ZC Girl Rosanna

燒賣

三個月前喺烟屎訂，未攞就返咗嚟加拿大。老豆今日過嚟順便帶俾我。臨瞓前速速落樓snap番幾張上報。Report容後補上。

影武者

父親真好......

燒賣

早廿幾年前佢會鬧:「衰仔成日買嘢玩。」家陣佢可能心諗:「哈，個衰仔(or佬)都仲有啲童真噃。」時代唔同，諗法都會變。

roundbun

Nice bike nice outfit..... but couldn't ZC make a better face.. :78:

lokia

你老豆真好~~ :71:  父親節快樂~~:61:

辛尼

:71: :71:  父親節快樂 :52:

whkvictor

原帖由 roundbun 於 21-6-2009 05:30 PM 發表
Nice bike nice outfit..... but couldn't ZC make a better face.. :78:

x2:45:

fat9

個女郎好MAN

MAX

GOODFATHER~~!!:71:

燒賣

加多幾張quick sanp相。








ZC Girl喺自己個網講，佢哋最初係造1/6嘅衫同配件先嘅，後嚟至造埋素體。
我係無意中發現呢間公司。跟據佢哋網上資料，到目前為止出咗幾個齋素體同十個主題人形，第十一個已經可以訂。

因為冇乜網友提過，所以我買呢件之前對呢間公司嘅出品唯有靠佢哋嘅西。其中只有Kelly同Janice係比較靚啲，頭彫同面相化妝唔差。家陣可以訂嘅Kathy就麻麻咯，成個Ugly Betty，眼部化妝好唔掂。



喺官圖見到Rosanna時覺得佢似Hilary Swank，亦係ZC Girl頭彫中造得最好嘅一個，何况又有活動眼睛仲跟架電單車。三月底喺皆旺睇到個版覺得唔錯就扑鎚。雖然明知架motorbike係膠嘅又唔係好detail，不過七舊有找唔通俾架die-cast你咩？okay啦。

家陣收到貨，好壞如下:
先講disappointment--- 第一眼見到，實物個頭彫同化妝跟官圖嘅係兩回事。官圖入面嘅雖然唔係話造得好堅可以比美HT同EB，但至少我可以接受。但實物就。。。可能為咗戴頭盔所以頭嘅比例細咗啲；下眼睫毛好鬼卡通，只係點咗五、六點又冇上眼睫毛。收貨時對眼有啲唔一致，拆開個頭將眼珠align好之後發覺好難將個後腦裝番，又冇說明書。花咗一段時間終於裝番上去--- 可惜鬆嘅，冚唔穩。左手亦係好鬆，輕輕力都好易鬆出嚟。另外雙脚採用插入式ball joint，雖然令活動能力提高，可以擺多啲pose。。。可惜着上boots，好難攞番對脚出嚟。另外，架電單車有開窿俾後鏡但就冇後鏡(官圖也是)，而且我嗰架嘅面罩右邊有好多花痕同甩色，QC抵打August 15。

抵讚嘅係--- 以咁嘅價又唔係HT、EB或M記等大公司都有活動眼珠，可想而知佢哋都希望令客人滿意，想出品有高啲嘅水準。而配件同衫就造得真係一流。件皮樓嘅針位好幼細，啲邊冇厚到突起。拉鍊係用細嘅，就算係個扣都係細比例，唔似其他廠咁用普通拉鍊，個扣好似舊大鐵鑲咗喺心口度，而且每條拉鍊都可以開合，唔係得個樣做裝飾。支輕機好detail，gun metal底色加黑面有金屬感，連背包同頭盔都好精致。另外仲送多個長軀體，不過因頭細嘅問題，長軀體可能令到個頭睇落仲細。