玩具二三事...(加了老婆大人的回應)

Speeder

其實有時d玩具要買番黎, 玩/display一牌先知鐘唔鐘意:(
所以係咪 "真係鐘意" 真係好難講

hystericireul

玩物壯我志! 唔買都想試!

推你呢句!!!

我覺得而家d玩具已經唔係畀小朋友玩，係畀我地呢d老野大人玩... 所以好多時都會走番舊路，出番舊野挑起我地d回憶...

細細個時d玩具個盒畫到係龍係鳳咁，拆開既質素好多時都麻麻地... 到而家技術進步左出番，我地咪又走去買囉.....

不過我好奇怪既係點解咁多人幾百/ 幾千蚊買盒玩具番黎拆都唔拆拎黎擺，玩具唔係應該拆出黎玩既咩?

合體既得閒合下分下，變型既得閒又變下玩下，我覺得先係正常...

warxv

好多謝大家的用心回應,見到大家的回覆我都好意外,thank you!
不過真係好長,我不能一次過回覆晒,要分批...sorry.

ridge_v:
我唔係在責怪那些朋友,玩具有時只係滿足一個夢,買左就都算完成其任務了.
有些朋友要求高一點對個盒有要求亦屬正常,不過只追求個盒之後又連盒都唔開就有點那個了.
多其:
我本身唔係想指責邊d人,玩具有時係滿足自己的一個夢,超人係朋友想有個係身邊好正常,好唔好玩可以係其次,不過玩具就係玩具,唔會因為貴左而變成藝術品,盡管你比一萬幾千買,我真的覺得有d朋友唔知自己在買乜的.女人買衫唔著都有試身的過程,玩具呢?
跌入射程個d唔好題了,hi-nu 168點忍得手...又洗多百幾!

dis:
衰仔麻麻係長輩你都想鬧,有無病都唔可以鬧,想下都要認錯.
玩具可以帶比人樂趣就好了,我都玩左好多隻山口式,又靚又好玩,不過有些沒地方擺已經重新封箱,又有一段時間見唔到了.

lacus:
當然啦,你咁講就最好了.

大姐姐:
玩具用來欣賞無問題,不過任何角度欣賞都唔會變成藝術品呢一點要清楚,我問好少人講玩具唔好玩的確都係一個事實.
同一款式追捧我又覺得正常,因為喜歡rx-78的人真的會看到新款就想買,君不見好多愛好收購者都集中一在一個角色嗎?問題係一邊買一邊話人屈佢個d,真係無人用槍指住佢個頭再佢買的.
病態購物狂我就係其中之一了,不過堅持唔開倉,開倉不如捐左佢!唔通真係留返退休玩?
玩具可以保值?呢個絕對係一單街頭騙案.

fallout8:
環境唔同左係事實,但玩具有其本身意義,定義!啟發,趣味,刺激想像力,只係呢類型玩具我地少接觸,我地玩的是精品,有活動能力的精品,可以歸納於玩具的分枝or精品的分枝派系,一個小眾的派系.

inui:
如上面回fallout8所言,玩具有其本身意義,暫時未見到有需要更改,可能再過多幾年啦,我們面前的玩意跟傳統玩具比較仍然未到反客為主的地步.
現在技術是進步了,玩具的質素是提高了,不過"裝飾"呢個字眼可以好主觀,現階段大部份阿媽阿爸仍未接受呢d野係裝飾品,所以裝飾之說仍有保留.
你之後說的相當有趣,其實唔係d新野出得差,而係你對住佢無左份感情,你試下問d小朋友rx-78靚d定係種命靚d?
想下你會發現你面前的東西點好點好都係極之主觀的存在.這多少就是玩具的特質之一.

manwest:
我都好開心自己仍然有能力買玩具.亦的確有能力可以買玩具已經係一種福氣.
好多謝你的提醒.

合金人

時代轉變現在的玩具不是兒童玩的.你會買隻EX合金比你D仔玩嗎?
就算你真的買比他玩,他都未必鍾意..可能叫你買部PS3/WII/XBOX360比佢好過.
現在的"合金和12吋"不應叫玩具,應該叫收藏品,對象應該係25歲以上的成年人.:34:

潮流特駒

原帖由 hystericireul 於 28-2-2008 09:28 發表
玩物壯我志! 唔買都想試!

推你呢句!!!

我覺得而家d玩具已經唔係畀小朋友玩，係畀我地呢d老野大人玩... 所以好多時都會走番舊路，出番舊野挑起我地d回憶...

細細個時d玩具個盒畫到係龍係鳳咁，拆開既質素好多 ...

THX SUPPORT :58:

hystericireul

warxv

westtung:
多謝先.
你識唔識"玩"玩具?我在舊版時係[反唔開盒教派]成員之一,現在有點見怪不怪了,而且玩具有時只係買個夢,買左都算完成左一半,不過現在有d發展到對個角色都沒有認識,"聽"見cut單炒價就追貨,呢d層次我真係無法認同了.
真係鍾意? 定係想集齊先真?我就無集齊癮的,我d玩具東一個系列西一個系列,對我來說睇下每個系列之間的不同是很大的樂趣,如果一定要我齊套咁我只有唔玩一途.
又唔怪得你 ... 依家D玩具真係玩具咩?!等我賣下老先,話說玩具界驗屍官一詞係証誕生於一個動盪的年代,那時剛剛比較精品又價錢接近大眾化的玩具出現,mc記就係那時代的代表之一,而會有如此產品出現當然係感謝偉大祖國,但那時技術未得於是品質上落極大,個時你會係反反城見到幾個人買spawn好似驗屍咁,驗屍官由此誕生!我都係其中之一.

自由之翼:
現在仍然有好多玩具的,只不過我們買的多數偏於精品一路.
而且如果你的sic之類的pvc figure你都係玩多d啦,因為長時間擺,擺擺下pvc硬化都會鬆,再唔係d油溶埋一齊唔郁得.

潮流特駒:
好,非常好!
1. 玩物壯我志! 唔買都想試!~~絕對係心聲呀!!
2. 自作業、得可活!  玩物多創意, 買D改黎試!~~有時唔試下好似硬係差d未夠喉咁.
3. 玩具獨行俠, 買玩具學習!~~我真係好有興趣睇玩具的唔同結構,當中真係會有得益.

Speeder :
玩具成日都有買左先發覺唔喜歡,不過正常來講買個時係有期望的.

hystericireul:
玩具只係分流,遊戲機,兒童玩具,毛公仔係主流,合金車,模型,同我地玩個d係枝流,最少暫時仲係.
新一代電視,動漫對佢地影響細左,相對的某些玩具市場就委縮了,如果唔係有我地d老野公仔嘜都幾難過.
玩具開唔開盒我就不多談了,真的見人見志.

合金人:
現在仍然有玩具的,小朋友仍然需要玩具陪伴佢地成長,只不過以前會玩到16~7歲,現在就6~7歲已經打機去了,只係我地玩的真係同玩具之間有少少分野了.叫乜並唔重要,最緊要知自己買緊乜.

原罪

呢個題目…
忍唔住要回一回。

我買返來所有玩具最少都要開盒。一定要開!
唔係係玩具店度睇就得啦。(我不是收藏家，而且絕少買貴野。)

咁開左盒，係咪等於玩過？

老實…一半一半啦。

記得第一次買合金魂，黃金俠。細個玩黃金俠係玩人地個隻，但當時見到同電視差唔多既變形方法真係好感動(以當年計):$
咁樣既心情，打開相隔多年既合金。啊!好感動。變形好完美。仲有關節可動!啊!你老板呀!

之後…我就放得靚靚放入展示盒。:26:
好矛盾，又覺得好玩又唔捨得玩。

之後就少少中合金毒，貪平買左唔太喜歡既宇宙飛龍合金(插到唔使兩魚有合金想點？)
咁發覺佢個合體仲好玩，諗住平平地會捨得玩啦…
:31: 唔得…合金一玩得多係一定會甩油既…咁我咁平買返來為玩。但因為佢出得比我想象中有心機同靚之後…我又唔捨得玩…我覺得好低死。(不過呢隻我會珍而重之咁變下來毒我d朋友:^ )

唉!真係會放上手放心玩既玩具，係好膠既變形金剛(mp01問題同上，一加合金件就唔知點解唔捨得亂黎)
仲有好好扭既美國hero玩具(超人呀，豬豬俠個類啊~)

扭蛋真係買返黎擺既多，而且已經唔儲一系列啦。完左昭和系列就完事。唔玩啦，追到死個日都仲有新品呀，點追???

講左咁多都係想講下個種奇怪心態。諗住玩，但又唔捨得。(唔通真係因為幾舊水肉赤?又唔係呀?老變全膠都貴過我隻宇宙飛龍啦？)

最近有一經驗，買左食玩五神獸。我d外甥見到對眼發哂光:shiny: (佢地平時搵我打機多，我玩舊左既玩具佢地以經少玩…之前仲會玩架…)
我幾奇怪？你地唔係打機咩？不過我都俾佢地玩隻五神獸。我同佢地講，當積木咁玩啦，諗到點變就點變。
佢地原來好多創意。而且見到隻野咁大自由度覺得好神奇(我都係:DD )

其實你放佢係度咪擺設。當你同佢發生互動關系咪玩具羅。
屋企隻隻野都擺好post等你同佢玩。睇你仲有無心同佢留下回憶同制造故事。

(我應該留低左電車男形象「我自問應該算御宅…唔係電車:sad: 」係我d後輩心入面…不過佢地如果開心過…我就眼閉啦~:die: )

[ 本帖最後由 原罪 於 28-2-2008 12:29 PM 編輯 ]

btpod

我好認同合金人的講法，而家d細路心目中的玩具只有PSP, NDS, Wii等等。

70年代，我做細路時，超合金買番泥真係會用黎玩，仲玩到luck頭luck骨添！:sad: 而且當年邊會有d 30幾歲人去買超合金？

現在果d超合金魂,RX-78,拉打,咸蛋(過千或接近千圓的系列)等，我覺得嚴格黎講吾可以列入玩具，只可以叫「收藏品」， 因為對象吾係兒童，而係成年人(同埋佢地心底的兒童)，所以買黎吾玩一點問題都無。

至於果d PVC 囡囡更加係成人玩意！一般都要五至六百蚊，擺度得個睇字！

[ 本帖最後由 btpod 於 28-2-2008 12:38 PM 編輯 ]

warxv

罪兄:
近況何好?
玩具如之前所講我都覺得係一個夢,你對高達的憧憬,對超人的享往,但不可能擁有一個高達也不可能變成超人,玩具是其中一個夢想實現的方式,當然這是指我們成年人接觸的,對小朋友來說玩具仍然係好簡單的空間比佢地想像就可以了.但兩者應該有一個共同點,就是玩具對擁有它的人來說是有特別的感情,電影toys story中講了這一點,每一件自己擁有的玩具都係獨一無二的,唔想佢損壞係正常的,買多一隻回來感情都有d唔同.
有些朋友說玩具怎樣怎樣已經是一件藝術品,這是明顯不同,玩具是你好主觀地投入自己的感情,藝術品係創作人將自己的感情溶入作品,接觸到作品的人都能感受到創作人的感情才可以算得上,竹谷的首板是有一點這樣的能力,不過量產之後就沒有了...
好似又唔知去左邊了,不過同你傾無所謂啦,隨心所欲麻.
電車...你唔好講呢d野啦,一睇見我又好易無限上綱的寫下去......

btpod :
玩具真係仲有的,6歲以下學習上玩具真係好重要的,而且如老婆大人所言係父母同子女的溝通橋樑,只係之後佢地會好快投入打機的行列,好快咁型成佢地自己的世界.
我本身現在無意責難唔開盒玩的人,最少我枱底仲有幾盒模型成年都未動過.
不過有時真係見有d人連隻野係乜都唔知,人買佢買,買完又唔玩,咁就有d唔知點講了.

大姐姐

warxv大大:

如閣下的引言--------一個香港玩具界名人曾經說:
玩具係人夢想的實現,因為不是每個人都可以擁有飛機但大部份人都有能力擁有一架玩具飛機     (相信那位名人不是小孩)

我們大多數收藏者不想隨意把玩心愛的收藏品(所謂玩具),亦是這原因, 用「擁有感」來買一件玩具的心態,和小孩子想「買來玩」的心態是不一樣。

不知閣下在80年代, 有沒有曾為一盒自己非常喜歡的模型補畢地
、打磨和上色。  相信曾經有這樣做過的大大,都會視那個模型為「寶」, 不會輕易給人觸摸。

近年出品的超靚玩具就相等於當日的珍藏模型,純粹為了擁有而買,不會輕易把玩。

P.S.80年代的高達玩具真是很核突, 所以一定買模型

Monutal

原帖由 合金人 於 28-2-2008 10:51 AM 發表
時代轉變現在的玩具不是兒童玩的.你會買隻EX合金比你D仔玩嗎?
就算你真的買比他玩,他都未必鍾意..可能叫你買部PS3/WII/XBOX360比佢好過.
現在的"合金和12吋"不應叫玩具,應該叫收藏品,對象應該係25歲以上的成年人.: ...

Spot on!!!
That's exactly what I am thinking!
Why can't any of us see "TOY" as "收藏品".
There are people collect "OLD" dish, plate, cup etc.

Why can't we collect TOY?

Nowaday some toy design are soooo good we can hardly call it just TOY. It's a piece of ART! People collect ART do they?

Why can't we see TOY as ART then?

nelngan

發人深醒的topic:67:

warxv

大姐姐: 再一次多謝你的回應. 呢編野只係有感而發,而且在不同時間用不同的心情寫下的,矛盾的地方其實很多.也情不用太介意. 玩具呢樣野範圍仍然很廣,有小朋友的,我們的hobby,火車,電玩,board game,真正的收藏級,由自己整唔洗錢的豆袋到工藝大師上十萬元的音樂盒,不過點講我都認為當中有一條主線貫穿其間的,感情投入,趣味,想像空間,只要離開左就不能再稱之為玩具了,當然一時之間我講唔晒出來,應該還有其他的因素,不過單純的擁有感我相深信唔會係其中之一了.

Monutal:
Why can't we collect TOY? 呢句問得好!!的確收藏玩具是完全沒有問題的.
Why can't we see TOY as ART then? 呢句有問題,如之前回應原罪兄時我自己的睇法 [玩具怎樣怎樣已經是一件藝術品,這是明顯不同,玩具是你好主觀地投入自己的感情,藝術品係創作人將自己的感情溶入作品,接觸到作品的人都能感受到創作人的感情才可以算得上,竹谷的首板是有一點這樣的能力,不過量產之後就沒有了...]
而且既然你認為收藏玩具沒有問題,就不用強行視玩具係藝術一種,將一件你本身認為正確的事情再找一個理由去正當化.

nelngan: 唔好咁講啦,大家傾下計,分享下.

老文

玩具...仲可以係殺人既武器...令人流鼻血..打風時擋風..落雨時擋雨..餓時當飯食..飽時當甜品...窮時可典當..富時當珍藏..tim la...純粹攪笑....唔好咁認真...做人同玩玩具一樣...最緊要happy:34: :77:

[ 本帖最後由 老文 於 28-2-2008 04:43 PM 編輯 ]