|
遲遲未出post, 只因為upload相果條link死咗link…而試用其他「網上相簿」, 但操作方面又難上手…原本寫好一大篇近300字嘅文章, 但一「按」傳出後, 竟然只有顯示1/4嘅文字。望下個鐘…已經成凌晨兩點…所以「廢」咗個post~第日再重新寫過另一篇…呢篇文章可謂係小弟出咁多figure post之中, 最出力、最用心嘅post~將一款完全俾人忽略嘅「Hottoys08-09年度嘅”0” 人氣之作」- The Spirit~為大家介绍!
究竟佢係一件「為儲單入VIP先至入手」嘅item?或係一件「滄海遺珠」嘅item?
好肯定話俾大家知, 呢款Spirit嘅1/6 figure破咗我「開盒影相數量」嘅紀錄!
我竟然一口氣幫佢影咗63張相~當中再刪除咗10多張~ 一路影一路擺pose。 tie及大褸有內藏鐵線, 再加埋我早前所入嘅「可駁長、扭動figure支架」放上去玩~ 好正! 可以set到好多「型到爆」嘅「驣空姿勢」!
逐件介紹~
帽子 - 係同之前款MJ figure一樣, 係用絲絨物料。(同官網吾同)
面相 - 面色冇官網圖咁好「血色」, 咀唇顏色再深色會再好d。相似度嘛…係幾似電影中真人。(套電影我睇咗N次, 信我~)皮膚質感係屬於08年技術, 即係冇09年d技術手工咁勁~
鞋子 - 相信好多人吾會留意到,Spirit係着CONS品牌嘅one star系列黑色sneaker~簡約中帶點「潮」。我buy~
衣服 - 並吾係用100% cotton造, 反而吾會令隻figure咁「谷」。內藏鐵線令佢型仔指素倍增。:36:
配件 - 槍!!!! 一定講佢先~(我一開盒立刻拎佢出嚟玩) 好正!!! 但我開心得太早…:44: 因為係「冇」一隻手for佢揸槍。:38: 支槍係for 「Octopus」揸, 只係生產成本問題而「讓」枝槍俾Spirit boxset~ 手扣…我係最後先至拆出嚟玩…都好嘅…用嚟「鎖」阿Joker都好玩~
什麽電影口啤、票房…I don’t care~我係buy佢嘅「簡約但突出」嘅外型。但估吾到「佢」竟然可以令我玩足成個鐘多d…
我嘅感覺係, 「佢」吾係一款「話題作」, 但玩上手(尤其係喜歡玩pose嘅人), 係好好玩~
慢慢欣賞相片~第一次用新link去post相,操作上有d麻煩。post相片有多少吃力...請支持下我…
|
|