轉載：Y拍買嘢小心這個賣家"collection323"

mansz

隱藏]

Y拍買嘢小心這個賣家"collection323"
在拍賣欄中諸多要求
咁都唔緊要，星期六日佢唔交收你有寫出黎，我都算數
但佢又無講明平時交收要咩時間，
到約交收先話8點後唔等
話8點後要返去食飯，
好似遲左返去食飯會死咁，
(定係遲咗返入監倉會俾警衛打？{:1_225:})
完全唔會就買家，如果你地bid左佢嘢而咁啱就到佢既時間就無乜事，
但如果想早幾個鐘或者遲幾個鐘就勢係假，反轉豬肚就係屎，
就連我話我親自去佢住既地方同佢交收，想佢落一落樓都唔肯，
早幾個月bid左佢既嘢咁啱就到佢時間就無乜嘢,
最近bid左佢既嘢想晏啲交收(只不過係8-9點左右)又話唔等又話晏，
又話要趕返去食飯，問佢邊日得佢話無一日得，諸多事實，一啲交收誠意都無，
好似成個世界係圍住佢轉咁，所有人都要就佢，仲好意思叫人俾返評價佢，真好笑，
唔好睇佢咁多分以為佢係好賣家，大家睇清楚佢啲負評內容先再決定bid唔bid佢既嘢，
y拍呢個遊戲，有玩過都知，成功交易既正評內容通常都係save定幾個，例如"好賣家"
"好禮貌賣家"等等...全部係罐頭評價,反映唔到呢個賣家既真正一面，反而睇負評就真實好多，
因為負評一定會將件事一五一十講晒出黎，真正好賣家根唔唔會有四十幾個負評囉！

呢個帖係只想提醒大家，呢位食飯咁緊要既"collection323"，大家係要有準備好就佢既交收時間先好落佢bid，
如果唔係盞大家一肚氣！{:1_213:}{:1_213:}{:1_213:}

stagebbg

我同情你改唔到時間交收既遭遇
只不過你埋怨人地唔改時間就你交收 點解你唔改自己時間就人交收呢?
你一樣會話自己有唔可以早既原因
雙向既 大家就對方半個鐘囉 你同樣企硬既話 其實冇咩資格可以嘈

andrewchan0079

stagebbg 發表於 15-9-2015 02:15 PM
我同情你改唔到時間交收既遭遇
只不過你埋怨人地唔改時間就你交收 點解你唔改自己時間就人交收呢?
你一樣 ...

其實睇返成件事, 樓主並冇企硬, 係個賣家企到好硬
限時限刻限地方
樓主都有講直接去賣方住處樓下交收, 係個賣家唔肯
同成件事係講緊賣方態度問題
雖然平小小買到想買既野, 但就要受人一肚氣

mansz

andrewchan0079 發表於 15-9-2015 10:46 AM
其實呢個都只係冰山一角
比佢更苛刻既大有人在
試過見交收時間fix死係正常返工時間09~18, 仲要指定地點

主要係呢位師兄post呢個人我一睇佢個名就火起，上年bid左佢隻game，張相同埋寫就話全新，又話有code，出到黎唔單止無code重要係殘既，咁我check下隻碟有無花都好正常啫，條友就好唔耐煩咁問我睇完未，真係火都黎，隻野貨不對辦都重要咁既態度，佢又話佢趕住返學又話我遲到，佢都痴線既，我一早話叫佢到之前早10分鐘俾電話我，條友就到左先打黎，仲話我遲到，佢自我中心到同丁蟹有得輝，以為佢自己啱晒，買佢小小野好似殺佢老豆咁:53:，我交收完真係一肚氣連晚飯都食唔落，點知單野仲未完，過兩日條友俾個評價我叫我評佢，頂佢丫，佢真係仲好意思叫我評佢？我本來想就咁算唔理佢，點知佢竟然轉我負評叫我即日評返佢，嘩呢個人渣⋯咁我就明佢幾千個好評點黎，全部都係靠威脅人得返黎，我真係超嬲，即刻寫信去yahoo投訴佢，結果yahoo只係幫我delete左個負評，而呢條咁黑人憎既賣家仍然逍遙法外，尋晚睇返呢條友D負評，真係好似啲潑婦喺度罵街咁，呢啲人yahoo應該delete佢account啦!!!

2621

我都試過拍賣時有不開心的經歷。不過，有時為左放返d二手玩具，無計--

wannnnnabe

多謝師兄報料。下次上Y拍時會注意一下。

andrewchan0079

其實呢個都只係冰山一角
比佢更苛刻既大有人在
試過見交收時間fix死係正常返工時間09~18, 仲要指定地點
即係你想交收, 除非你係返夜, 唔訓覺去搵佢交收
一係突登放假搵佢交收

mhfonana

四十幾個負評 你就唔好 bid 佢野啦...............

mansz

mhfonana 發表於 15-9-2015 11:14 AM
四十幾個負評 你就唔好 bid 佢野啦...............

唉，睇佢有幾千好評以為係正常人，點鬼知佢弱智啫⋯

takeshi

我同常見到5或6個負評以上而又係好近期ge負評都吾會bid，幾平都吾bid，費事受氣。
40幾個負都去bid係自殺~~~

極火之炎

睇完真係貨不對辦，問題多多極品賣家

cheung2701

支持樓主係呢度公開有問題賣家！！！！！

M.Jordan

我都覺Y拍D 人有D 問題架，其實放得出黎拍都係想賣野者，成班友好似放上去DISPLAY咁

價就已經同舖一樣，有時仲貴過舖，但自己又唔係有舖

約時間就最大問題，地鐵沿線又唔係去到尾都唔願去，MK, 油麻地，銅鑼灣呢 D 大站都唔去，又要約 OFFICE HOUR，星期六日又唔交收

一陣又話要收返10蚊拍賣費

一肚氣，去舖頭睇岩先買好過

可變戰士

多過2個負評(當有誤會)以上我都唔考慮, 仲要40個咁多??{:1_236:} 真係貼錢買難受! {:1_231:}

lok302007

玩左Y拍幾年. bid 之前, 正常會see 過去買家負評 +  賣家負評's 回复內容. 另外如果需要，問好時間,地點,  

joasun

啱啱睇完佢負評入面D回覆 呢個人真係極品:DD

briankk

交收過....
不快...
諸多要求..
大支野...
無下次...