合金魂高迪安小評（冇圖）

Garycharm

認真玩o左兩日，評價還可以。
呢隻高迪安最大問題係外型差，大胸、膊頭過份橫，
搞到上闊下窄，觀感唔好。
由GX-01開始，合金魂系列向來注重合體後外型，
至於活動能力就向來不算好重視（Gunbuster會算異數）。
好多隻合體前都唔得，例如超獸、大王者，
但係合體後都算靚仔。

而呢隻高迪安合體後（嗯...高迪安合體前後其實冇分別，不過算啦，大家明我講乜），
外型可以排第尾三醜，
加上要同期同其他新公司比較，時也命也，所以口碑特別差。

不過始終係合金魂，每個機關都穩打穩紮，
玩上手的確係比較熟悉而放心。
同pose+天威比較尤其明顯。

pose+天威-----我唔識分係做工問題定係設計問題，
總之會有一種叫你缺乏信心感覺。
例如我果隻，大脾外側那組轉軸有問題，
大脾開合蓋會一邊鬆一邊緊，
另外，當我玩多幾下，有幾個關節已經變得好鬆，
藍色機械人右手已經不舉。
成個感受立即跌晒。

隻Bandai高迪安我玩o左兩日，
分體合體超過十次，又扭下擺下pose，
仍覺得穩陣。

不過講玩，高迪安又冇之前GX-39天威果種爽快感。
主要係因為要遷就果個似有還無o既腰關節，
所以開合每一個蓋都要微調對位。
GX-39天威，只要放好晒，真係可以拍拍拍合晒所有蓋，完成變形，
爽好多。

至於幫助「對位」果塊月型透明件更加係偷懶做法。
.....你做設計師，
當然可以講出好多原因、又平衡乜乜又妥協物物，
呢d o野應該你去諗。
我做玩家，你無端端要我顧多一塊咁o野，梗係唔想啦！

最後評價，呢隻我算收貨。
尤其果種手感：體積夠大合金夠多，
而膠料位用o左一種消光/輕磨沙面，觀感亦佳。

如果同cms比......
首先cms外型唔算好靚，而bandai 高迪安係比例出事，算犯錯。
所以比外型，cms係贏o左。
不過cms果隻都唔係平，我記得當年都要賣二千頭。
計埋物價升幅，我算佢同依家bandai差唔多。但係只要玩上手，
良心講，完全係唔同層次產品。
（p.s. 2009年cms定價係25,800yen，賣2千頭；bandai訂價係39000yen，我同一間買，2千中。）



最後要講，有邊個諗得到，竟然係pose+天威 可以襯 Bandai高迪安？

robotkelvin

多謝詳細報告，腰和屁股位闊返啲就一流。

馬仔

CM 個隻高迪安我當年係3位數字入，水尾中既水尾入，覺得好底玩.

fallout8

多謝詳細報告x2，其實果塊月型透明件有咩用？係咪一定要裝？

Garycharm

fallout8 發表於 21-3-2021 02:35 PM
多謝詳細報告x2，其實果塊月型透明件有咩用？係咪一定要裝？

我其實唔係好知佢想點，好似係合體時候方便D。

fallout8

其實膊頭過份橫係有原因，因為入面d機械人比例都放大左，要就返佢地。

mkmlo

謝謝詳細的報告。高狄安是早年的設計，動畫現在睇也是幾醜，以前細個唔知咩叫做形，所以外型比不上后期的天威也是正常。如果喜歡這動畫有情意結，也值得收藏。當合金魂系列來收藏，當然更冇問題，造工看來是不錯，算是收貨。

Englishman

聽師兄咁講, 將來出 R 版機會都好大...

nela

多謝詳細報告x3

舉高雙手係咪真係要打開膊頭過掩先得呢？

fallout8

mkmlo 發表於 21-3-2021 02:52 PM
謝謝詳細的報告。高狄安是早年的設計，動畫現在睇也是幾醜，以前細個唔知咩叫做形，所以外型比不上后期的天 ...

講機設，當年高迪安算走得好前，當時機械人九成九小腿粗過大髀好多，係佢同高達對腳先係跟返真人比例。

再睇返之後既天威，跟本又係走返 old school路線。

Vince

好多 c兄 都話隻 合金魂 高迪安 身材比例有問題唔靚 ....
但係呢，d 一種「倒3角」身形係好多健身人士 like ga ...
同埋睇埋設定圖，我又唔覺得佢外型上有好大問題。

Garycharm

Vince 發表於 21-3-2021 03:19 PM
好多 c兄 都話隻 合金魂 高迪安 身材比例有問題唔靚 ....
但係呢，d 一種「倒3角」身形係好多健身人士 like ...

Vince兄搵呢張比，效果會更好。:DD





以前d 稿好多時都亂咁o黎，唔同畫師可以唔同樣，
就算卡通，同一集一樣可以唔同樣（高達因為頭部複雜，所以最多崩壞圖）。
所以大家唔會認真。

大家執著o既一來係回憶，
二來都係玩玩具多年所建立o既審美觀。

今次高迪安，算可接受，
但係唔乎合大家審美觀。
審美觀一定係見人見智，當多數人話有問題，就已經係問題。
我有自己一套標準----我知大家未必同意-----
例如除o左比例，大家都關注關節空隙。
呢方面我完全唔介意.....我甚至係鍾意，
所以我冇扣佢分。

JohnWick

外型大局已定 都冇乜好拗 反而街價更令人關注 插穿2千都考慮入返盒

keroro-1972

雖然好多插畫貼紙係呢個樣但卡通片唔係

最重要係我當年冇玩過合金所以對呢個外型冇乜情義結, 呢個外型冇感情分係好難接受

而且今次出到全身破洞真係冇辦法扮唔知

佢插晒水都應該唔會入, 因為冇完夢感覺

fallout8

Garycharm 發表於 21-3-2021 03:35 PM
Vince兄搵呢張比，效果會更好。

當年公仔書果d插畫，依家睇返重係覺得好正。:love: