POSE+ STYLE series 勇者王ガオガイガー

Garycharm

ToyKnife 發表於 5-8-2021 05:54 PM
hahaha~ 其實我覺得POSE＋已經係衝住魔術師兄你列出嘅所有要求去衝擊玩具界㗎啦。 ...

係，所以POSE+成績有目共睹。不過現實亦殘酷，睇下天威、哥頓，過o左第一水熱潮，銷情已經停下來。
畢竟設計生產是一回事、市場策略銷售方式係另一門大學問。
睇下笨大，有時魂限、有時一模多用、又會玩飢餓營銷，大家就知市場險惡。

根本英俊

Garycharm 發表於 6-8-2021 12:05 PM
係，所以POSE+成績有目共睹。不過現實亦殘酷，睇下天威、哥頓，過o左第一水熱潮，銷情已經停下來。
畢竟 ...

公平講, B記出既都係第一水D人衝, B記因為大家有信心, 佢出既關節同耐玩度, 接合度又真係俾到大家信心(當然近期穴係越黎越差), 但呢十年又有邊間廠出得可以穩定過佢, 先唔講玩具成品令大家覺得有信心, 就連貨期佢都好少改!
但反觀POST+, D貨期都係混亂, 鐘意就放張相, 但唔會有人答, 貨期改到都唔知佢幾時出, 只可以佛系咁等, 貨源又唔穩定, 或者咁講, POST+妳唔訂, 現貨唔會咁易響條街見到, 見到都炒炒地, 又新廠, 邊有信心, 而且佢1上斗3二千起跳, 呢個都係問題, 而家呢D情勢, 除非無家室, 有都唔敢點去洗...同佢出既玩具, 真係好小眾, 哥頓等果D, 有幾多個係小朋友時代又記得佢係咩, 我都有睇, 只記得佢好似集集都不停播同一集, 無咩印象, 佢隨左勇者王, 又邊有咁多"少年"知佢套卡通出處...所以真係非戰之罪...
其實而家百家齊放係好事, 起碼而家唔洗買野只得B記, 有千記, 有3仔, 有POST +, 係玩家之福, 至於麼改, 我個人覺得, 勇者王本身都係厚重感居多, 如果以外型計, 我係覺竹7太橫同無腰, 其仔無投訴, 忠唔忠於原設定合體? 我較緊張會唔會玩到甩頭甩骨囉!

利申, 訂左第一水勇耆王, 無入B記果隻, 因為接受唔到個合體之後既外型, 唔知點咁...

馬仔

其實睇番曬d圖，呢隻野分體係最靚，尤其是主體，合左體反而唔多順眼。

炎龍騎士

馬仔 發表於 9-8-2021 09:09 AM
其實睇番曬d圖，呢隻野分體係最靚，尤其是主體，合左體反而唔多順眼。

因住又俾人話你無行過現時點????

takeshi

呢隻都叫魔改?! 咁只能玩B記了

Garycharm

呢隻係我未來最期待兩隻玩具之一（另一隻係CCToys 真三一），就快派貨，希望佢生生性性。

ToyKnife

takeshi 發表於 9-8-2021 09:38 AM
呢隻都叫魔改?! 咁只能玩B記了

我都覺得。係有小改, 唔算「魔改」啦。Artstorm嘅EX同DH合金聽到真係好唔開心，明明佢哋先係「魔改」。Haha~

可能各師兄對完全忠於原著有種執著吧。

ToyKnife

Garycharm 發表於 9-8-2021 10:20 AM
呢隻係我未來最期待兩隻玩具之一（另一隻係CCToys 真三一），就快派貨，希望佢生生性性。

...

X2~! 但上色樣板都未有，魔術師兄你仲要祈禱佢有大斧頭

不過CCSTOYS都好神奇，上兩次開訂到出貨，半年內攪掂。都好嘅，新廠又多一樣practice衝擊吓市場。

Garycharm

ToyKnife 發表於 9-8-2021 11:26 AM
X2~! 但上色樣板都未有，魔術師兄你仲要祈禱佢有大斧頭

不過CCSTOYS都好神奇，上兩次開訂到出 ...

冇大斧都起碼有鐮刀啦！如果乜都冇我就唔訂。
佢新廠，如果咁快就玩呢招，我玩少隻算。係佢俾藉口我pass~~
剩講真三一，我玩具櫃有老千果隻，靚靚仔仔咁企o係度已經足夠，
何況未來仲有一隻短腳合金魂？

都係果句，依家唔係yahoo blog年代，
剩講機械人，每個兩月都有一隻大o野出。
甚至同一角色，會隔一排有另一間廠出得更新更靚。

以前買少一隻會頭暈心癢兼身痕，
上網睇人讚多兩句就失去理性高追。
依家？
我個人真心感受：

無論有買定冇買，一兩個月後已經唔記得！

xterry

其實究竟又推遲佐幾耐……哎

馬仔

炎龍騎士 發表於 9-8-2021 09:14 AM
因住又俾人話你無行過現時點????

點解咁講？我上次去長沙灣睇個個版都係呢個感覺。

laiken

Garycharm 發表於 6-8-2021 12:05 PM
係，所以POSE+成績有目共睹。不過現實亦殘酷，睇下天威、哥頓，過o左第一水熱潮，銷情已經停下來。
畢竟 ...

POSE+隻天威死貨係因為佢哋高估咗買家對三廠嘅購買力，你質素係好過官方，但同樣價錢亦高過官方一大截。三千幾真係令好多玩家止步，之前見街前仲有啲Ching爭論個定價，依家個死貨情況就已經說明一切。

ToyKnife

laiken 發表於 10-8-2021 09:16 AM
POSE+隻天威死貨係因為佢哋高估咗買家對三廠嘅購買力，你質素係好過官方，但同樣價錢亦高過官方一大截。 ...

我覺得可能定價過3000係玩家嘅能力邊界，但定價比其他人高同性價比高係兩回事。

真係要為所有Designers(不限於POSE+)平反吓，「設計」都值錢嘅，「定價比其他人高」因為佢係用全新設計，用料又唔同。貴唔貴同值唔值有分別。

By the way，唔好介意要更正一下師兄你「官方」同「三廠」嘅概念。Bandai唔一定係「官方」，新廠唔一定係「三廠」，POSE+係攞正licence嘅正廠。

laiken

ToyKnife 發表於 10-8-2021 12:13 PM
我覺得可能定價過3000係玩家嘅能力邊界，但定價比其他人高同性價比高係兩回事。

真係要為所有Designers( ...

同意「設計」係應該值錢，但今次個巿場反應已經可以話俾人聽大眾覺得天威個「設計」係值幾錢，所以都唔需要再評論咩叫值唔值。

始終其他廠都仲要每隻去同笨大買license，所以明白佢哋每一隻都想賺最大利潤而一定係走貴價路線，但咁樣就只會有一小眾玩家有財力去支持。

pastng

ToyKnife 發表於 10-8-2021 12:13 PM
我覺得可能定價過3000係玩家嘅能力邊界，但定價比其他人高同性價比高係兩回事。

真係要為所有Designers( ...

乜POSE+隻天威好多死貨咩?  有大減價嗎?  我覺得大減價都賣唔哂先叫死貨 (如合金魂高迪安)