ACG 2017 動漫節 Hot Toys 三款限定 發布

starsaber888

I arrived 1pm queue for 50mins..all done in 1hr

billyluk2288

2:00PM到，2:16PM走人

chshting

兩點半一去到就訂得唔使排，前後十分鐘都唔使

dmaj7

其實有幾多人跟我一樣等緊風師弟呢

NelCHK

dmaj7 發表於 16-7-2017 05:20 PM
其實有幾多人跟我一樣等緊風師弟呢

呢度有一個

hktony430

chshting 發表於 16-7-2017 12:08 PM
可能大家都冇睇開Marvel電視劇，我發覺大家都對HT出電視劇角色反應冷淡，
但作為睇開Marvel電視劇既fans對H ...

無辦法,棒打出頭鳥,當前幾年HT係咁出IRONMAN predator 時就鬧唔出冷門角,
出左又冇人理, 真係學樓上師兄, HOTTOYS 就是原罪
其他廠如3ZERO SIDESHOW 出品討論少之有少

hk小文

hktony430 發表於 17-7-2017 09:24 AM
無辦法,棒打出頭鳥,當前幾年HT係咁出IRONMAN predator 時就鬧唔出冷門角,
出左又冇人理, 真係學樓上師兄, ...

找錯處才是這兒的特色, 樣唔似固之然勁鬧, 似咩? 鬧套衫, 衫得咩? 鬧身型, 身型 ok? 鬧手粗腳幼, 總之好既地方睇唔到, 專門找缺點然後沾沾自喜地説好彩無訂! 早兩年最興鬧 ht 獨市無對手, 好了, 真的有對手出來了, 又有沒有從其對手的不濟, 看到 ht 的品質控制有幾出色呢? 好像上面班大哥, 年年都走出來話當年三寶唔岩唔使訂, 我真係好想知, 佢地平時疴屎唔出係咪都會一樣話俾隔離阿八姑知, 佢今日疴唔出屎。

mj23

hk小文 發表於 17-7-2017 11:45 AM
找錯處才是這兒的特色, 樣唔似固之然勁鬧, 似咩? 鬧套衫, 衫得咩? 鬧身型, 身型 ok? 鬧手粗腳幼, 總之好 ...

呢到某批負皮友係玩玩具玩到怨婦咁, 好似折磨自己多過enjoy玩玩具, 負面到不得了.

都唔止HT, EB 一樣係俾人見名就鬧. 係又鬧唔係又鬧, 你話QC唔好出問題, 貨不對辦, 都係合理,  但有班人就好鍾意鬧到冇野好講, 連人地個老細, 屋企人, 有咩興趣都鬧埋. BANDAI, 孩記其他牌子都間中出唔少差既產品, 換都冇得換, 又唔見會鬧埋人地啲staff.

最搞笑係有一班教人地做生意, 要出乜出乜, 定價幾多會冇人買.

HT唔減價清舊清死貨就話係一定係6神合體, 另一間EB減價清舊死貨又係鬧, 最記得係10週年又有一班買都冇買, 就咬定冇得換一定有問題. 到最後啲死貨原來多到買極都有, 冇都可以訂, 翻修貨可以多成咁?  到最後買既人有幾多投訴? 最多係啲皮褸出問題, 但佢地都明白個問題, 冇班負皮友講咁咬牙切齒.

睇住跌價快老實講一定真係肉赤, 但平就要有風險, 個價都係你啱先買, 減價有問題又冇得換. 其他牌子玩具一樣係有升有跌,  仲快過EB, 又可以點防止?

以後都唔買邊間邊間出品? 鐘意玩玩具既心知肚明, 睇到靚既咪又係姣婆守唔到寡. 係好多人話以後唔買乜乜乜, 嗰吓好似好型,唔洗旨意再賺我錢, 係睬到人地公司名, 自己冇捐失, 但到心癮起, 咪又係會買, 自己講過咩都冇所謂.

EB今年撞正大陸有event唔擺ACG, 其實都好, 最好HT都唔好擺, 實物都冇得睇, 要買既一樣會身痕買.  啲人係唔明白, 有香港公司我地係方便唔少, 資訊, 拎貨又快過其他國家.

hk小文

mj23 發表於 17-7-2017 04:06 PM
呢到某批負皮友係玩玩具玩到怨婦咁, 好似折磨自己多過enjoy玩玩具, 負面到不得了.

都唔止HT, EB 一樣係 ...

班專家 ver.1 話等, 等到 ver.柒都未必會買啦! 你唔係真係信佢地有買呀嘛? 買得起咩?