|
終于將Rachet買到手,今次雖然都是見到美版先,但美版隻色相對太膠,所以最後都是揀返日版.
Rachet(力捷),一直由G1開始就是博派中的醫官,白紅色搭配可謂只此一家.同之前2.0的鐵皮一樣,都是以SUV-Cadillac為藍本.當然啦,就真車而言,
該SUV是唔可能改裝為救護車的:45:
開始以為是將鐵皮的面加塊黑色角了事,到手先知是全新頭雕,頭雕亦好忠于G1,以前G1時期沒頭的怨念終于解除.
心口紋路同鐵皮一緻,當然,要講的是從鐵皮開始,該素體的兩個人物都是低頭做人的...我就一如之前鐵皮一樣如法泡製,最起碼個頭是同車頂平衡先:p
不妨對比鐵皮,另外為遷就抬頭,身體兩側的車輪并沒按原設嚮後變...反正唔應嚮外觀.有關鐵皮的介紹,可以睇返我以前的post:
http://hk.myblog.yahoo.com/busbook99/article?mid=2780
因為有版友問我點改,于是影出比大家作個參考,當然或者有更好的辦法,歡迎指教.
其實主要是將原本突出的位置cut掉,令後bumper嚮該位置屈的時候唔會頂住,于是頭部就可以最大限度抬起.
就觀感而言,力捷因為白色的關系,比鐵皮要順眼好多:58:
另外美版頭上的角是紅色的,當然日版更加似動畫設定.
得益于腳螺位的設計,力捷同鐵皮的雙腳都有唔錯的可動表現.
車頂警燈亦同美版唔同,美版只是用返潛行獸的警燈,而日版則是全新設計.
轆令依然自己搞過...一路上色不禁百感交集,本類呢種工作應該玩具商出廠時就應該做好,次次都要消費者自己動手,玩玩具玩到好似玩模形咁,
兩大玩具公司你地亦太慳皮喇...
最後首尾相對應,多謝觀看.
後記: 今次感覺比鐵皮好,車形問題已經是老生常談的問題,就唔多講喇...撇除以上唔少問題,該老變依然不失為一經典老變也:73: |
發表於 19-4-2009 13:10:45