魔改過頭?最爛超獸? 真的嗎? Threezero 超獸機神斷空我開箱

wwwkcc · 發表於 13-12-2022 15:00:23

我個人係訂咗好微笑而冇買佢，雖然當日出第1張相係有啲期待，但就係愈睇就愈覺佢似老變多過似超獸！之前有師兄講唔係隻隻機械人都啱舊化，我都認同尤其超級系呢類，當你玩完變形合體發覺成手黐立立慢慢都唔會再摸佢，不過我仲係鍾意呢間公司嘅舊化效果嘅只要佢出得其所！最後好老實我訂好微笑都係搏一鋪唔知到時收貨會收隻咩返來

yiquanken · 發表於 13-12-2022 15:11:36

玩玩具如果唔係求開心，不如唔好玩！想當年超合金魂大武士跌到幾舊水無人問津，隻玩具就返人差評乜乜物物，依家個價升返晒，想追番嘅人唯有等再版啦！唔通一件玩具的好壞係同價有關？炒咗上去就係好玩，跌到賤晒就係差玩具？

fallout8 · 發表於 13-12-2022 16:13:27

見過實物就會明點解隻野無人問津，身形太瘦，面相奇差，風格太似電影版老變.....

mushroom · 發表於 13-12-2022 16:36:22

wwwkcc 發表於 13-12-2022 03:00 PM
我個人係訂咗好微笑而冇買佢，雖然當日出第1張相係有啲期待，但就係愈睇就愈覺佢似老變多過似超獸！之前有 ...

3zero應該唔會黐立立吧

Edmond22 · 發表於 13-12-2022 17:42:12

佢張手犒本身係幾靚架，可惜實物出到黎頭大身細，配色太鮮艷，灰度不足，總之望落硬係奇奇怪怪咁，好處係平同實淨，買黎粗玩都OK既

猴樂團 · 發表於 13-12-2022 19:29:33

啱玩就畀錢，唔啱玩再平都唔會買，一間公司始終有機會出嘅嘢未必合大眾口味，但係3zero我覺得CP值係幾ok，就我自己只有收ultraman同機動警察。

fallout8 · 發表於 13-12-2022 20:03:00

本帖最後由 fallout8 於 13-12-2022 08:19 PM 編輯

3zero我最近都入手左佢隻真三一，玩上手可以用低食夾大件來形容，重手多合金，可動強擺pose一流。

熱狗OO · 發表於 13-12-2022 23:44:47

本帖最後由熱狗OO 於 13-12-2022 11:46 PM 編輯

已有GX13

見呢隻插到唔洗一千, 再回來看頭POST的YOUTUBE, 真心買唔落囉, 塊面真係太太太樣衰了!

及魔改我都接受到, 但睇片中的線條係非常亂, 原因係夾口位都多, 再加左好多無謂的細節, 再加上隻淡藍色, 顯得好似表面每一個平面都熔L左咁

說到尾超獸又唔係D好重要的機人角式 (至少對我來說), 唔係高達呀, EVA呀咁唔同SIZE都會買一隻

有超合金魂之下唔買了, 如果無買過超獸產品就可能直接買呢隻好D既, 因為可動性呢隻睇片係好過超合金魂好多的

但問題就來了, 識得呢隻及睇得起呢隻都係廢老喇, 仲有幾多對超獸有感覺的廢老無買過GX13或千值錬版呢?

魔改過頭?最爛超獸? 真的嗎? Threezero 超獸機神 斷空我 開箱 [玩具報告]

魔改過頭?最爛超獸? 真的嗎? Threezero 超獸機神斷空我開箱 [玩具報告]