|
(以下內容跟相片完全沒有關係,只係怕內容太悶加上一些相片點綴一下) 玩具你究竟是什麼?? 現在的,我們日常在這裡討論的有多少仍是"玩具"呢??
如果玩具指要帶有啟發性的,要思考的才算是的話,那差不多接近無一件算得上是玩具,好在還有lego才未至於全軍覆沒...
又如果玩具只要玩得的就算係,咁好多了最少大部份都可以扭兩下雖然有D真係只得兩下都可以叫扭得,就連近期流行用來擺的囡囡公仔都有得"玩除衫"!
又再如果玩具是要帶有趣味性的才算是,咁"只"可以扭兩下但無晒飛拳,無晒著燈,無晒發聲個d公仔就差唔多出晒局了,不過d除衫公仔仍然可以留下來,因為好多人對著她們都仍然覺得好有"趣味"的.
咁我自己點睇呢?
一個香港玩具界名人曾經說:
{玩具係人夢想的實現,因為不是每個人都可以擁有飛機但大部份人都有能力擁有一架玩具飛機.}
我很喜歡這個句話,或者說我曾經很喜歡這句話.小時候看見電視上的高達想著如果可以操作他有多開心,之後有機會得到他的玩具每天拿著他對付其他邪惡勢力(雖然那些邪惡玩具全部都曾經是”正義”的).不過到了今天玩具又變成一種怎樣的存在呢?
玩具近來天氣好嗎?
從種種跡象看來,有D玩具公司業績情況未必太樂觀,包括公仔嘜在內,唔係成本個d問題,係無野賣!平成之前的角色有固定客源,不過出來出去都係RX-78,鐵甲萬能俠,仲真係越出越靚,但係昭和年代仲有幾多角色可供食用??唔係真係打算出到RX-78ver.99.9呀!唔好笑呀,單講設定RX-78保守估計超過50個,而且就算個客肯買,零售個邊都未必頂得住.平成年代的角色又點呢?我唔知,不過從市面上看到D貨估計,只可以講一句願玩具之神保佑!!希望這些7~80年代的傳統派玩具(即係ACTION FIGURE,合金,模型,飛機大炮)真係找到明天.
玩具你好玩嗎?
有樣野幾有趣樣醜有人鬧,噴油出界又有人鬧,QC唔好都有人鬧,連國內生產同胞都要比人話意識唔認真,但係最少見人鬧玩具唔好玩?!"玩"具唔好"玩"係死罪,點解大家唔去討論下呢??
究竟現在仲有無人買玩具"玩"呢??
賤物鬥窮人...
近來玩具的減價傾銷情況越來越快就出現,有些在剛推出幾星期就已經發生了.其實玩具減價真係好正常,只要熱潮過後就係減價傾銷時機,這定律自古有之.我問題唔係怕買貴左,而且要怕就只有唔買,因為有幾多玩具會唔減價的可謂百中無一.我買玩具係只係憑自己主觀認為值就買,唔值or比唔起就算數,現在問題係玩具減得又快又厲害好多本身唔在射程的玩具都趺左入射程之內,支出比之前更大...如果呢個情況繼續,我本身想縮短戰線願望就好有可能落空了.
關於什麼是玩具有趣地我的老婆大人有以下回應,雖然有點不對題,不過是直的值得細思. 玩具是能啟發小朋友的思考，不過唔係你們所購買的玩具，lego是其中一種小朋友喜歡玩的玩具，我的小朋友(學生)就很喜歡玩lego，他們很樂在其中砌出不同款式的車、飛機、船或其他的物品(自創的物品)，有時當你在他身邊聆聽時，你會聆聽到一個完整的假日與爸媽一起出遊記或其他的故事。煮飯仔玩具也是小朋友常玩玩具，你會見到小朋友模仿媽媽在家中做家務的情形，媽媽怎樣畏奶，換片的情景小朋友在玩時候會模仿出來，讓你知道他的媽平時是怎樣的照顧他們(曾經有個小朋友拿着長方形的玩具對其他小朋友說我們一起打麻雀)，你便會知道他的媽媽放學後在家中的活動是甚麼，只要給小朋友最基本的玩具無需要發聲，無需要電動，給他們陪伴和想像的空間便足夠。
[ 本帖最後由 warxv 於 28-2-2008 09:37 AM 編輯 ] |
發表於 27-2-2008 19:03:22
