話說丙叔禮拜六去紅館睇「牛尾君」,
ok幾好睇(丙叔哩d阿叔咪話好睇咯).
跟住睇完入面個show,走出去的士站睇另一個show.
事緣丙叔要搭的士去附近轉車,
當去到的士站入口時,有幾個中年「香港人」企響的士站既外圍,
圍住個垃圾筒食緊煙.
響丙叔前少少有一家人,應該係爸爸,媽媽同倆個十歲左右既女兒,
去到的士站入口附近,媽媽一見幾個煙民,即刻做出指定動作:
「掩鼻,皺眉頭,隻手揚下揚下」,跟手好大反應咁拉住倆個女走入的士站.
丙叔同果家人只落後相隔三個人左右.......
丙叔排左五分鐘左右,用果家人聽到既音量同身邊既朋友講:
「你知唔知咩叫種族歧視?」
朋友未答,丙叔已再講:
「拿,你睇下前面果家人,正話有人響出面食煙就捏住個鼻,
依家個鬼佬食左咁耐佢隻手揚都冇揚過.」
丙叔指住企響果家人附近果三個鬼佬,
冇錯,果三個鬼佬由我地入去的士站時已食緊煙,
陣味我都聞到佢地點會聞唔到?
而且三個鬼佬食煙係人都見到,佢地又點會見唔到呢?
個媽媽知丙叔串緊佢,但當冇事發生...........
丙叔一向都認為「香港人」係最會種族歧視既「生物」,
但好怪雞,印尼人會歧視華人,日本人會歧視中國人,
但偏偏「香港人」好鍾意歧視「自己人」.
唔好話「香港人」鍾意歧視大陸人哩d咁普遍既野,
依家係「香港人」歧視「香港人」.
丙叔有次短衫短褲走入尖沙嘴間gucci,
一入去d售貨員都好奇咁望一望我,
但相反d鬼佬著晒背心短褲就依然「欣勤」服務.
喂大佬,我額頭刻住個「賊」字呀家陣,定樣衰係罪過呀?
雖然話一竹篙唔可以打一船人,
但可能丙叔既習慣係出街會留意身邊既事同人,
好多時真係會見到好多哩d種族歧視出現,
唔知點解身為「香港人」既丙叔,有一種愈尼愈討厭「香港人」既感覺.
:42: :42: :42: |