+MULTIMEDIA ART=1個人了，但其實讀既時候係分2個系，所以條件係苛刻的∼

不是要求要一個好高的價錢，但至少不要再壓價，給這行業的人一個保障，佢地付出的心血，如果連基本保障都沒有的時候更不用講什麼夢想發展什麼香港創意工業，最終就如Tasuku大大講的一樣還有誰會來做？

Tasuku

如果講到點解做design唔值錢，簡單講........就係要多謝令中國人自豪........「抄」嘅文化。


如果你心中仲有一團火，又要養妻活兒，干萬記住如果一定要轉造第二行之餘，要以戰養戰，工餘唔好忘記做一些自己喜歡嘅創作，唔係為公司客而做係為你自己而做，有作品記得發表，你就真係一個創作人喇！

另一樣原因係中國人做事則重硬件、輕視軟件 (唔係電腦嗰Ｄ軟硬件啊)，之後再講........

dreamtoys

我自己本身都是從事設計，都做左接近廿年，我只在職廣告公司頭數年要OT，大約都是７，８點收工，在自己開公司時先有通項，到現在有家室轉做 in-house design，當然有時要到其他國家做野，但留港時都可以放6點, 所以都幾睇際遇.
白英奇都幾好，都可以，入行後際遇無人知，現在行行都要OT，可以試下做，睇下自己是否做得來，勤力是有回報。

ajc188

回復 49# bad-aries

唔計product design/interior design/multi-media design, 最慘係做graphic既...
最吹脹既係, 家下好多工招聘, 例如sales&marketing, requirement會寫要熟 photoshop & illustrator!!! 咁即係算downgrade designer定係upgrade sales & marketing?

實質上, 無乜老細識咩叫design, 點解要請designer!
好似上例咁, 做廠既用 Ps & Ai 在公司既用途多數係做presentation比客睇,  搞廣告或website, 有客比printout要少執等等...
基本上係老細既心目中係唔駛"日日"用到designer(graphic), 實際上如果請左一個in-house graphic designer佢實日日無停手...
請左個graphic designer, 本來兼任既人份內事會做得好好多!

好似我公司咁, 我做product design, 經常要搞catalogue/website等等既野,
廠有個做graphic既收三四千, software可能天下無敵, 叫佢諗野就有心無力...
結果樣樣野講左就識做,唔講唔知點做!
如果香港請個graphic designer, 絕對能夠提升質素!

業有專攻, 兼任點都唔及專業既fight! 但係有乜計? 家下個個玩數碼攝影, 玩開都識少少Ps, 邊有人睇重graphic design?
"graphic design就係玩Ps同Ai之嘛~" 九成九人都唔知最緊要係個腦諗到乜唔係手可以做乜....做design賣腦汁重要過賣技術!

ajc188

回復 54# bad-aries


sorry~ 重寫左:"做design賣腦汁重要過賣技術!"

唔一樣架~有幾多設計及發明係領先現今科技?
當年George Lucas都係因為技術問題將starwars由第四集拍起...
應該話: "諗到就要表達到令人明白"
so都係賣腦囉:34: