|
|
樓主 |
發表於 5-11-2014 11:15:30
|
顯示全部樓層
本帖最後由 bbq1120 於 5-11-2014 02:45 PM 編輯
我覺得,你只要有(油得點差都好過隻原裝既)信心就得{:1_203:}
我響到用文字詳細講一次我既流程:
1.先用開油水及棉花棒,抺走原裝色,粗暴D都無所謂,反正面部係原色膠料.
先上眼白,開油唔可以太(傑),同太(希),太(傑)會上到一舊舊,太(希)又唔上色,用面相筆上眼白都可以大膽D,油過龍可用(第二支)面相筆加開油水修復,
之後上眼珠,其實我上得唔係咁好,我就用針筆(慢慢點)個眼珠出來,點過龍又係可用(第二支)針筆加白色修復(當然要等乾左先啦).
再上頭髮,呢個好簡單,我既做法係,開好(希)既黑色(當然要上左要有色見到啦),怒上成把頭髮,等乾左用開油水及棉花棒抺高出既位置,頭髮就有層次
跟住到眼眉,鬚同嘴,又係大膽D都唔驚,油過龍可用(第二支)面相筆加開油水修復,鬚同嘴我又係開好(希),鬚係慢慢點出來.
之後做陰影,呢樣如果無信心可飛左去,有做就立體D,我響眉心,眼眉同眼之間,眼袋位都打左好(希)既陰影.
最後,反覆檢查,真係無甩漏,就噴消光,(記住,噴左消光就好難執返架啦!)完成!
 |
|
樓主: bbq1120
發表於 5-11-2014 00:36:24
