我嘅IRON MAN收藏2015 UPDATE! 同回顧吓過去七年對HT呢幾年嘅感想

thespawnx

通常年頭都會出POST update吓我嘅收藏同講一堆感言， 點知道一拖就拖到今日！
坦白講， 最近對HT啲嘢嘅熱情真係慢慢減少！ 唔通係七年之癢? 2008年開始玩HT, 真係見證HT一步一步成長都今日FIGURE大老嘅地位到此刻熱情慢慢減退...
空間同金錢係最大嘅ISSUE， FIGURE越出越貴！但係技術同創意已經到咗一個成長空間好慢嘅地步， 可以講驚喜越來越小. ，可能之前進步得好勁好快到今時今日已經達到成熟嘅階段，好難再有返之前嘅驚喜！

我其實好期待HT出新技術， 例如植髮係男FIGURE， 中央開關掣比IRON MAN， 用唔會出水嘅電池or 直接用USB插電， 但係以HT一般嘅作風除非有競爭對手先出如果唔係會出新技術嘅機會都好微！

2014年尾開始決定放棄全部HT，只係KEEP IRON MAN同1:4 HT
因為以吓呢幾過原因， 我目前唯有收IRON MAN係列

1.好多嘅假皮物或者rubber料已經脫落同變壞！ 好懶去保養！ 現在HT都唔平， 幾年就壞真係唔講係COLLECTIBLE囉! 我嘅version 1 ironman MARK3都此刻都仍然係好靚. 所以有假皮物rubber料嘅FIGUEE 90%機會唔會再買, ed-209買咗唔到兩個月就頭爆裂！iron man嘅膠料係PLASTIC，就算斷咗仍然可以用強力膠黏返， 但係假皮就好麻煩啦

2.有太多係列， 人物太多同角色太多version & ， 收唔晒！勁戲永遠有下集又或者REBOOT！Spiderman， Terminator， Batman， 超人，  AVP永遠唔會完！
batman 2.0, terminator, avengers... 唯有收自己最鍾意嘅一個series

3.出太多同太快（唔係出貨快， 係出新嘢收訂快！）, 空間同金錢係大多數玩家嘅問題， 所以集中一series應該可以更承擔得起！

4.大多數ht出嘅我鍾意嘅角色都係偏暗顏色， 好似BATMAN， TERMINATOR， ALIEN & PREDATOR， 全部display一起個櫃嘅顏色好乏味。 IRON MAN出名紅金寶！ 用嘅顏色有光質又多同比較鮮明， 個櫃都靚D！

5.唔知點解我對機械人特別有興趣！而FIGURE有頭雕會好快有新ver比較， 舊嘅會失色， 所以同樣角色唔同嘅VERSION好似CA， THOR， T800 ARNOLD，batman會想收一個BEST版本就夠， 但係IRON MAN ARMOR就反而有興趣想收齊.

我以為只係收IRONMAN應該會輕鬆D啦， 點知道HT了解有一班市場上IRON MAN diehard fans， 食住條水上， 越出價錢越唔合理！ 好返感想好放棄同想投訴以下幾點面對HT嘅失望！

1. 價錢唔合理! Iron Man Mark XXV Striker 冇diecast冇頭雕同part有少！竟然同樣MARK 42價錢一樣！? 大家都知道Striker有另外一個版本係更換顏色，大部份嘅IRON MAN3係一摸多用嘅,收咁嘅代價? mark 43係mark 42轉色加個爛鬼地台貴咁多！！！好呃FANS囉

2. 出埋D爛鬼限量版本！ 一D都唔限量，python， hotrod同peacemaker都可以SIDESHOW or Singapore Action City度訂嘅！就賣貴咁多， 益晒d炒家！我d都想買嘅啦, 要令我哋咁麻煩！！ HT攪咁多呢D轉色限量版要FANS比貴價！加上無特別Accessories比原本版本少連地台都唔可以著燈！ 點對得住我地啊！

3. 出貨太慢啦！ 等都好悶又擔心無現貨， 又要訂一年半載， 過後有跌價， 唔望HT嘅野升價， 唔跌價已經好開心， silver centurion, heartbreaker, war machine 2.0... 全部都有20％以上全新嘅係拍賣網. 買HT買都要擔心起價或者跌價！ 訂或者唔訂， 好無癮！ HULK BUSTER就係呢個情況！

真係處於一個想繼續或者放棄嘅情況...

廢話講完， 去相！
2015 collection


















2014 collection





2013 collection



more pics
http://leecheekheng.blogspot.com/2013/03/my-hot-toys-collection-display-2013.html

2012 collection



more pics
http://leecheekheng.blogspot.com/2012/01/my-2012-hot-toys-collection-display.html

end of 2010 & early 2011 collection




more pics
http://leecheekheng.blogspot.com/2011/02/my-display-cabinet-and-hot-toys.html

2009 collection











http://leecheekheng.blogspot.com/2009/12/my-2009-collection-summary-is-time-to.html

多謝收睇!!!

jeffloh

我自己咁睇, 如果ironman license無profit就唔會人人都出figure了. 1/6, 1/9, 1/12, 就快, 1/9.75都有...HT當年係靠"走位"出predator起家, 又點會比對手做返同一樣野? 所以一定會花大筆錢買個exclusive rights返來. 代價就係figure,要賣貴d. 加上國內廠工人的工資係倍數上升. 生產figure又需要大量人手而唔可以走自動化, 成本一定會是高的. "幸好" exclusive結果 1/6比例的就只得HT, set價可以唔洗睇對手. 問心咁做生意又沒有對錯, 而且HT真係出得唔差, 長出長有多人買好正常.
老實講我都希望佢生意越來越好, 搵多d, 等可以有budget出其他野. 我自己就唔介意佢出極都ironman, 咁house party都有排出啦, 而每款電影都有新裝甲, 唔通由得佢唔出咩. 只係依家marvel superhero的造型太易"過期", 令到HT figure出o左無耐, 甚至貨都未派已經有新款, 所以我自己就唔會買. 不過有心儲的fans唔少, HT計到條數做乜唔出? 依家都係HT出我想要的角色我先會訂, 唔會為齊款而買, 因為一定追唔晒. 等於iphone我都唔會代代買, 最多只會隔代咁買.
我心態就係, HT又唔係開善堂, 搵最大利潤是一定的, 唔通出一隻蝕一隻咩. 但同時玩家有絕對的自由決定買定唔買. 人人價值觀都不同, 有人認為每個月只可以花$500在figure上, 有人可能碌爆卡, 個個月用9成人工去買玩具都得. 每個人都有佢自由, 唔買的唔需要批評, 成日買的又唔需要自負. 總之對得起自己, 唔影響生活(特別是有家人的人) 就OK.
每個人每個年齡都有唔同睇法. 我細個時直頭"高達就係一切", 再大少少就prefer打機, 之後玩figure. 依家就家庭為主. 將來可能玩相機hi fi都唔定. 錢又拎唔到落棺材, 有人喜歡及時行樂, 有人喜歡積穀防飢, 無話誰對誰錯.

不過我自己又唔太喜歡下下用"炒賣"去玩玩具的人, 學上幾個post師兄話, 拎d錢去投資可能更易搵到更多. 我估無人去飲茶時知道牛肉價格升就叫多幾個山竹牛肉儲起佢, 等價位再升就放返出去咁攪笑吧~  

thespawnx

ChiuJai 發表於 11-3-2015 12:56 PM
同意師兄說法同感想; 狂入狂買HT實屬不智,嚴選下而入,反而可以享受箇中樂趣;集中一辮,例如IM or ALIENS,不 ...

真係㗎， 人大咗好多想法同興趣都會變化， 變得無咁執著一定要買

thespawnx

jeffloh 發表於 13-3-2015 06:11 PM
師兄有2個小朋友都有時間玩figure真係好勁~~ 我自己已婚要供樓, 另外就係唔想成個生活只得"figure", 因此 ...

當年瘋狂就係用咗70％嘅薪水買玩具，唔夠有時用埋CARD碌！
現在有小朋友， 那些年瘋狂嘅行為已經成為過去！ 好多時如果特定個月出太多隻， 用咗好多錢我一都會賣減D玩具來幫補吓！先無咁有罪惡感， 所以如果買HULKBUSTER我會取捨賣一兩個玩具

Gretzky99

一句話總結 : 1/6 越來越多買，HT 越來越少買

原因很簡單 : HT 在過去的幾年裡沒有改進很多，價格却爆漲，其他廠家改進很多，但價格仍然合理

Mr. Howard Chan ，這個世界不止你一家 Action Figure 公司 :78:

edmund

CHING好感慨喎, 而我都有少少類似既感想
我08年7月第一次買HOTTOYS, 係IRONMAN MK3, 當時隻野要一千零五十蚊, 兩百蚊訂,10月出貨,我覺得超貴, HT第一次出IRONMAN, 我又係第一次買, 感覺是戰戰競競
之後08年8月JOKER BANK ROBBERY開訂, 仲意外睇到雜誌MILK既膳稿, 佢影到JOKER成個真人咁, 個頭雕當時的像真度真係前無古人, 就算而家睇番都唔失禮
最後又訂埋JOKER, 當時要九百三十蚊(好似係), 一百蚊訂, 11月出貨, 就係咁..我已經比左三百蚊訂買兩千蚊既玩具, 當時對我來講除左貴之外, 仲有少少不安
因為當時呢種買玩具既方式同我認知既方式係大庭相逕, 每個買家都係見過辦就要決定下不下訂, 話左幾時出又可能DELAY, 唔訂又冇現貨(當然當時買MEDICOM 1/6都係咁), 訂又怕佢出貨時質素會下降
當時市場大部分玩具都係開發成本較低, BANDAI SIC/神話係二三百蚊隻/套, 廠唔洗買家下訂去分擔風險, 正如而家BANDAI都玩魂限啦, 市場模式既轉變應該就係當年開始

如是者驚到08年11月,JOKER順利出貨, 一拿上手, 驚為天人, 雖質素真係冇膳稿入面D相咁正, 頭雕上色只有膳稿入面D相80%左右咁靚
槍械, 手袋, 衣服都好精密, 當時冇玩開1/6 FIGURE既我已經下決心以後主攻HT電影1/6, 少玩其他玩具
但IRONMAN就DELAY到09年1月先出貨, 果陣HT比人X到HIHI...但其實只係半年就出到貨, 而家來講算好快啦
同時HT都開始左對買家"溫水烹蛙", 加定價, 加訂價, 加出貨時間, 減質素, 但由於市場根本冇人可以同佢抗衡, 所以佢可以一直惡下去....
講番隻MK3, 實物拎上手又係嚇親, 前臂同肩部飛彈, 大腿上側FLARES, 背部FLAPS, 小腿內構全部有造出來, 上色完美, 仲要識著燈, 相信當年帶左唔少人入坑
入左一個SPECIFIC由HT挖出來既1/6電影坑..

之後我就開始KEEP住買HT的1/6, 到2010年尾成功做埋會員.
記得2010年前:
IRONMAN MK2一出比人X到上天花板, 話隻銀色唔夠似, 胸前鐵釘太大粒, 點知出左貨又比人炒到上天花板
JOHN CONNER個面油頭雕一出比人X到上天花板, 點知HT竟然道歉, 幾個月後極左個靚靚新頭送比買左既客
DX01一出比人X到上天花板, 話搵笨炒冷飯, 點知最貴炒到三千幾 (當年TOYS HUNTER仲有JOKER可動眼試玩會)
IRONMAN MK3 BD出貨比人X, 戰損PATTERN竟是左右對稱的...點知HT竟然可以比人退訂
仲有好多好多回憶... 但直到2011年玩家數目開始直線上升, 炒賣人偶/訂單風氣熾熱, 果期HT又QC大倒退, 結果出邊隻死邊隻, 如DX05, 生化ALICE, P仔TRACKER...

來到2015年, 市場已經多左好多間出1/6人偶的公司, 因1/6人偶成為了主流玩具, 而背後最大推手一定是HT
但我對HT感覺冇以前咁瘋狂了, 現在要見到好喜歡的才會買了

kofumanutd

真係可以俾啲新玩家作為一個借鏡, 玩玩具就唔好睇到個市場價格咁重, 呢樣野又唔係ht話囇事, 只係睇供求問題。 玩具唔係必需品同會不停有新款式出, 根本冇必要高追, 唔好係有入唔係又入, 但真係喜歡嘅又負擔到就自己訂咗先唔好噫抄家咁傻仔, 又使乜介意升同跌。

其實玩玩具玩到驚升同跌低, 已經證明你對呢件產品有愛極有限, 好大程度只係人有我有或只係死要儲全套, 都唔係真係好鐘意個角色。 好似呢位新加坡玩家為例, 以前狂熱時差唔多唔理乜野角色隻隻都入同貴一貴都要追返, 最後因ht連個仔都改埋叫howard; 但而家可以連自己之前大愛套predator都可放曬, 咁不如決定以後留返啲錢買其他野好過啦。

cartoon

{:1_203:}我都想出坑...只儲小量經典角色...  ...反而IRONMAN唔會隻隻儲...無必要比HOTTOYS牽住走....

terce

說得好，自己亦對HT & Action Figure熱情減了不少！

交叉人

反而現在簡而清最靚
不過有些角色ht的確出快了，不用半年，mos, star lord, winter soldier等

仍然有些好誇張，robocop, 車，及超過一年仍未有聲氣的鞭佬等等

mfleo2010

收藏豐富，展示擺放也不錯。
多謝分享。{:1_377:}

wing1123

一日無強敵，ht 一日都會head 做…價錢既野真係又市場黎決定，唔淨止玩具…生活需品都係…係睇你份人工撐唔撐到落去…仲有佢出既系列永遠都追唔晒只好嚴選…

quincy

我好同意樓主既講法
鬼叫HT獨市，寡頭壟斷
根本佢想點就點
佢隻mark 45如果一萬蚊
我想信仆住去訂既人，依然海量
根本現家就係幫佢集資供樓

taifat

師兄都係”一路#，但係就一路買”嗰種人

jeffloh

睇得出師兄係真心喜歡figure的人~
我自己都同師兄一樣, 不過比你更早開始少玩了HT. 我之前都儲不少terminator, batman, ironman, 不過玩玩下見越等越耐, 次次都等一年之後我就無再訂ironman了. 我記得我剛玩HT時是IM1, terminator salvation, TDK 果段時間, 當時除了MK-1等o左大半年外, MK-2,3都係好快就派貨的(頂盡3個月), batman 我直頭係買現貨, 當時900蚊左右.
另外就係空間問題, 以前同家人住就想display多d, 但到有了自己的屋企時, 又寧願"清d", 所以我屋企個廳係一隻figure都無的~ 唔需要display咁多自然唔買咁多~

我都好同意, 想當年我會感覺HT是好有"火"的公司, 每出一件產品都好用心, 但依家成了名反而比我覺得是"交行貨"的感覺. 當然產品質素現在比之前好了不少, 不過對我來說感覺反而差o左.....如果要具體d形容, 就好似一份奶茶+奶油多, 係街邊茶記食就好好食, 但如果去酒店食, 雖然用料是頂級, 不過味道始終無咁好....

不過我都係認為: 喜歡的又負擔到就買~ 始終玩玩具應該是帶來開心的, 而不是帶來壓力~

廿一月

我諗收得貴唔貴都係睇你o既接受能力, 最重要係呢幾年重複又重複o既產品實在太多
呢頭出完CA2的CA, 果頭轉個色出A2的CA....真係好悶囉
我同大大一樣諗法, 但IRONMAN只儲款, 同款唔同色就唔儲
另一樣就係而家仲會訂o既, 就係舊時90年代movie o既figure, 包保冇隔幾年就再出
其實最重要都係情意結

買買買

宜家好少訂ht了，情願買現貨，因為好多時貨不對辦，再加上出來出去都重覆角色。反而轉左去買其他細廠或handmade個d疑似明星角色。
ht最後訂既已經係回到未來架車了，出年先出，大把時間儲彈藥。

lpoks12

我都覺得永遠追唔哂
所以只儲認為目前出得最好(特別重視面相, e.g. 最新版狼人)
或者係自己覺得最有意義同代表既(e.g. mark III係第一套紅甲, 42係tony仲有反應爐既最後一套甲等等)
CA, THOR個類就真係儲1隻就夠, 再出都係分別唔大:ar:

shingo_y2k

以前既ht, 所出既figure種類比較多, 冷門野有, hot item 既都有, 滿足不同口味既fans
不會考慮賣唔賣得, 咩都會試
所以你會見到有 日本movie figure (goemon, kamui), hollywood 賣得同唔賣得既片都有 (hellboy, sucker punch, Mars Attacks etc....), 動漫都有 (eg 20世纪少年, city hunter)

現今既ht, 俾人感覺"大路野"先會出, 因為呢d穩陣, 有一定銷量, 所以好多ironman, batman, spiderman, marvel 英雄片....不斷reloop

tony2013

到現在為止，Hottoys Ironman 我有:
Diecast Iron Patriot，toysoul 會埸版 Tony
Mark 7 半胸像
訂左 Diecast mk 3，mark 43
期待之後出既1/4...:)